Топ Новости

Целосно исчистен опожарениот шут од зградата во Гевгелија

Понеделник, 05 Август 2019

Опожарениот шести кат од зградата на улица „Ристо Чавдаров“ број 25 е целосно исчистен заедно со денешната трета по ред акција организирана од Општина Гевгелја, „Комуналец“, а во која се вклучија станарите и нивните пријатели.

Освен шесте целосно изгорени стана од поткровјето на шестиот кат, во текот на денешната акција исчистени се и ходниците и скалилата од зградата од опожарените отпадоци и паднатиот шут за време на расчистувањето. Исфрлени се отпадоците, изметени ходниците и скалилата, соберен е целиот отпад од пред дворот и изметено е целосно двориштето во целиот круг околу зградата.
До крајот на вчерашниот ден сите 24 стана од двата станбени влеза од првиот до четвртиот кат се проверени поединечно за квалитетот на електричната инсталација и истите се приклучени на електричната мрежа, Од вчера за овие станови „Комуналец“ обезбеди и приклучок за вода. Со тоа донекаде се нормализирани условите за живот на станарите од 24 станови од први до 4-ти кат и семејствата се враќаат во своите домови.
Петтиот кат е се' уште несигурен за приклучување на електричната мрежа, бидејќи во текот на интервенцијата на пожарникарите со водените шмркови додека траеше пожарот на шестиот кат, има навлезено вода и во нив, има влага и постапката за приклучок на електричната мрежа ќе следува по санирањето на влагата во становите.

Претседателот на Советот на општина Гевгелија Ташко Дојчинов кој од почетокот ги координираше акциите за санирање на последиците од пожарот на зградата од уличниот број 25 на улица „Ристо Чавдаров“ вели дека со почетокот на работната недела на терен ќе излезе и Општинската Комисија за проценка на штети од елементарни непогоди. Комисијата ќе изнесе своја сопствена проценка на штетата настаната од пожарот во зградата, која заедно со елаборат ќе биде поднесена на разгледување и усвојување пред членовите на Советот на општина Гевгелија. Се надеваме дека тоа ќе значи и предлог за финансиска помош на сите оштетени според правилникот за санација на штети од елементарни непогоди по кои што работи оваа Комисија.

Најзагрозени во случајот се шесте семејства од целосно изгорените станови од шестиот кат. Четири од нив се во приватна сопственост, а два се во сопственост на Јавното претпријатие за стопанисување со станбен и деловен простор. Деновиве тие беа времено сместени на терет на Општина Гевгелија во други објекти за престој. Едно од семејствата е со мало дете и се прават напори ЈП за Станбен простор да им обезбеди привремено сместување во стан во државна сопственост додека се реши изградбата и санацијата на опожарените станови кои останаа само со надворешни ѕидови од кои зјае сликата на изгорениот отвор за прозорецот и ведрото небо место кров.

И денеска беа собрани 10 приколку опожарен шут. Од општествено одговорните личности кои дел од јавноста ги повикуваа на социјалните мрежи да помогнат на несреќните семејства од опожарената зграда, денеска на терен во акцијашко светло се појавија претседателот на ОО на СДСМ Гевгелија, советник во Советот на општина Гевгелија, потоа навивачката група „Фантоми“, еко активистите од „Changemakers4all“ и соседи и пријатели на станарите од опожарената зграда.

Се враќа полека животот во нормала за дел од станарите на улица „Р. Чавдаров“ 25. За шест од нив од петтиот кат се чекаат суви ѕидови и приклучок на струја и вода. За шесте опожарени се чекаат повисоки инстанци да помогнат во нивната изградба и оформување на живеалиштата на унесреќените семејства на кои пожарот во еден час им ја однесе пред очи целата животна заработка и семејниот дом.

Фото: Фејсбук статус на Марија Томова од „Changemakers4all“ која коментира дека институциите, функционерите и граѓаните се заедно, помагаат искажувајќи човечност и загриженост, укажувајќи помош на тие кои им е неопходна


Last modified on Понеделник, 05 Август 2019 - 00:41

.

.


ПОСЛЕДНИ ВЕСТИ:

Прес на СДСМ: Зголемувањето на пензите реалност со СДСМ

Претседателот на Општинската организација на СДСМ за Гевгелија Владислав

Повеќе

Гевгелија на меѓународна конференција за бегалците во Шпанија

Гевгелиски искуства од бегалската криза минатата недела беа пренесени на 5-та

Повеќе

Од коронавирусот во Кина починале 56 лица, епидемијата се забрзува

Здравствените власти на Кина денеска соопштија дека кај 1975 лица е потврдена

Повеќе

Царинската управа додели Благодарници на гевгелиски фирми

По повод светскиот ден на царината, директорот на Царинската управа Ѓоко

Повеќе

Се гради нова канализациона линија во Негорци и замена на дотраените водоводни

Јавното комунално претпријатие во Гевгелија, „Комуналец“ деновиве ја превзема

Повеќе

Формирана Комисија за здравство и социјални работи при Здружението на

Гевгелиското Здружение на пензионери ќе помага на своите членови преку прграма

Повеќе

Водовод и канализација за станбените објекти на Караорман

Најновата и растечка урбана зона во Гевгелија, населбата Караорман со години е

Повеќе

Лишен од слобода 68 годишен жител на Богородица

Ова е втор случај годинава жител на Богородица да биде лишен од слобода поради

Повеќе

Шпанија со итен протокол за ратификација на членство на Македонија во НАТО

Владата на Шпанија вчера го одобри и го достави на усвојување во Паралментот

Повеќе

Прес СДСМ Гевгелија: Вложувањето во образованието е најдобрата инвестиција

Претставникот во Советот на општината од редовите на СДСМ и коалицијата, кој

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.