Топ Новости

Одбележан Патрониот празник на ООУ „Крсте Мисирков“ Гевгелија

Четврток, 23 Мај 2019

Патрониот празник на Општинското основно училиште „Крсте Мисирков“ од Гевгелија одбележан со дводневни активности на учениците и наставниот персонал со бројна публика родители и следбеници на работата на ова училиште.

По тој повод вчера и денеска учениците и наставниот кадар реализираа културно-уметнички, спортски и други активности во чест и одбележување на својот патрон.
Воедно се одбележува и 61 годишната образовна дејност на оваа институција, 61 генерација ученици со оформено образование токму во редовите и клупите од ова училиште.

Синоќа во Народниот театар во Гевгелија се одра сценско-уметничка програма во која учество зедоа ученици од повеќе класови подготвени од своите предметни наставници.
Денеска одбележувањата започнаа со полагање свежо цвеќе пред бистата на патронот Крсте Петков Мисирков, што се наоѓа во холот на училиштето. Цвеќе положија директорот на училиштето, претставник од Управниот одбор на училиштето и претставник на Училишната заедница, а ученици читаа пригодни беседи за патронот и неговата книжевна и образовна дејност.
Денешните одбележувања продолжија на спортското игралиште во училиштето каде беа одржани спортки натпревари во кои учествуваа како учениците, така и дел од колективот на наставници. За одбележување и пофалба е што учениците успеаја да ги надиграт своите наставници и да победат во фудбал со резултат 4:3 за учениците. Радости и аплаузи од публиката која ги следеше натпреварите беше громогласна.

Друга група ученици со креативни цртежи на бехатон плочките од училиштето ги пренесоа своите пораки во чест на патронот и образовната дејност.

Одбележувањата продолжија со пригоден коктел на колективот и гости соработници каде директорот Михаил Петров упати честитки до сите за посветената работа и досега остварени резултати, како во секојдневните обврски во изведувањето на наставната програма, така и во низата награди што ги носат учениците со наставниците ментори од бројни, општински, регионални и републички натпревари со што достоинствено ги претставуват вередностите на 61 годишниот растеж на ова училиште.


Last modified on Четврток, 23 Мај 2019 - 13:45

.

.


ПОСЛЕДНИ ВЕСТИ:

Висока 62,17% излезност до 19 часот во Гевгелија

Гевгеличани ги рушат рекордите по број на излезност во својата општина на секој

Повеќе

Излезноста од 52,35% во Гевгелија до 17 часот, на ново на држава 38,78%

Општина Гевгелија продолжува со висока излезност и свест на своето гласачко

Повеќе

Излезноста во Гевгелија до 17 часот е 44%, а на ново на држава 38,78%

Општина Гевгелија продолжува со висока излезност и свест на своето гласачко

Повеќе

Во општина Гевгелија излезност од 34,63% до 13 часот

Во текот на денешниот ден за гласање на 10-те по ред Парламентарни избори во

Повеќе

Денес гласаа 179 болни лица во општина Гевгелија

Од вкупно пријавените 8.846 болни, хронично болни, изнемоштени и лица згрижени

Повеќе

Од утре на летување на државен трошок - Ваучерите за туризам стапуваат во

Туристичкото лето и капацитетите од понудата на домашните летни, бањски,

Повеќе

Тешко повреден 19 годишен мотоциклист од Гевгелија

Од денешниот билтен на евидентирани полициски извештаи за кои јавува МВР

Повеќе

Денес гласаат 697 лица во карантин и самоизолација, еден е од Гевгелија

Во трите дена за гласање определени за изјаснување на граѓаните на 10-те по ред

Повеќе

Прес на СДСМ Гевгелија - Претседателот Видимче со порака до гласачите да

На 15 јули треба да гласаме за продолжување на сигурниот пат на напредокот што

Повеќе

Заев и Димитров во Миравци: „Сите правци водат во Миравци“

Миравчани горди што од своето место ќе го имаат новиот пратеник од редовите на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.