Советот на општина Гевгелија даде согласност за новите акти на Детските градинки во општината

Четврток, 27 Јуни 2019

Три правни внатрешни акти на Јавната детска установа „Детска радост“ од Гевгелија денеска добија согласност за нивно стапување на сила од страна на Советот Општина Гевгелија како нивен основач.
Се работи за:
- Правилникот за внатрешната организација на работните места во ЈОУДГ "Детска радост"-Гевгелија; 
- Правилникот за систематизацијата на работните места во ЈОУДГ "Детска радост"-Гевгелија; 
- и Одлука за утврдување на максималниот износ на вредноста на бодот за пресметување на платите на давателите на услугите и на директорот на ЈОУДГ "Детска радост"-Гевгелија за 2019 година.

Овие донесени актни се усогласени со новите законски решенија во Законот за детска заштита со кој негувателките и воспитувачките добиваат статус на даватели на јавни услуги, а вредноста на бодот е усогласен со Министерството за администрација. Тоа значи и поголем коефициент за бодирање на работните позиции за вработените во детските градинки и поголеми плати. Истите, со добиената согласност од Советот на општината ќе се применуват со подготовката на платниот образец за тековниот месец јуни, кој истекува за три дена.

Токму овој факт, примената на законскиот рок за пресметка на новите бодови за исплата на плата на вработените беше мотивот да се закаже вонредна седница на Советот на општина Гевгелија за расправа по внатрешните правни акти на ЈОУДГ „Детска радост“ Гевгелија.
Вонредниот правен лек уследи по неуспешниот обид за одржување на 27-та редовна седнца на Советот на општината, закажана за 25.06.2019 година, каде овие акти беа составен дел од Дневниот ред, заедно со уште 11 други точки, но истиот не беше изгласан од страна на советниците и пропадна можноста за одржување на седница по редовен пат.
Заради временскиот теснец се пристапи кон закажување на вонредна седница согласно статутарните одреби на работа на локалниот Совет кој одредува „Во итни случаи претседателот да може да свика вонредна седница по свое сопствено убедување, на барање на 1/3 од составот на Советот или на барање на градоначалнико“. Барањето за итност до претседателот на Советот Ташко Дојчинов, го достави градоначалникот на Општина Гевгелија Сашо Поцков кој пред советниците денеска на 28-та вонредна седница ја образложи итноста на барањето за одржување на седнцата со предлог точките за одобрување на Правилниците и одлуката за бодување на платите на вработените во детските градинки во Општината.

По предлогот за вонредно свикување на седницата образложено од страна на градоначалникот се изјаснија мнозинството од советниците: 8 од СДСМ, 2 од независната листа на советници и 1 од ВМРО-НП. Опозициониот состав на советници од ВМРО-ДПМНЕ не учествуваше во гласањето.
За одобрување на правилниците и одлуката за исплата на плати на вработените во ЈОУДГ „Детска радост“ со поголем коефициент на наградување, гласаа советниците во истиот состав како и за одобрување на вонредниот карактер на 28-та седница на Советот на општината.

Следниот месец вработените во детските градинки во Гевгелија ќе добијат повисоки плати за месец јуни 2019 исто како и сите вработени во јавните установи за детска заштита во државата.


Last modified on Четврток, 27 Јуни 2019 - 20:13

.

.


ПОСЛЕДНИ ВЕСТИ:

Инфраструктурно улично подобрување во Прдејци

По дводневна акција денеска заврши бетонирањето на уличен крак во населеното

Повеќе

Дезинфекција на јавните површини во Гевгелија

По налог на Општинскиот штаб за заштита и спасување денеска започна да се

Повеќе

Донација од 40.000 евра од Групацијата „Новоматик“ за Општа Болница Гевгелија

Еден месец по официјалната најава на својата одлука да донираат 200.000 евра

Повеќе

Јавното обвинителство отвори предмет против митрополитот Агатангел

Основното јавно обвинителство Велес отвори предмет по допрен глас по објавите

Повеќе

Трета акција за уништување на комарците во Гевгелија и ЈИ регион

По извршени две последователни лаврицидни прскања против комарци на места

Повеќе

Започна ревитализацијата на патот Богородица-Стојаково

Градежната оператива на „ЖИКОЛ“ ДООЕЛ Струмица од денеска е на терен со

Повеќе

Владата донесе забрана за одење на гробишта викендов на цела територија

Во петок е задушница, а во недела Духов ден. Во пресрет на овие народни

Повеќе

МВР против МВР на „Боемска“ – СВР и ЕБР ги чекаат снимките од камерите

Пазарната полиција не можеше да влезе во угостителскиот објект на улица

Повеќе

Во изолација 60 полицајци на служба во Гевгелија

Околу шеесетина полицајци кои ја чуваат јужната граница на Македонија поради

Повеќе

Шести ден протести во САД кои зафатија 25 држави

Смртта на George Floyd од рацете на полицијата во Минеаполис предизвика широки

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.