Надежта овие денови има второ име – Метла. Но, таа Метла нема да заврши работа, ако нема план и цврсто решение конечно да се направи тоа што требаше да започне уште пред две години. Тоа што го кажавме од говорницата на 17 мај 2015 година, сега на многумина им се чини како далечен спомен на неисполнети сништа. Но, подобро доцна, отколку никогаш. Сега, слушаме за Метлата, новата надеж на жедните и гладните за Правда.
Во пресрет на посетата на Неговата Светост, а веднаш по изборите, Батето го ослободија и од неговиот раскошен домашен притвор. Тоа не личи на Метла, но можеби се чека Светиот Авион да одлета со драгоцениот гостин, па „генералката“ навистина да започне. Ајде, уште толку (трошка) Надеж ќе најдеме во себе… Или ќе има уште причини за одложување? Ако има последен повод и изговор да се одложува Метлата, тоа секако е посетата на Неговата Светост. Ништо друго не може да биде изговор, бидејќи сите можни изговори се исцрпија и избледеа на сега пожолтената хартија со декларации и ветувања.
Има ли цврстина, посветеност и знаење со кои може премиерот да ја закити својата Метла, пред да замавне со неа? Ако и понатаму се „негува“ слепата побожност и почитувањето, а не менувањето на законите што беа креирани во времето на Режимот, нема Надеж дека Метлата навистина ќе чисти.
NOTA BENE: Ако само се сменат неколку министри и директори на јавни установи, нема Надеж, поточно нема Метла. Системот е длабоко заболен и контаминиран со цели баталјони од партиски слепи послушници од врвот па до дното на хиерархијата. Треба да си одат. А неказнивоста мора навистина да престане. Нема потреба од нови изјави за тоа. Ги запомнивме сите изјави. Сега е време да видиме како работи Метлата.
Десетици, стотици, па и илјадници шрафови на Режимот треба да си одат. Најмалку сто институции може да се затворат за еден ден. Судии, обвинители, директори, управни одбори, шефови, инспектори, градоначалници, пратеници, партиски лидери, полициски и воени старешини, професори, наставници, претседателот во заминување, претседателката во обид, продуценти на лажни вести и говор на омраза… (продолжете го списокот, можете да ставите и имиња во него, нема да погрешите). Сите тие треба да се соочат со Правдата и да одговараат за своите неславни улоги во уништувањето на човечки животи и колаборационизам со Режимот.
А Владата? Да се преполови. Доволни се 10, 12, еве, 13 министерства. Плус Премиер и неколку (помалку од 10) советници. In nomine Patris et Filii et Spiritus Sancti. Amen.
Автор: Џабир Дерала
Извор: Плус инфо
.
.
ПОСЛЕДНИ ВЕСТИ:
Летна еколошка акција во Гевгелија
Во пресрет на почетокот на учебната година Општина Гевгелија и ЈПКД „Комуналец“
Продажба на градежно земјиште во Гевгелија
Единаесет градежни парцели во државна сопственост, со вкупна површина од 10.991
Авиони-канадери го угаснаа пожарот кај Мамино на Погана
Пожарот кој вчера беше регистриран во областа Мамино, на Погана, во близина на
Агенцијата за медиуми решава за прекршоци на 4 локални телевизии
Агенцијата за аудио и аудиовизуелни медиумски услуги денеска на седница
Се асфалтира последниот километар од патот Негоци-Серменин
Патот долг 27 километри од Негорци до планинското село Серменин на Кожуф
Амазонија гори две недели, чадот се гледа од вселената
Бразилската вселенска агенција извести дека бројните пожари кои ја зафатија
Триесет дена притвор за Катица Јанева
Од вечерва шефицата на СЈО, Катица Јанева, е во истражниот затвор „Скопје” во
Сугарески на увид на изградбата на патната мрежа во Гевгелија и Богданци
Во текот на летната сезона, додека временските услови погодуваат за работа, на
Караорман ќе добие нова водоводна мрежа
Населбата Караорман, каде годиниве наназад имаше интензивна градежна активност
Обвинителството ја прошири истрагата за „Рекет“ и бара притвор за Катица Јанева
Државниот јавен обвинител Љубомир Јовески денеска на прес конференција одржана
 |
 |
|
|
 |
 |
 |