Корона кризата ја зголеми невработеноста во Гевгелија

Сабота, 26 Септември 2020

Новата здравствена пандемија која го зафати светот се одрази на светската економија, а исклучок од тоа не е ниту Гевгелија.
Македонската европска порта, Гевгелија, во услови на ковид кризата ја почувствува негативната страна од својата економска поврзаност и зависност од меѓународните гости и потрошувачи, пред се' од соседна Грција.
Намален е прометот во хотелско-казинскиот туризам, посетите во стоматолошките ординации од стрна на грчките граѓани, ги нема грчките посетители кои беа редовни купувачи на градскиот пазар, бутиците, фризерниците. Прометот е намален, а тоа се одразува и на локалната економија.

Показател дека економијата трпи е и податокот на 380 отпуштени работници од казино секторот во Гевгелија, во месеците на корона епидемијата годинава. Иако се тоа фирми со меѓународен капитал, кои честопати беа донатори на здравствена опрема за болниците во Гевгелија и други општини од државата, казино „Фламинго“ ги отвори вратите и за прием на лица повратници од странство за државен карантин, сепак го намалија бројот на вработените од нетипичните работни места.

- „Во септември 2019 година во евиденцијата на Агенцијата за вработување ПЕ Гевгелија имаше евидентирано 560 невработени. Во септември 2020 година оваа бројка на невработени во ПЕ на АВРМ Гевгелија се искачи на 1.260 лица“ изјави денеска за „Телма“ градоначалникот на општина Гевгелија, Сашо Поцков.
Тој изрази сомнеж дека бројката на невработени во Гевгелија е дури и поголема од таа во евиденцијата на АВРМ-ПЕ Гевгелија, пред се' заради тоа што: „Голем број на граѓани не се евидентирани во системот како баратели на работа. Што значи, не сите невработени се активни баратели на работа“.

За надминување на проблемот на економски план кој влијае на работниот сектор, а директно и врз семејниот стандар на гевгеличани, деновиве Општина Гевгелија организираше работна средба со заменик премиерот за економски прашања Фатмир Битиќи и министерот за здравство Венко Филипче со цел да се иницира меѓу надлежните фактори во Македонија и Грција двострано отварање на Границите.
Грција најави дека на 15 септември ќе ги отвори границите со Македонија, но тоа не се случи, а ниту добивме официјално образложение зошто е тоа одложено. Лобирањата на здравствените и економските фактори меѓу двете земји продолжува.
Засега со Грција непречено се одвива транспортниот сообраќај. Но, овој сосед забранува влез во својата земја после 23:00 часот, дури и на свои граѓани, а назад ги прима со негативен ПЦР тест кој треба секој грчки гостин на Гевгелија да го направи при влез во својата земја, за да не се соочи со 15 дневен карантин. Тоа важи и за секој повратник од странска земја кон Грција.

Короната во Гевгелија е присутна веќе 61 ден со летниот корона бран. Каква одлука ќе донесат факторите од двете земји засега е неизвесно, како што е неизвесна и работата во дејностите од локалната гевгелиска економија кои се засегнати од намалениот прилив на гости од овој јужен сосед.

 

Last modified on Сабота, 26 Септември 2020 - 16:34

.

.


ПОСЛЕДНИ ВЕСТИ:

Почина Бранка Станковска - доајенот на македонското спикерство

Попладнево, во Скопје почина првиот глас на Радиотелевизија „Скопје“,

Повеќе

Воспитувачки во Белград малтретирале 2-3 годишни дечиња

Со нога на детското стомаче, шамари, тегнење за раце, заклучување.
Во

Повеќе

Собранието со 62 гласа „ЗА“ го донесе Законот за попис

Собранието денeска со 62 гласа „за“, без „воздржани“ и без „против“ го донесе

Повеќе

Џо Бајден ја превзеде функцијата претседател на САД

Со свечена церемонија на која не присуствуваше претходникот Трамп, денеска

Повеќе

Од јануари пензиите повисоки за 185 денари

Усогласувањето на пензиите со трошоците за живот донесе покачување на пензиите

Повеќе

Водици со шест крштевки во гевгелиските храмови

Вековниот празник Богојавление Водици денеска освен со водосвет во црковните

Повеќе

Угостителите со работно време до 21 часот

Владата на Република Северна Македонија на денешната 40-та седница, по

Повеќе

Водосвет годинава во црковните храмови

Пандемијата годинава ја измени и традицијата - Осветувањето на водите за време

Повеќе

АВРМ: Кредитирање на невработените до 10.000 евра за започнување сопствен бизнис

Агенцијата за вработување на Република Северна Македонија објави оглас за

Повеќе

Минусна ноќ во Гевгелија и југот

Вечерва настапуваат првите минусни температури годинава - поларниот студен бран

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.