Дострелот на малата Екатерина

Четврток, 17 Декември 2020

Колумна на проф. д-р Темелко Ристески од ФОН во која се осврнува на неодамнешната изјава на бугарската шефица на дипломатијата со која ги изедначи Тито и Хитлер.

На дождливиот осми мај 1980 година кога небото плачеше, а човештвото се опростуваше од Маршалот на Југославија, великанот Јосип Броз Тито, Екатерина Захариева имала само пет години. Како и секое петгодишно девојче, си играла со куклички. Повремено мама и тато ја воделе за рака на прошетки и излети. Тогаш често барала да и купат чоколадо. Ако не и ја исполнеле желбата гласно плачела. Светската политика и случувањата во неа не ја интересирале. Не можела да дознае дека на погребот на Тито дојдоа да му оддадат последна почит преку 160 шефови на држави: претседатели и монарси – кралеви, цареви, шеици шахови и др. Оние кои што од лични причини не можеа да дојдат, ги испратија своите најблиски.

Денес, четириесет години потоа, некогашното петгодишно девојче Екатерина Захариева е министер за надворешни работи на нашиот источен сосед. Од таа позиција таа го изедначи Тито со Адолф Хитлер тврдејќи дека тој – Тито бил диктатор кој (според неа) убил еден милион и седумстотини илјади луѓе и дека денес славењето на неговото име и дело во нашето Скопје е исто што и славењето на Хитлер во Берлин.
Ако човек и поверува на Екатерина и ако заклучува според латинската поговорка Similes simili gaudet- Сличните сличниот го слават (почитуваат), ќе испадне дека сите 160 и кусур шефови на држави кои дојдоа да му оддадат последна почит на Великанот, биле диктатори и убијци или, во „најмала рака,“ негови обожаватели.

Министерската позиција е многу висок дострел и блиску до врвот на кариерата на политичарот. Врвот е шеф на државата. Во нашиов случај тоа е претседателот на Република Бугарија. За да дојде до врвот на политичката кариера министерот треба да помине само едно скалило – премиер. Во сите области на општествениот живот висок и највисок дострел во кариерата се постигнува со многу учење, многу знаење и, пред се и над се, многу работа.

Како и сите други успешни луѓе, така и Екатерина учела и, без сомнение , многу работела. Но, учејќи не научила дека Јосип Броз Тито, за време на Втората светска војна беше водач на најголемото движење на отпорот против фашизмот во Светот – Народно ослободителната војна на Југославија; дека неполна деценија потоа, заедно со претседателот на Индија Џавахарлал Пандит Нехру и претседателот на Египет Гамал Абдел Насер ги удрија темелите на движењето на неврзаните (вонблоковските) земји во кои живееше повеќе од половината од светската популација; дека за време на „ладната војна“ која неколку пати се закануваше да прерасне во „жешка,“ неврзаните земји беа ефикасен баланс меѓу двата високо антагонизирани воено-политички блока – западниот НАТО и источниот Варшавски пакт; дека до својата смрт Тито беше најпочитуваниот лидер на неврзаните земји чиј збор ,без поговор, се почитуваше; дека беше радо приман и почитуван гостин во сите држави во светот, мали и големи, на исток и на запад, на север и на југ на Планетава Земја; дека не беше диктатор и убиец на југословенските народи, туку, поради неговите заслуги за ослободувањето на Југославија (а во рамките на неа и на Македонија), за нејзината повоена изградба и за нејзиниот огромен углед во светот беше избран за доживотен претседател на Републиката (Социјалистичка Федеративна Република Југославија); дека беше рамо за плачење на сите југословенски граѓани кои за секој спор што не можеа да го решат со локалните бирократи испраќаа поплаки и претставки до него на кои добиваа брзи одговори, со негов личен потпис, по што следеше брзо решавање на проблемите со бирократите. Таков човек не може да се нарече диктатор.

Ова се уште не го научила Екатерина. Да го беше научила немаше Тито да го нарече диктатор и убиец и да го изедначи со Хитлер, а оние 160 и кусур шефови на држави кои дојдоа да му ја одадат последната почит, да ги сведе на обожаватели на диктатор и убиец.

Таа тоа не го научила. Но, има време да го научи. Тогаш кога ќе го научи ќе постане почитувана министерка за надворешни работи Екатерина Захариева, а во иднина, можеби, и почитувана прва жена - претседател на Република Бугарија како членка на Европската Унија, со отворени граници и развиена интензивна соработка со Република Македонија во сите области на општествениот живот која тогаш – во иднината, исто така ќе биде членка на Европската Унија.


Автор: Темелко Ристески - професор по правни науки на ФОН



Last modified on Четврток, 17 Декември 2020 - 17:02

.

.


ПОСЛЕДНИ ВЕСТИ:

Запленета дрога во вредност од еден милион евра на ГП „Богородица“ и кај

Министерството за внатрешни работи во текот на вчерашниот ден (06.03.2021) во

Повеќе

Запленет камион со половина тон марихуана на ГП Богородица

Вечерва на Граничниот премин „Богородица“ запленет е камион полн со 500

Повеќе

Почина градежен работник во Гевгелија

Во централното градско подрачје каде се изведуваат градежни работи на просторот

Повеќе

Запленети 200 кг марихуана на граничната линија, приведени две лица

Одделот за криминалистика при ОВР Гевгелија во соработка со специјализирани

Повеќе

Тежок сообраќаен билтен - еден починат, еден тешко повреден

Едно починато и едно лице со тешки телесни повреди, без податоци за настаната

Повеќе

ОКШ Гевгелија бара воведување полициски час

Галопирачкиот раст на новозаболени од корона во Гевгелија и регионот (видно од

Повеќе

Почина Веселинка Поп Гонова

Утрово во Клиника „Жан Митрев“ воСкопје, каде што беше хоспитализирана оваа

Повеќе

Лишени од слобода двајца жители на о. Гевгелија

Прексиноќа пред полноќ, поточно во средата, жител на Мрзенци и жител на

Повеќе

Три последователни потреси во Грција почувствувани и во Гевгелија

Вечерва од 19:38 часот, 19:53 ч. па до 20:25 часот почуствувани се три

Повеќе

Почувствуван земјотрес во Гевгелија

Благо движење на земјата како лулање во правец југ-север-југ вечерва беше

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.