Велин Стојменов - нов претседател на Здружението на пензионери за Гевгелија

Четврток, 21 Март 2019

На вчерашното изборно Собрание на општинското Здружение на пензионери за Гевгелија со двотретинско мнозинство, за нов претседател на Здружението е избран пензионираниот професор Велин Стојменов

 

 

На вчерашното изборно Собрание на општинското Здружение на пензионери за Гевгелија со двотретинско мнозинство, за нов претседател на Здружението е избран пензионираниот професор Велин Стојменов.

На изборот за претседател и нови тела на Здружението на пензионери му претходеше речиси тримесечна изборна постапка (од 15 јануари, па до вчера 20 март) со предлагање на делегати на Собранието на пензионери од Гевгелија и 11-те населени места од Општината кои на ваков начин делегираат свои претставници во пензионерската асоцијација.

Од 27-те членови на Собранието на пензионери, вчера на седницата на Собранието која започна во 10 часот во просториите на Пензионерскиот дом, делегатите избраа 13 член состав на Извршниот одбор, кој е највисоко раководно теко на Здружението.
Седницата на Собранието ја започна претседавачот на Собранието Васил Дојчинов, а по изборот на работно претседателство со Собраниската седница раководеше Марија Николова.
По успешно одржаното Собраниео на пензионерите за Гевгелија, вчера по изборот на Извршниот одбор, се состанаа 13-те членови и од своите редови избраа претседател. Функцијата со 2/3 мнозинство му ја доверија на дипломираниот физичар и долгогодишен професор во УЦ „Јосиф Јосифовски“ Велин Стојменов.  Согласно Статутот, Стојменов како избран претседателот на ЗП е воедно и претседател на Извршниот одбор на ЗП. 

Стојменов доаѓа на функцијата претседател на Здружението на пензионери на местото на Лена Семенакова, која беше претседател избрана за четиригодишен мандат, а која поради здравствени причини на извршувањето на функцијата ја заменуваше Ангел Велков.

На вчера одржаното Собрание, пензионерите од Гевгелија избраа и свој претставник во Републичкото Собрание на пензионери. Изборот падна на Костадин Дагалев, кој на оваа функција ја превзема претставничката улога пред републичките собраниски тела на пензионерите од досегашниот делегат Ристо Франгов.

Познавачите на состојбите со кадровите смени во Здружението на пензионерите коментираат дека после осум години гевгелиските пензионери ја дистанцираат политичката спрега со власта. Познато е дека во 2010 година Владата од поранешниот состав со еднократна одлука го присвои фондот за пензионери и со истиот реализираше недели на бањски престој за пензионерите, платени викенди, платени скијања во зимските центри, што наиде на остра реакција од јавноста, а тогашното раководство на пензионерите од Гевгелија ја премолчаа загубата на Фондот за пензионери кој замина под капата на власта. Исто така и солидарниот фонд што го плаќаа активните примателина пензија за покривање на погребните трошоци за својот брачен партнер, заминаа во неповрат со превземањето на Фондот на пензионерите на буџетското конто на тогашната Влада. Гевгелиското пензионерско раководство и тогаш не реагираше, а граѓаните пензионери се соочуваа со неправда, да ги покриваат погребните трошоци за своите изгубени партнери, иако некои и по 20 години уплаќаа во Солидарниот фонд за погребнина за две лица, а не само за активниот пензионер.

На вчерашното Собрание делегатите избраа претседавачот со собраниската изборна седница Марија Николова да биде претседател на Собранието на пензионери во следниот четиригодишен мандат, согласно статутот на Здружението. Исто така,  беа избрани и две постојани работни комисии на Здружението на пензионери, тоа се Надзорната и Статутарната комисија кои ќе се грижат за правилното раководење и управување со Здружението за остварување на потребите и барањата на граѓаните од третото животно доба во општината.

 

Last modified on Петок, 22 Март 2019 - 21:39

.

.


ПОСЛЕДНИ ВЕСТИ:

Во Дојран посетителите добија бесплатни заштитни маски!

Викенд посетеноста во Дојран достигна размери блиски на летната туристичка

Повеќе

Инфраструктурно улично подобрување во Прдејци

По дводневна акција денеска заврши бетонирањето на уличен крак во населеното

Повеќе

Дезинфекција на јавните површини во Гевгелија

По налог на Општинскиот штаб за заштита и спасување денеска започна да се

Повеќе

Донација од 40.000 евра од Групацијата „Новоматик“ за Општа Болница Гевгелија

Еден месец по официјалната најава на својата одлука да донираат 200.000 евра

Повеќе

Јавното обвинителство отвори предмет против митрополитот Агатангел

Основното јавно обвинителство Велес отвори предмет по допрен глас по објавите

Повеќе

Трета акција за уништување на комарците во Гевгелија и ЈИ регион

По извршени две последователни лаврицидни прскања против комарци на места

Повеќе

Започна ревитализацијата на патот Богородица-Стојаково

Градежната оператива на „ЖИКОЛ“ ДООЕЛ Струмица од денеска е на терен со

Повеќе

Владата донесе забрана за одење на гробишта викендов на цела територија

Во петок е задушница, а во недела Духов ден. Во пресрет на овие народни

Повеќе

МВР против МВР на „Боемска“ – СВР и ЕБР ги чекаат снимките од камерите

Пазарната полиција не можеше да влезе во угостителскиот објект на улица

Повеќе

Во изолација 60 полицајци на служба во Гевгелија

Околу шеесетина полицајци кои ја чуваат јужната граница на Македонија поради

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.