Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Кога Мицко го сретна Бојко…

Недела, 24 Ноември 2019

Колумна на Сашо Орданоски за Цивил Медиа

Објективно, се чини дека г. Мицкоски нема за што да се лути: целата епизода од средбата со бугарскиот премиер Борисов е една „тврда“ лекција за тоа како изгледа да си играш – добро, се извинувам, да водиш – „висока политика“, а да сакаш да седиш на две-три столчиња истовремено. Г-динот Борисов прво му ја расчисти масата на г. Мицкоски за да почне состанокот, ги раскомоти македонските колеги, а потоа му постави неколку логички прашања на лидерот на македонската опозиција. Тоа се истите прашања за кои во Македонија две години се обидуваме да извлечеме јасен одговор, а постојано добиваме образложенија во вид на елиптични флоскули, двозначни и трозначни „математички прецизни“ формулации, а всушност бесмислена политичка демагогија, мешана со наводна проникливост: „Сè што е позитивно за двете страни – му вели Мицкоски на Борисов – ние го поддржуваме. Да немате дилема!“… Немаме дилема. Имаме трилема.

И не само ние што не добиваме јасни одговори, туку на истиот лицемерен начин си играат дрндупка со низа високи претставници и од ЕУ, во билатерални средби со земји-членки на таа Унија, како и со Американците. Резултат? Меѓународната заедница и денеска не е на чисто што ќе добијат од ВМРО-ДПМНЕ, во смисла на регионалната стабилност и просперитет, доколку тие, некако, се вратат на власт во Македонија? Им требаат недвосмислени, јасни одговори, а не евтини политички досетки.

За тоа нема никакво значење кој каде студирал, чија стипендија користел за магистратура и докторат, а ни со кого е женет… Брилијантна е забелешката дека и Ким Џонг Ун дипломирал во Швајцарија, па не е Швајцарец.

Во безброј прилики ова јавно му се укажува на ова раководство на ВМРО-ДПМНЕ. Одговорот од таму е дека сите тие (ние) кои ги поставуваме ваквите прашања сме „платеници на Заев“ и дел од пропагандниот апарат на СДСМ. Добро. Тоа можеби поминува во Драчево и Карбинци, ама не и кај Борисов. За некои поголеми и поважни од Борисов, обаче, и дума да не стане!

Тоа е резултатот на таа опозициска стратегија доброволно да се исклучат, а потоа од петни жили и да му контрираат на процесот на македонската евро-атлантска интеграција. Тој процес и така е валкан и компликуван – користам прилика, уште еднаш, да го поздравиме г. Макрон – но со клиповите што нашата опозиција упорно ги ставаше речиси на секој чекор од ова историско патешествие, не само што ја зголеми неизвесноста за конечниот успех на овој стратегиски зафат, туку толку многу ја избербати внатрешно-политичката цена за постигнувањето на неопходните компромиси, што од тие морално-политички последици тешко ќе се опорави духот на оваа генерација македонски граѓани.

А, да биде иронијата уште поголема, ВМРО-ДПМНЕ е прозападна, проевропска партија. Но, од „дрвото“ за спас на груевизмот, не ја видоа „шумата“ на македонскиот државен и национален интерес. Тоа е јасен лидерски пропуст, за кој нема оправдување. Се извинувам, ама така е.


Автор: Сашо Орданоски
Извор: Цивил Медиа


Last modified on Недела, 24 Ноември 2019 - 05:13

.

.


ПОСЛЕДНИ ВЕСТИ:

Граничен премин „Евзони“ кај ГП „Богородица“ вечерва се затвара во 22 часот

Министерството за внатрешни работи ги известува граѓаните дека до граничната

Повеќе

ООУ „Владо Кантарџиев“- Гевгелија со инвестиција за уредување на дворниот

Министерството за здравство за следната недела ги најавува протоколите за

Повеќе

Прогласена кризна состојба на јужната и северната граница на РСМ

Владата на Република Северна Македонија на одржаната редовна 79-та седница,

Повеќе

Османи: Започнаа преговори Заев-Ахмети за заедничка коалиција

Портпаролот на Демократската унија за интеграција Бујар Османи во интервју за

Повеќе

ГП „Евзони“ од утре целосно се затвара од 23 до 07 часот наутро

Портпаролот на грчката Влада Стелиос Пецас, денеска на брифинг со новинарите

Повеќе

Се бара ревизија за изградбата на Градскиот пазар во Гевгелија

Советникот Тихомир Ручкоманов, претставник од ЛДП и коалиционен партнер на СДСМ

Повеќе

Конституиран новиот 10-ти по ред парламентарен состав на РСМ

Со 116 гласови „за“, ниту еден воздржан и ниту еден против, денеска се

Повеќе

Граничниот премин Дојран-Дојрани останува затворен уште 10 дена

Грција ги продолжува своите меѓугранични заштитни мерки од ковид-19.
Денеска,

Повеќе

Августовска разгледница од Дојран

Продолжениот празничен викенд донесе многу гости, посетители, викенд туристи и

Повеќе

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.