Топ Новости
Воз удрил во автомобил кај с.Давидово - Понеделник, 27 Јули 2020 17:55

Има ли опозиција во Македонија?

Сабота, 18 Август 2018

Џабир Дерала: Поентата е во тоа што ВМРО-ДПМНЕ, едноставно, нема кредибилитет да критикува било што

 

Прес центарот на ВМРО-ДПМНЕ работи со истото темпо како и порано. Како и не би, кога и новиот закон за финансирање на партиите им овозможува и ним и на другите големи партии комоција врз грбот на граѓанките и граѓаните. Секојдневно имаат најмалку десет соопштенија или текстови, а за време на викенд вообичаено стигнуваат до седум на ден. Не разбирам како, ни после толку „длабински анализи“ што ги најави Груевски пред да замине (формално) од функцијата поради презафатеност со СЈО, не им текна да сменат нешто во пристапот…

Поентата е во тоа што ВМРО-ДПМНЕ, едноставно, нема кредибилитет да критикува било што. Голем дел од нивните критики се однесуваат на состојби наследени токму од нив. Веќе со оваа поента може да завршиме и на оваа констатација да ѝ ставиме една голема, мрсна, црна точка. Нема што да се објаснува, доволно е да се погледне што сѐ направија и што сѐ не направија.

ВМРО-ДПМНЕ е несериозна партија, најблаго кажано. Јавноста не може да прифати критика од нив, бидејќи не се вистинска опозиција, туку се структура киднапирана од група луѓе кои се под истрага или се на суд за тешки кривични дела. Своето бројно членство го користат како штит за заштита на лични интереси и богатства. Македонија, всушност, и нема вистински парламент, туку една мешаница од интереси и битки што не гарантираат многу демократија.

Не можете за убиство што докажано сте го направиле вие, да обвините некој друг. Не може ВМРО-ДПМНЕ да обвинува некој друг за убиството на демократијата и човековите права, уништувањето на медиумите, здравството, образованието, културата (долга е листата), во денови кога сѐ уште се чувствуваат сите погубни последици, да биде виновен некој друг. ВМРО-ДПМНЕ нема било какво морално или политичко право да говори. Ни да зуцне!

Но, критиката за власта постои. Таа не е организирана и систематска, но е гласна и шарена, каква што беше Шарената револуција, какви што беа протестите против полициската бруталност, за Тамара, средношколските и студентските демонстрации, стечајците, зелените иницијативи… Сите тие, знајни и незнајни хероини и херои на граѓанскиот отпор, се вистинскиот демократски потенцијал на ова општество. Тие се вистинските критичари на власта, врз чиј труд, упорност и храброст се случуваа промените, додека тогашната опозиција беше разединета и на колена.

Не секогаш добро формулирана, често претерана или со груб вокабулар, недоволно професионално заснована – но критика! Искажана низ постови на социјалните медиуми, во колумни и блогови, на јавни настапи или во помали форуми, спонтани или организирани. Тие се опозицијата што има кредибилитет и што оваа, нова власт ќе ја држат будна и под остриот зрак на анализата и критиката. И малкуте медиуми што и порано и сега се подготвени да поднесат жртва, да говорат и да објавуваат критика на секоја и најмала грешка на новата власт.

Значи, нема партија што може да си припише право на опозициска мисла и акција. Да се надеваме дека демократите во редовите на ВМРО-ДПМНЕ наскоро ќе ни дадат причина за радост, дека имаме и опозиција. Како што тргнало, тоа не може да се очекува брзо, но секој изгубен ден е пад пониско за оваа партија, а со тоа продолжено назадување и на демократијата. Во меѓувреме, граѓанките и граѓаните се контролори и критичари. И тоа добри!

Пишува: Џабир Дерала
Извор: Цивил

Last modified on Сабота, 18 Август 2018 - 16:09

.

.


ПОСЛЕДНИ ВЕСТИ:

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

Една фирма во Гевгелија, 2 од Богданци и 4 во Валандово, искористиле владина

За април 2020 година една фирма од Гевгелија и две фирми од Богданци

Повеќе

Една година од огнената стихија во Гевгелија која пеплоса шест стана

На 30 јули во 11:20 часот на улицата „Ристо Чавдаров“ бр. 25 во Гевгелија лани

Повеќе

Пожарот кај Моин локализиран - изгоре 10 хектари деградирана шума

После седумчасовна интервенција на пожарникарите од ТППЕ Гевгелија помогнати со

Повеќе

Јули завршува со две температурни 40-ки за Гевгелија

Иако деновиве просечната темпреатура во јули се движеше од 35 со неколку 38-ци

Повеќе

Пожар кај Моин во месноста „Срнак“ се' уште активен

Три возила на Територијалната противпожрна единица од Гевгелија со 6 лица

Повеќе

Воз удрил во автомобил кај с.Давидово

Денеска (27.07.2020 г.) пред мугрите во 04:45 часот, се случила сообраќајна

Повеќе

Во Струмица попави, во Валандово штети, во Гевгелија краткотраен пороен дожд

Вчерашното облачно време во Гевгелија донесе краткотраен пороен дожд, но во

Повеќе

Редари од Општина Дојран со акција за промовирање на ковид мерките за заштита


Ваучер туризмот заживеа деновове во Дојан, а за време на викендите бројот на

Повеќе

Поплави во Загреб, починал еден член од спасувачките екипи, поплави и во Тузла

Со врнежи од дожд кои донесоа воден талог од 70 литри наврнат дожд на 1 метар

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.