Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Царината за две недели успеа да спречи 7 нелегални трансфери - заплени девизи, златни монети, накит и откри мигранти

Среда, 01 Јули 2020

Во текот на минатите две недели, царинските службеници открија три обиди за нелегално изнесување на готовински платежни средства од државата, еден обид за криумчарење златни предмети. Потоа еден обид за внесување фалсификати и еден обид за криумчарење мигранти. Три предмети се откриени и процесуирани од царинските службеници на Граничниот премин „Богородица“.

Во изведените акции и претреси од царинските служби привремено се задржани:

Девизи

– 25.000 евра, откриени од страна на мобилните царински тимови, при контрола на српски автомобил и личен претрес на двајца српски државјани кои со возилото се пријавиле за излез од државата, на граничниот премин Богородица. Кај двајцата патници биле пронајдени по 10.000 евра, додека во кутијата за прва помош, сместена во багажникот на возилото, биле пронајдени уше 25.000 евра, за кои возачот изјавил дека се негова сопственост. Согласно законските прописи, на патниците им биле вратени по 10.000 евра, износ што нерезидент може слободно да го изнесе од државата, а против возачот е поднесено барање за поведување прекршочна постапка.

– 20.000 евра, откриени во два одвоени случаи на граничниот премин Богородица.

Во првиот случај, при личен претрес на грчки државјанин кој, управувајќи грчки автомобил, се пријавил за излез од државата, во предните џебови од неговите панталони биле пронајдени 20.000 евра. Согласно законските прописи, на патникот му биле вратени 10.000 евра, износ што нерезидент може слободно да го изнесе од државата, а 10.000 евра биле привремено задржани.

Во вториот случај, двајца босански државјани, кои со босански автомобил се пријавиле за излез од државата, пријавиле дека со себе носат 20.000 евра, но при извршениот личен претрес кај возачот биле пронајдени 20.000 евра, а кај сопатничката, сопруга на возачот, биле пронајдени уште 10.000 евра.

Согласно законските прописи, на патниците им биле вратени по 10.000 евра, износ што нерезидент може слободно да го изнесе од државата, а 10.000 евра биле привремено задржани.

Во двата случаи, против двајцата возачи се поднесени барања за поведување прекршочни постапки.

Златни монети и накит

– 56 златници и 5 парчиња златен накит, со вкупна маса од 429 грама, откриени од страна на мобилните царински тимови, при контрола на македонски автомобил со кој за излез од државата на граничниот премин Блаце се пријавиле двајца сопружници, македонски државјани. Непријавените златници и златниот накит биле откриени во еден сошиен чорап, сместен во несесер, и во алуминиумска фолија, сместена во паричник, пронајдени во чантата на сопатничката. Истите се привремено задржани, а случајот е предаден на Одделението за истраги при Царинската управа, за понатамошно постапување.

Делови за багер

– 1 употребуван ладилник за багер, откриен при контрола на стока со потекло од Албанија, пријавена за увозно царинење во царинската испостава Струга. Непријавениот ладилник, кој не бил опфатен со царинската декларација, е привремено задржан, а против увозникот ќе биде поведена соодветна постапка

Стока за која постои сомневање дека повредува права од интелектуална сопственост

– 336 пластични капачиња и 149 пластични стикери за бандажи со лого на заштитени трговски марки, откриени во царинската испостава Аеродром Скопје – отсек за стоково царинење, при контрола на брза пратка од Хонг Конг, наменета за физичко лице од Скопје. Поради сомневање дека производите повредуваат права од интелектуалана сопственост, истите се привремено задржани, и согласно законските одредби ќе биде поведена постапка за утвдување на нивната оригиналност.

Мигранти

Во царинската испостава Скопје 3, возач на ирански камион паркиран во терминалот, пријавил дека слушнал човечки гласови од приколката кои повикувале за помош. Преку Дежурниот царински центар биле известени мобилните царински тимови, кои по пристигнувањето на терминалот извшиле контрола на приколката, при што биле пронајдени 6 илегални мигранти. Според нивните изјави, петторица биле државјани на Бангладеш а еден бил државјанин на Пакистан.

Мигрантите биле предадени на Министерството за внатрешни работи за понатамошна постапка.

Извор: Царинска управа на Република С. Македонија


Last modified on Среда, 01 Јули 2020 - 15:26

.

.


ПОСЛЕДНИ ВЕСТИ:

КЗБ: Од прво до трето одделение во училишните клупи, другите пред компјутер дома

На две недели пред почетокот на учебната година, Комисијата за заразни болести

Повеќе

Заев го доби мандатот за состав на Влада од претседателот Пендаровски

Денеска напладне со свечена церемонија во вилата Водно каде е резиденцијата на

Повеќе

Заев обезбедил мнозинство, Пендаровски утре му го доделува мандатот

Шефот на државата Стево Пендаровски утре (четврток 13 август) мандатот за

Повеќе

Првачињата на училиште, останатите он лајн настава од дома

Учениците од септември веројатно ќе останат дома, ова го најави министерот за

Повеќе

Маж од Миравци при рибарење се удавил во Вардар

Од полицискиот дневен билтен на МВР се известува дека вчера во водите на Вардар

Повеќе

Граничен премин „Евзони“ кај ГП „Богородица“ вечерва се затвара во 22 часот

Министерството за внатрешни работи ги известува граѓаните дека до граничната

Повеќе

ООУ „Владо Кантарџиев“- Гевгелија со инвестиција за уредување на дворниот

Министерството за здравство за следната недела ги најавува протоколите за

Повеќе

Прогласена кризна состојба на јужната и северната граница на РСМ

Владата на Република Северна Македонија на одржаната редовна 79-та седница,

Повеќе

Османи: Започнаа преговори Заев-Ахмети за заедничка коалиција

Портпаролот на Демократската унија за интеграција Бујар Османи во интервју за

Повеќе

ГП „Евзони“ од утре целосно се затвара од 23 до 07 часот наутро

Портпаролот на грчката Влада Стелиос Пецас, денеска на брифинг со новинарите

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.