Топ Новости

Жерновски на маалска средба во Гевгелија

Четврток, 29 Август 2019

Заменик министерот за надворешни работи во Владата на РСМ Андреј Жерновски попладнево беше во посета на Гевгелија и оствари маалска средба со граѓаните од зградата на улица „Борис Кидриќ“ лоцирана веднаш до Железничката станица.
Ова зграда е првата влезна слика од меѓународната железничка трансферзала на патниците од Европа, од соседна Грција во нашата држава, но нејзината запуштена состојба не е одраз на интенциите на државата за влез во Европа. Нејзиниот статус како градба-станбена зграда не постои во имотниот лист, а фигурира како земјиште, иако ве неа живеат 20-на семејстава со близу 100-тина станари. Истата од декември 1990 година е прогласена за статички небезбедна градба за живеење.

Жителите од некогашната позната и угледна „царинска зграда“ се пожалија дека секој ден им е подарок од Бога. Живеат во статички небезбеден објект покрај Железничка пруга каде секое тресење е дополнителен ризик за статиката на објектот. Немаат лични карти и имотни листови бидејќи објектот имал свое долго патешествие - од имот на Царина на РМ, бил трансформиран во имот на Минитерството за труд и социјала, па во имот на Општина Гевгелија, до последниот статус, имот земјиште во сопственост на Министерството за транспорт и врски а без евидентирана зграда во Катастар.
- „Тоа ни' го отежнува евидентирањето на нашиот граѓански статус како жители на Гевгелија и нашиот станарски статус“ се пожалија станарите.
Дел од нив се социјални случаи, има семејства со малолетни деца, мал дел се вработени и за да можат да остваруваат права од работен однос извадиле Лични карти на адреса на свои роднини, братучеди... Веќе 29 години трае нивната правна голгота за станарско право, а друго решение немаат во животот освен да живеат во овие ѕидови кои на секој потрес од поминувањето на секој воз се тресат и крцкаат пукнатините останати од последниот земјотрес во Гевгелија од 1990 година.

Покрај поплаките станарите од зградата беа пријатно изненадени што после толку години од нивната животна голгота да живеат во живеалиште кое не знаат кога може да им се сруши на глава, прв пат ги посетува министер од Владата со можност нивните барања да бидат пренесени до највисоко ниво на власта, до конкретно надлежните институции за решавање на нивниот животен проблем.

Заменикот министер за надворешни работи и член на Централниот одбор на СДСМ, Андреј Жерновски се заложи пред граѓаните на Гевгелија од старата „царинска зграда“, поради нерешениот правен и небезбеден станбен статус на градбата, дека ќе ги пренесе барањата на станарите од оваа зграда до Премиерот со цел за истата да биде иницирано и реализирано реално решение од страна на Владата на РСМ за изградба на нова социјална зграда. Во истата предимство за станарско користење ќе имаат томку жителите од старата „Царинска зграда“ покрај железничката пруга во Гевгелија.

Кон реализација на ова треба да се приклучи и Општина Гевгелија со одобрување на земјиште за градба и ослободување на инвеститорот од плаќање на комуналии.

На средбата со гевгеличани, заменик министерот Жерновски го придружуваа претседателот на ОО на СДСМ Гевгелија Владислав Видимче и Градоначалникот на општина Гевгелија, Сашо Поцков, заедно со претставници од локалниот Совет на општината.


Last modified on Четврток, 29 Август 2019 - 21:47

.

.


ПОСЛЕДНИ ВЕСТИ:

Почина музичарот Александар Попов (1933-2019)

Денеска попладне во 86-та година од животот почина познатиот музичар, музички

Повеќе

Бенефициите на поранешните претседатели на тапет кај ДКСК

Антикорупциска денеска побара „Да се раскине договорот за канцеларите на Иванов

Повеќе

Почна внатрешно уредување на реновираните блокови В и Г во студентскиот дом

Пред почетокот на студентската година, од Државниот студентски центар преку

Повеќе

Успешна еко акција во село Богородица

Јавните површини пред јавните простори во гевгелиското село Богородица денеска

Повеќе

Фирми и граѓани должат кон УЈП 10,2 милијарди денари

Управата за јавни приходи објави Листа на должници бр.09/2019 за долгови

Повеќе

Јавна презентација за дел од ДУП 7 (7.5) за Гевгелија

Утре со почеток во 12 часот во просториите на малата сала од Народниот театар

Повеќе

Никола Димитров ја доби наградата за Придонес кон европската интеграција на

По повод петгодишнината од основањето на порталот „Европски Западен Балкан“-

Повеќе

Празнична посетеност на Дојран

Продолжениот празничен викенд донесе поголем број гости во текот на топлиот

Повеќе

Одбележување на Денот на независноста

Со истрелување на 10 плутони од страна на артилерискиот батаљон во касарната

Повеќе

Авиони канадери го ставија под контрола вториот пожар кај Мамино

Локализиран, но не целосно ликвидиран. Ваков беше денешниот утрински извештај

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.