Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Македонецот д-р Наумов на чело на тим кој истражува вакцина против Ковид-19

Недела, 03 Мај 2020

Повеќе од 20 земји во светот работат на истражување на вакцина против болеста Ковид-19. Меѓу нив се и Обединетите Арапски Емирати каде во лабораторија во Абу Даби работи, поточно предводи 15 член тим и научникот од Македонија, 45 годишниот штипјанец Панче Наумов. Заедно со својот тим работат на истражување на термички потенцијално стабилни вакцини против овој вирус. Засега сите досега развиени вакцини се распаѓале на собна температура. Тоа значи треба да се чуваат во ладни услови, а тоа значи проблем при транспортирање на далечни услови и неефикасност на вакцината во топлите периоди. Сепак Наумов вели „прашање на време е кога ќе биде откриена и какви нуспојави би предизвикала кај луѓето. Затоа интензивно се истражува до пронаоѓање на ефикасна вакцина.
Токму неговиот научен придонес деновиве беше повод оваа земја каде работи и живее да му додели специјална награда, специјален статус, за неговиот научен придонес, заедно со уште 10 научници кои творат во ОАЕ.
За ТВ 24 Панче Наумов вели дека наградата е всушност „златна виза“ за неговиот придонес кон науката на оваа држава, статус којшто во иднина ќе му овозможи да работи и живее во оваа земја. Специјалната награда за првпат беше воведена минатата година, а се доделува на мал број истакнати бизнисмени, истражувачи, доктори, иноватори и други професионалци, кои што имаат особено важен придонес за развојот на Обединетите Арапски Емирати.
Помеѓу другите добитници на оваа награда од други области, како што е спортот, се истакнати меѓународни спортисти како Новак Ѓоковиќ и Кристијано Роналдо.

Запрашан за состојбата со корона пандемијата во светот и кога светот ќе може да ја стави под контрола, научниот истражувач и професор Наумов вели дека „Оваа пандемија не завршува за два месеца. Речиси е сигурно дека ќе има нов пик во септември. При пандемијата не загрижува толку смртноста која е некаде до 3%, туку брзото ширење на вирусот, големиот број на заболени во еден ден и неможноста здравствениот систем да одговори соодветно кон сите заболени“.

Д-р по хемиски науки и автор на многу научни истражувања, Наумов во интервјуто за ТВ 24 изјави дека секојдневно ја следи состојбата со короната во Македонија, од земјата каде потекнува. Вели „Импресиониран сум од мерките на Владата во Македонија против корона вирусот“. За пример наведе дека при појавата на короната во Италија бил на меѓународен докторат во таа земја и бил сведок на немоќноста, неорганизираноста и неспремноста на државата да превземе конкретни мерки. Ја напуштил Италија два дена пред да се прогласи карантин и затворат границите. За Македонија вели дека вирусот се појавил подоцна па властите биле доволно информирани со што си имаат работа и превземаа конкретни мерки за заштита од ширењето на корона вирусот. Јас сум импресиониран, повтори македонскиот а светски научник Наумов.

Од неговата професионална биографија ќе споменеме дека Панче Наумов е докторот по хемиски науки и наука за материјали, професор на Универзитетот во „Њу Јорк “(New York University), а од пред две години и на Институтот Редклиф за напредни науки на Универзитетот „Харвард“. Како професор на Универзитетот „Њу Јорк“ е основач на Одделот за хемија на дисперзираниот огранок на овој универзитет во Абу Даби, главниот град на Обединетите Арапски Емирати (ОАЕ). Истовремено е и насловен вонреден професор на Институтот за хемија при Природно-математичкиот факултет во Скопје. Научникот Наумов во вистинска смисла на зборот неколку години живее и работи меѓу неколку градови на земјината топка. Постојано патува меѓу Абу Даби, потоа Бостон во САД, Гоа во Индија и Охрид во Македонија.

