Груевски ја ставил партијата во функција на настаните од 27 април

Четврток, 21 Февруари 2019

ОЈО: Осомничениот Н.Г. како тогашен претседател на политичка партија преку медиум ги повикал граѓаните на протести и заедно со другите обвинети за таа цел ја ставиле во функција целата партиска структура

 

 

Републичкиот јавен обвинител Љубомир Јовески и шефицата на ОЈО, Вилма Рускоска, на денешната прес-конференција одржана во Јавното обвинителство соопштија дека ќе се бара проширување на барањето за екстрадиција на Груевски, кој по бегството од Македонија доби азил во Унгарија, а истото ќе биде побарано и за осомничениот во оваа истрага, Никола Бошковски од УБК, кој е избеган во Грција.

Рускоска истакна дека бидејќи се работи за истражна постапка, доказите се наоѓаат во ЈОРМ и тие ќе бидат испратени до Кривичниот суд, затоа што според законот, судот е тој што поднесува докази и барање за екстрадиција до Министерството за правда.

– Во наредбата за истрага стои дека осомничениот Н.Г. како тогашен претседател на политичка партија преку медиум ги повикал граѓаните на протести и заедно со другите обвинети за таа цел ја ставиле во функција целата партиска структура. Имаме и пораки, дел од тие докази се обезбедени, за тоа е и отворена истрагата, а на дел се уште се работи – изјави Рускоска.

Во ставањето во функција на партијата тука биле уште двајца осомничени, ексминистрите Спиро Ристовски и Миле Јанакиески. Цело време, како што рече обвинителката, имало партиска координација со месните и општинските комитети на партијата за излегување на протестите кои се организираа во периодот пред 27 април, како и за повикување на масовност дента на упадот во Собранието.

Законот за амнестија што беше донесен за дел од обвинетите за насилствата во Собранието на 27 април, според Рускоска не би требало да биде пречка во постапката која се води против организаторите на упадот.

– Во Законот за амнестија не е амнестирано кривично дело, туку поединечни дејствија. Таму стриктно е наведено дека законот за амнестија не важи за организатори – рече Русковска.

Основното јавно обвинителство за гонење на организиран криминал и корупција вчера почна истрага за гонење на пет лица кои се сомничат дека се организатори на настаните од 27 април. Тие се товарат дека сториле кривично дело „терористичко загрозување на уставниот поредок и безбедноста“. Меѓу нив е и поранешниот премиерот Никола Груевски, како и избеганиот разузнавач Никола Бошкоски.

Вчера им беше одреден триесетдневен притвор за поранешните министри Миле Јанакиески и Спиро Ристовски кои се осомничени дека учествувале во организација и спроведување на насилствата во Собранието кои се случија на 27 април.

Според информациите од Кривичниот суд, на Ристовски и Јанакиески им е одреден притвор поради можност од бегство и влијание врз сведоци. Адвокатите на Ристовски и Јанакиески најавија жалби на одлуките за притвор.

 

Извор: Нова Македонија

.

.


ПОСЛЕДНИ ВЕСТИ:

Јубилејна 20-та Ракијада во Валандово

Земјоделскиот одгледувач, лозар и ракијар Васил Пиндеров од Пирава ја понесе

Повеќе

Премиерот Заев по повод заклучоците на Европскиот Совет

По враќањето од Брисел и одлагањето на одлуката за почеток на преговори на

Повеќе

Златна награда „Глобаллокал“ за Општина Гевгелија

Општина Гевгелија е добитник на Златната награда „Глобаллокал“ во Средна и

Повеќе

Донесени заклучоците: Европскиот совет ќе се наврати на прашањето за Македонија

Самитот на европските лидери заврши без договор за отворање преговори со

Повеќе

Францускиот сенат гласаше „ДА“ за членство на Македонија во НАТО

Францускиот Сенат го усвои предлог-законот за ратификација на Протоколот за

Повеќе

Шест добитници на 7-мо Ноемвриски награди за 2019, Александар Попов постхумно

Една награда за животно дело, две Златни плакети и три Сребрени плаќети е

Повеќе

МВР: Сузбиена организирана криминална група во криумчарење мигранти

Жители на Богородица, Ново Конско, Јосифово, Богданци, Селемлија, Марвинци

Повеќе

Фирми, граѓани, судии, адвокати од Гевгелија на црната листа на УЈП

На најновата листа на должници кон Управата за јавни пригоди, објавена на ВЕБ

Повеќе

Информативниот туристички центар во Гевгелија ќе стане и наплатен пункт за

По десет години тапкање во место и затворени врати на туристичкиот информативен

Повеќе

Богданчанец во пијана состојба, речеси до смрт претепал пријател

Основното Јавно обвинителство во Велес донело наредба за поведување на кривична

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.