Топ Новости

Работилница за кинези терапија на „Мобилност“ Гевгелија

Недела, 19 Мај 2019

Здружението на лица со телесен инвалидитет „Мобилност“ од Гевгелија, вчера во комплексот „Минерални Бањи Негорци“ организираше работилница на тема "Кинезитерапија во домашни услови при повреди на рбетен столб со трајни последици", на која предавач беше физиотерапевтот Иван Кајтазов.
Кајтазов, пред бројниот аудиториум на членови и посетители на работилницата, исцрпно ја истакна неопходноста на кинезитерапијата во секојдневието на лицата со телесен инвалидитет, особено за поквалитетен и посамостоен живот на лицата со инвалидитет. Во своето предавање посебно се задржа на носечката тема - потребата од кинези терапија кај лицата со повреди на рбетен столб, со трајни последици.

Освен едукативниот дел, работилницата имаше можност и за потсетување на носечките проблеми на лицата со телесен инвалидитет, освен одржувањето на нивното здравје и прашањето за нивна социјална инклузија.
За тоа придонес имаа организаторите „Мобилност“ Гевгелија и ангажманот на претседателката Даниела Гошева Кангов, како и на соорганизаторот „Мобилност Македонија“. Претседателот на „Мобилност Македонија“ Г-дин Бранимир Јовановски во своето обраќање пред присутните ја нагласи важноста на социјалната инклузија и пристапноста за лицата со телесен иналидитет кои за жал сеуште не се ни задоволителни, а се неопходни за секојдневно функционирање и незавнистост на лицата со телесен инвалидитет.
Даниела Гошева Кангов потсети дека здружението „Мобилност“ годинава го слави својот 30 годишен јубилеј од своето постоење и функционирање, изразувајќи дека и понатаму ќе бидат тука за да се ангажираат за видливост на овој дел од заедницата, за нивните потреби, барања и гласност за нивните проблеми во остварувањето на нормален живот како ској поединец во општеството. 

Пораките за овозмжен пристап на инвалидизираните лица до јавните установи организаторите и членови на Здружението „Мобилност“ Гевгелија ги упатија директно до градоначалникот на општина Гевгелија, Сашо Поцков, со иницијатива за поголеми залагања на планот на пристапни тротоари, спуштени сегменти за качување на истите и непречено движење по истите кое неретко го попречуваат паркирани автомобили, исто така за потребата од пристапни и достапни институции од јавен и приватен карактер, како за тоа дека рампите што се ставаат пред објектите најчесто се нефункционални, бидејќи се многу стрмни, а и се неупотребливи.

Членовите на здружението изразија надеж за конкретна соработка во иднина на локално ниво и остварување на горе споменатите барања.

Работилницата заврши со благодарност до правните субјекти кои ја помогнале работнилницата за нејзината едукативна мисија да стигне до оние до кои е наменета, а тоа се лицата со телесен инвалидитет и потребата од одржување на здравјето со помош на современи терапевтски методи.

Секое ново искуство може да биде корисно, а заеднички споделените проблеми и барања до надлежните, имаат поголема проодна моќ на патот кон нивното остварување. Им посакуваме добра понатамошна активност на „Мобилност“ со надеж да станат мобилни активатори на своето членство како чинители на нашата заедница.


 

Last modified on Недела, 19 Мај 2019 - 23:45

.

.


ПОСЛЕДНИ ВЕСТИ:

Сугарески на увид на изградбата на патната мрежа во Гевгелија и Богданци

Во текот на летната сезона, додека временските услови погодуваат за работа, на

Повеќе

Караорман ќе добие нова водоводна мрежа

Населбата Караорман, каде годиниве наназад имаше интензивна градежна активност

Повеќе

Обвинителството ја прошири истрагата за „Рекет“ и бара притвор за Катица Јанева

Државниот јавен обвинител Љубомир Јовески денеска на прес конференција одржана

Повеќе

Поделени картички за зелена нафта на земјоделци од општина Гевгелија

Со доделување на картички за набавка на субвенционирано дизел гориво за

Повеќе

Исчезна глечерот ОК во Исланд, за еден ден се стопија 12,5 милијарди тони мраз

Граѓаните на Исланд, но и светот, од вчера се збогуваа со глечерот Окјоклур,

Повеќе

Пожарот во гевгелиско изгоре 100 хектари нискостеблеста шума и земјоделски

Пожарот што вчера ги зафати површините со земјоделски насади, полето кај

Повеќе

Актуелно: Опожарена трева покрај железничката пруга кај Давидово го донесе

Со дојава до Пожарна Гевгелија во 11:15 часот денеска е актуелизирана акција за

Повеќе

Гевгелија донира за оштетените од пожарот

Неделниот викенд ден гевгеличани се солидаризираа со оштетените од опожарената

Повеќе

SKY Хотел повторно вработува

Шест месеци по првиот голем оглас за прием на нови работници, SKY хотел во

Повеќе

Експресен пат од ГП Ново Село до Смоквица и Коридор 10

Директорот на Јавното претрпијатие за државни патишта Зоран Китанов денеска ја

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.