Кривичниот суд денеска одреди вкупно 81 година затвор за сите седум обвинети за нападот на пратеникот Зијадин Села. Сите седумина се обвинети за обид за убиство на пратеникот.
Никола Војминовски, Кире Ѓорѓиевски и Александар Јаневски - Тошта добија по 13 години и 6 месеци затвор, а Оливер Ошавковски, Николче Димитриевски, Андреј Мицов и Коста Делов добија по 10 години и 6 месеци затвор.
Обвинителот Дарко Јакимовски од судот побара притвор до правосилноста на пресудата поради можност за бегство на осудените, а за двајца од обвинетите беше побаран куќен притвор поради влошена здравствена состојба.
Видео А1он.мк
