Казна затвор од 6 години за Гордана Јанкуловска

Понеделник, 08 Октомври 2018

Набавката на луксузниот мерцедес, по предметот „Тенк“ на СЈО за поранешната министерка на МВР донесе затворска казна од 6 години 

 

 

Кривичниот Совет предводен од судијката Добрила Кацарска денеска објави пресуда од 6 години затвор за поранешната министерка на МВР, Гордана Јанкуловска.

Заедно со казната затвор изречена во издвоената судска постапка за случајот „Тенк“ за кој се веќе изречени казни од 2 години затвор за поранешниот премиер Никола Груевски и 4,5 години затвор за полицискиот службеник Ѓоко Поповски кој ја спровел јавната набавка по инструкции на тогашната министерка Јанкуловска, обвинетата Јанкуловска судот ја задолжи да ги исплати процесните трошоци за постапката во редност од 323.841 денари. Оваа сума треба да ја исплати во рок од 15 дена од изрекувањето на казната, под закана за присилна наплата, според член 105, став 1 од Законот за кривична постапка.

Судијката Кацарска нагласи дека неспорен факт е дека луксузниот блиндиран мерцедес набавен со средства од МВР, кога на позиција министер била обвинетата Јанкуловска, истата вршела притисок врз службено лице (осудениот Ѓоко Поповски) набавката да ја изврши според спецификација на техничките параметри за возилото што ги исполнувала фаворизираниот добавувач за фирмата „Мерцедес“ во земјава, „МАК Ауто“. Се барало возилото да има 4 седишта, 4 врати, 12 цилиндри мотор, да биде блиндиран, да има трансмисија со фиксност од 5 брзини. Конкурентските фирми BMW и Ауди иако имале трансмисија со 8 брзини со ваквите барања во јавната набавка биле исклучени од можноста да конкурираат на јавниот тендер за набавка на возило вреден 600.000 евра.
Од доказната постапка, сведочењата и преслушаните тонски записи Кацарска во пресудата утврди дека техничките спецификации во тендерот биле идентични со понудата на „МАК АУТО“. Со тоа Јанкуловска не го штитела јавниот интерес како јавен функционер, туку дала предност на лични желби, како барањата на тогашниот премиер, сега осуден Никола Груевски: „ама да има телевизорчиња назад, кога ќе се возам со децата. И се' друго...“

„Гордана Јанкуловска со умисла го поттикнала службеното лице Ѓоко Поповски да ја изврши нелегалната набавка од фаворизиран добавувач и со тоа да изврши кривично дело, за која веќе е осуден 4,5 години затвор. Според Кривичниот закон на РМ тој што ќе наведе друг да стори кривично дело ќе одговара како самиот да го извршил кривичното дело“, оцени во пресудата судијката Кацарска.

Обвинителката од СЈО, Фатиме Фетаи по изрекувањето на пресудата побара од судот дополнителна мерка „Забрана за напуштање на живеалиштето, пребивалиштето на обвинетата Гордана Јанкуловска“ за да се избегне ризикот од бегање, или криење, со оглед што против неа се води и обвинение за случајот „Тврдина – Таргет“.

Судијката Кацарска објави пауза за да се произнесе судскиот Совет по дополнителното барање за мерка „забрана за напуштање на живеалиштето“ што е еднакво на куќен притвор. По половина час, Судот ја изрече одлуката „забрана за напуштање на живеалиштето, односно престојувалиштето“ како безбедносна мерка за сега осудената Јанкулоска.

 

Last modified on Понеделник, 08 Октомври 2018 - 15:13

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.