Топ Новости

За 300 евра плата се плука отров, за 500 се освојува Европа

Понеделник, 03 Јуни 2019

Кога некој странец зачудено ќе ве запраша како тоа со 300 евра месечна плата можете да преживеете, вие слободно кажете му дека тие што зараборуваат по 500 евра во Македонија се европски шампиони.

Да, ракометарите на Вардар во последните десет месеци примале од клубот само по 500 евра паушал, бидејќи клубот се наоѓа во финансиска криза и му се заканува згаснување. Значи Фереира и Стоилов буквално на секој натпревар јадат ќотек за 30 илјади денари, Карачиќ и Чупиќ би можеле најмалку двојно да заработуваат како шанкери во Макарска, а Криштопанс со своите два метри и 15 сантиметри комотно може да биде прв центар на Блокотехна, чии кошаркари се далеку подобро платени од вардаровите ракометари. Ете и тренерот Парондо би можел на еден куп госпоѓи на кои Касандра им е во срцето, да им држи часови по шпански јазик. Милосављев ако ништо друго, би можел да фати врски за државјанство, да се зачлени во партијата на власт и да се вработи на царина, па да си ги обезбеди поколенијата. Но, спротивно на економската логика тие решија на Вардар да му ја донесат втората титула во Лигата на шампионите и да постигнат резултат кој ќе ги направи бесмртни.

Откако во полуфиналето беа збришани оние препотентните Каталонци, во финалето на мегдан излегоа добро платените и фино згоени ракометари на Веспрем. Пред почетокот на овој дуел постоеше оправдано стравување кај навивачите на Вардар, дека Унгарците би можеле да одиграат со наша тактика, откако пред неколку месеци во Будимпешта се пресели еден од главните креатори на нашата беспарица. Сепак, во Веспрем, како и многу други пред нив не можеа да поверуваат дека еден професионален спортист може да игра подобро доколку е послабо платен, па се потрудија навремено да им ги исплатат сите плати на своите играчи. Нормално, тука ја направија најголемата грешка.

Ќе се зачуди некој на тоа дека странци од разни страни на светот играат за ситно во македонски клуб, а притоа гинат на секоја топка. Тешко се објаснува тоа навистина, бидејќи ни на нас Македонците тоа не ни е баш јасно. Како тоа може толку многу да се сака земјата, иако од 28 години самостојност, 28 години се кризни. Влегува нешто во кожа преку воздухот и водата, во исто време да се чувстувате и мизерно и гордо, па од инает да терате напред, иако двајца ве држат од позади и не ве пуштаат да се мрднете од место. На секој војвода оди по комита и кодош, а зад секој Македоноц одат по двајца Македонци, кои од неразјаснети причини со прст не помрднуваат за првиот, но кога тој ќе стори нешто блескаво скокаат до небо од радост.

Земскиот рај и пекол е нашата мила татковина, каде светците и барабите седат на иста маса и пијат од исто шише. Земја на очај и земја на благосостојба, на победа и пораз, на најдоброто и најлошото во секој човек, во секој момент.

И кога некој странец ќе ве праша што имате вие од спортот, вие слободно одговорете му ништо. Спортот наместо да нè обедини, нè разединува. Навивачите што отпатуваа во Келн се истепаа меѓусебно на улица, а тие што останаа тука мразат „северџани“, и „шиптари“. На странецот тогаш ќе мора да му објасните дека тие работат за 300 евра, дека се вљубени во историјата на нивниот народ, иако ниту една книга во животот не прочитале, дека на одмор одат во Албанија и Грција, а нивниот музичко-уметнички интерес застанал кај Житораѓе.

На крај може да констатираме дека ракометарите си ја заслужија платата, која е на исто рамниште со примањата на административците, лекарите и просветните работници. Колку ли само европски шампиони имаме во најава?

Автор: Срѓан Ивановиќ

 

"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""</p>"

Last modified on Понеделник, 03 Јуни 2019 - 18:29

.

.


ПОСЛЕДНИ ВЕСТИ:

Нови 9 бомби објавени на Ју Тјуб: „Орце шокираш“

Сведокот во случајот „Рекет“ Орце Камчев, шокира на Ју Тјуб.

Од 10-тина

Повеќе

Поволна бизнис клима преку регионална ЕУ соработка

Локалните самоуправи во Македонија се подготвуваат за развој на своите

Повеќе

Притвор за гевгеличанец насилник - со чаша повредил две жени

Oсновното јавно обвинителство Гевгелија поведе постапка против едно лице за

Повеќе

Просечна пензија од 15.500 денари во 2020 година

Трократно покачување на пензиите во текот на 2020 година најави министерката за

Повеќе

Утре ќе има 4 часовен прекин во електроснабдувањето

Од ЕВН-Македонија известуваат дека утре 11 декември планирани се исклучувања на

Повеќе

Трето место за гевгелиски средношколец на 43-та Школа „Мади физичари“

Во рамките на манифестацијата „Ноември-месец на наука 2019“, при крајот на

Повеќе

Одбележан патронот во ООУ „Климент Охридски“ Миравци

Со пригодна програма подготвена од учениците од ООУ „Климент Охридски“ од

Повеќе

Лишени од слобода 5 лица од Гевгелија, а еден малолетник заработи кривична

Министерството за внатрешни работи известува дека во четвртокот (05.12.2019) во

Повеќе

Трибина „Нема оправдување - заедно против насилството врз жени и девојчиња“

Во рамките на меѓународната кампања 16 дена женски активизам против насилството

Повеќе

УЈП започна со исплата на повраток на ДДВ кон физичките лица

Со мерката МојДДВ од денеска Управата за јавни приходи започна со исплата на

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.