На прашањето во однос на теориите на заговор - Дали е вирусот корона природен или создаден лабораториски Наумов одговори:
- „Јас не сум поборник на теории на заговор. Ја знам способноста на мутација на вирусите како несложени организми. Тие може да бидат брзи и чести, некои се неопасни, а некои се опасни мутации. Кај луѓето како сложени организми мутациите не се така брзи и можни. Затоа верувам дека ова е мутиран вирус од природната средина“.

За животот после пандемијата, како ќе изгледа, ќе мора ли да живееме со маски?

Наумов одговори дека за време на својите магистерски студии и докторатот на Универзитетот во Јапонија, тој живее во оваа земја 13 години продолжувајќи со работа и научна денјност. „Таму постојано во целиот период среќавав луѓе со заштитни маски. Тоа е култура на заштита ако е некој болен од грип, заштита ако е некој алергичен на нешто и тоа беше слика како на улиците, така и во метрото, на јавните простори, секојдневно. Неможеме да очекуваме нашиот начин на живеење да биде ист како порано. Никогаш веќе нашиот начин на живеење нема да биде ист како порано“, потенцираше Наумов во однос на пандемијата.
„Светот стана многу поврзан, па се наметна потребата од изолација, немањето контакти, поврзаност преку интернет. Овој вирус без разлика како настанал ќе не' промени како човештво, не само во начинот на комуникација, туку и нас како индивидуи помеѓу себе. Тоа е следниот чекор, воведување дигитално општество, многу работи ќе се прават преку компјутер, ќе се комуницира преку интернет. Тоа е дел од Четвртата индустриска (дигитална) револуција која што му претстои на самото човештво.

Научникот и професор на Универзитетот Харвард, македонецот Панче Наумов на прашање од новинарот „Дали би се вратил да работи во Македонија?“ одговори:
- „Јас секогаш сум отворен кон таа можност, многу сакам да придонесам на земјата од која потекнувам. Во Македонија имам многу драги лиѓе, пријатели, роднини и би сакал во која било прилика, во која било можност јас да го направам тоа“, рече скромниот и вреден македонски истражувач, научник, доктор по хемија и наука за материјали кој во моментот работи на откривање на вакцина против Корона вирусот и болеста Ковид-19 од која светот веќе неколку месеци е во состојба на пандемија.

 

Last modified on Недела, 03 Мај 2020 - 02:33

.

.


ПОСЛЕДНИ ВЕСТИ:

Граничен премин „Евзони“ кај ГП „Богородица“ вечерва се затвара во 22 часот

Министерството за внатрешни работи ги известува граѓаните дека до граничната

Повеќе

ООУ „Владо Кантарџиев“- Гевгелија со инвестиција за уредување на дворниот

Министерството за здравство за следната недела ги најавува протоколите за

Повеќе

Прогласена кризна состојба на јужната и северната граница на РСМ

Владата на Република Северна Македонија на одржаната редовна 79-та седница,

Повеќе

Османи: Започнаа преговори Заев-Ахмети за заедничка коалиција

Портпаролот на Демократската унија за интеграција Бујар Османи во интервју за

Повеќе

ГП „Евзони“ од утре целосно се затвара од 23 до 07 часот наутро

Портпаролот на грчката Влада Стелиос Пецас, денеска на брифинг со новинарите

Повеќе

Се бара ревизија за изградбата на Градскиот пазар во Гевгелија

Советникот Тихомир Ручкоманов, претставник од ЛДП и коалиционен партнер на СДСМ

Повеќе

Конституиран новиот 10-ти по ред парламентарен состав на РСМ

Со 116 гласови „за“, ниту еден воздржан и ниту еден против, денеска се

Повеќе

Граничниот премин Дојран-Дојрани останува затворен уште 10 дена

Грција ги продолжува своите меѓугранични заштитни мерки од ковид-19.
Денеска,

Повеќе

Августовска разгледница од Дојран

Продолжениот празничен викенд донесе многу гости, посетители, викенд туристи и

Повеќе

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.