Топ Новости

Изречени четири јавни опомени за ТВ „Нова 12“ од АВМУ

Понеделник, 26 Август 2019

Агенцијата за аудио и аудиовизуелни медиумски услуги на одржаната 31 седница, минатата недела изрече четири мерки - Јавни Опомени за локалната телевизија „Нова 12“ од Гевгелија.

Мерките се однесуваат за констатирани прекршоци во работењето на телевизијата по извршената програмска контрола на АВМУ која траела до 31 јули годинава, а во која биле вклучени под надзор сите медиуми во државата.

Прекршоците за кои АВМУ ја терети локалната телевизија од Гевгелија се однесуваат на следново:

1. На телевизискиот програмски сервис на ТРД „Нова 12“ (емитуван на 5 јули кога е извршен програмскиот надзор од АВМУ) играните филмови имале погрешна предупредувачка сигнализација за заштита на малолетни лица - наместо програми од Четврта категорија (16+) биле означени со програми од Трета категорија (12+), при што биле емитувани филмови со непристоен говор, еротски и сексуални односи без експлицитни детали што не се соодветни за деца под 16 години;

2. Во рамките на својот телевизиски програмски сервис ТРД „Нова 12“ емитувала недоволно содржини од сопствена продукција, односно емитуцала 26,31% изворно создадена програма, односно помалку за 50 минути и 23 секунди сопствена продукција од тоа што медиумот законски е обврзан да го емитува во текот на дневната програмска шема;

3. ТРД „Нова 12“ во рамките на својот програмски сервис не ги обезбедува информациите што треба да им се направат достапни на корисниците, и тоа најмаллу до седните податоци: полно име на давателот на аудиовизуелната медиумска услуга, податоци за контакт (телефонски број, адреса на електронска пошта, одговорно лице за брзо, директно и ефикасно стапување во контакт) и за надлежното регулаторно тело; и

4. Во две изданија на емисијата „Добра идеја“ (на денот на мониторирањето) ниту во најавна ниту во одјавна шпица немало целосна објава на податоците во импресумот - авторската, реализаторска екипа, податоци за уредништвото и датум на продукцијата, што е против точка 6 од Упатството за исполнување на обврските за импресум и информации достапни за корисниците.

Агенцијата за аудиовизуелни и медиумски услуги, пред изрекувањето на мерките Јавна Опомена до ТРД „Нова 12“ Гевгелија доставиле писмена опомена со цел тие правно да се произнесат за констатираните пропуст во програмата. ТРД „Нова 12“ не се изјаснила до АВМУ по ниту една од опомените, по што на седница на Советот на Агенцијата одржана на 23 август донесени се четири решенија за изрекување четири мерки Јавни Опомени за „Нова 12“ од Гевгелија.

Медиумот има рок од 30 дена да ги поправи своите слабости и да го усогласи своето работење со одредбите од Законот за медиуми. За четвртата мерка рокот на усогласување е до 45 дена. Ако е незадоволен од изречените мерки локалниот медиум може во рок од 30 дена од денот на приемот на Решенијата да поведе управен спор пред надлежен суд.

Директор на Агенцијата за аудио и аудиовизуелни медиумски услуги е Зоран Трајчевски. Тој до неговото поставување на функцијата (во 2014 година) беше заменик министер во Министерството за транспорт и врски на РМ, а претходно член на УО на „Телеком“ и во тој период беше претседател на комисијата за медиуми на ВМРО-ДПМНЕ. Телевизија „Нова 12“ од Гевгелија во неколку финансиски извештаи на оваа партија (додека беше на власт) се јавува како донатор на парични средства во неколку илјадни суми од денарска вредност. Како сега кадрите кои работеле и помагале на иста партија се казнуваат помеѓу себе, или глумат казнување со опомени. Да се работи нешто.


Last modified on Понеделник, 26 Август 2019 - 17:51

.

.


ПОСЛЕДНИ ВЕСТИ:

Трговски оператори во Гевгелија вршат достава до нарачатели за време на

За време додека трае забраната за движење на граѓани и возила (т.н.

Повеќе

Корона низ бројки кај нас и во светот до 13 часот

Истекува 41 ден од првиот дијагностициран случај со корона во Македонија, а во

Повеќе

Во Гевгелија наврнати 90 литри дожд на 1 м2 за пет дена, водостојот на Вардар

Почетокот на месец април започна со дожд и во изминатите пет денови од 01 до 05

Повеќе

Македонија влегува во втора фаза во битката со корона вирусот

Нови 72 заразени од корона вирусот, тројца оздравени и двајца починати е

Повеќе

Општина Гевгелија со мерки за олеснување на општинските даноци и такси кон

Поради епидемијата со корона вирусот во државата Владата донесе два пакета

Повеќе

Царинските работници активни во одржувањето на домашната економија и за време

Додека трае епидемијата со корона вирусот и вонредната состојба во државата

Повеќе

Тешко повреден возач во сообраќајка кај Прдејци

Новоасфалтираниот регионален пат Прдејци-Смоквица кој е оптеретен со промет од

Повеќе

Втората акција - пакети со лична хигиена за социјалните категории граѓани во

Мобилни тимови на Општина Гевгелија и денеска ја продолжуваат акцијата за помош

Повеќе

Македонија доби пристап до Европскиот Солидарен Фонд

Заедничката борба со корона вирусот се повеќе не' приближува и обединува со

Повеќе

Во прекин железничкиот сообраќај - Товарен воз излета од пругата кај Миравци

Поради одрон на камења врз самата железничката пруга која ја блокирала во

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.