Топ Новости
Успешна еко акција во село Богородица - Сабота, 14 Септември 2019 14:18
Празнична посетеност на Дојран - Понеделник, 09 Септември 2019 10:19
Среќно првачиња! - Вторник, 03 Септември 2019 17:55

Поцков: 2018 ја одбележаа три капитални проекти и вода без арсен за Гевгелија

Понеделник, 24 Декември 2018

ВИДЕО: Според градоначалникот Сашо Поцков 2018 е година на раздолжување на општината од наследените долгови, три капитални проекти, вода без арсен за Гевгелија и изградба на локални патишта и улици

 

 

Сумирањето на постигнатото во годината што изминува градоначалникот на општина Гевгелија го изнесе јавно пред медиумите истакнувајќи дека 2018 е комплетно негова година на функционирање како градоначалник со оглед на тоа што на функцијата стапи на истекот од ноември 2017 година.

Санирањето на наследениот долг оставен неподмирен од старата локална гарнитура беше почетниот проблем со кој се соочи при превземањето на функцијата градоначалник од неговиот претходник. Огромните неизмирени долгови и обврски на општината на денот на примопредавањето на функцијата од 143 милиони денари беше првиот предизвик за справување во 2018 заради новите обврски, рати и пресметани камати кои секојдневно доспеваа. Овој проблем се реши со интервенција на Владата со подмирување на 51% од обврските на сите 120 општини во државата.

Поцков на брифингот со новинарите ги истакна трите важни капитални проекти кои ја одбележаа 2018 година: пуштањето во употреба на Пречистителната станица кај Вардар, стартот на градежните работи на Хидросистемот Конска Брана и пуштањето во употреба на новите бунари кај Вардар за водоснабдување на Гевгелија со чиста вода.
- „Гевгелија со постојните бунари кај Моин и старите бунари кај Вардар можеше да се справи со потребите за водоснабдување на општината во следните 10 години. Но наметнатиот проблем со арсенот и пред се' граѓанксата активност, огромниот притисок од јавноста преку здружението на граѓани кое го третираше проблемот со арсенот во гевгелиската вода, доведоа до изградба на новите бунари во месноста Мрзенска ада“, истакна Поцков.

Тој се повика и на старата народна поговорка „Копај нов бунар, но не плукај во стариот, оти може да ти притреба“ кога го истакна проектот за деарсенификација на водите од бунарите кај Моин каде е детектирана висока и здравствено недозволена концентрација на отровниот елемент арсен. Тој истакна дека во текот на 2019 година ќе биде реализиран овој проект со помош на средства донирани од Владата на РМ. Во прашање се две понуди од две фирми со два различни пристапа на деарсенификација. По одлуката за најдобриот метод со кој ќе се елиминира арсенот ќе ја започнеме постапката на нивно вградување, инсталација на деарсенификатори за бунарите кај Моин, истакна Поцков.

 



Од проектите предвидени за реализација во 2019 ги посочи програмите од Буџетот на општината за следната година и капиталните зафати кои се предвидени за претстојната година.

Во тек е изработка студија за регулирање на паркирање во центарот на градот, изградба на стационар за незгрижени кучиња на локација кај Негорци, завршен е изборот на градежна фирма за изградба нови училници во СОУ „Јосиф Јосифовски“ со цел едносменско работење и енергетска заштеда како и санација на угостителската сала во училиштето.
Во планските зафати за 2019 година Поцков ги напомена и завршните работи за експропријација на земјиште за изградба на Западен Булевар - тоа е продолжување на сегашниот булевар кај т.н. „грчки згради“ кој ќе прдолжува се' до Динќут. Со тоа треба да се растерети сообраќајот низ улицата која поминува кај ООУ „Крсте Мисирков“ каде голем дел од тешкиот сообраќај се одвива токму низ оваа улица во градот. Градежните изведби ќе бидат со механизација на турскиот изведувач на Конска Брана, а средствата за асфалтирање и тротоари со пешачки патеки ќе бидат обезбедени од ЈП за патишта на РМ.
Раскрсница кај Фурка и регулирање на влезот во Гевгелија се новите зафати кои ќе бидат реализирани со помош на ЈП за патишта и општина Гевгелија и Богданци за кои се подготвува проект за проширување на оваа патна делница. Овој проект е одговор на граѓанската иницијатива што ја потпишаа и поддржаа 3.500 граѓани, а на кои општините им одговараат со конкретен проект и изведбен зафат во претстојната 2019 година.

 

 

Last modified on Понеделник, 24 Декември 2018 - 16:49

.

.


ПОСЛЕДНИ ВЕСТИ:

Успешна еко акција во село Богородица

Јавните површини пред јавните простори во гевгелиското село Богородица денеска

Повеќе

Фирми и граѓани должат кон УЈП 10,2 милијарди денари

Управата за јавни приходи објави Листа на должници бр.09/2019 за долгови

Повеќе

Јавна презентација за дел од ДУП 7 (7.5) за Гевгелија

Утре со почеток во 12 часот во просториите на малата сала од Народниот театар

Повеќе

Никола Димитров ја доби наградата за Придонес кон европската интеграција на

По повод петгодишнината од основањето на порталот „Европски Западен Балкан“-

Повеќе

Празнична посетеност на Дојран

Продолжениот празничен викенд донесе поголем број гости во текот на топлиот

Повеќе

Одбележување на Денот на независноста

Со истрелување на 10 плутони од страна на артилерискиот батаљон во касарната

Повеќе

Авиони канадери го ставија под контрола вториот пожар кај Мамино

Локализиран, но не целосно ликвидиран. Ваков беше денешниот утрински извештај

Повеќе

Среќно првачиња!

Денеска во општинските основни училишта во Гевгелија се одржаа свечени приредби

Повеќе

Прекин на електроснабдувањето во Моин и Конско

„ЕВН“ КЕЦ Гевгелија ги известува корисниците на електрична енергија во општина

Повеќе

Првачињата во Миравци и Негорци прифатени, другите свечено започнуваат со

Првиот училишен ден денеска започна за првооделенците во Општинските основни

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.