Првачињата во Миравци и Негорци прифатени, другите свечено започнуваат со настава од утре

Понеделник, 02 Септември 2019

Првиот училишен ден денеска започна за првооделенците во Општинските основни училишта во Миравци и Негорци. Најавите за одбивање на наставниот процес поради штрајк на членовите на СОНК не предизвика верижна реакција кај сите училишта во Општина Гевгелија. Во ООУ„Ристо Шуклев“ во Негорци и во ООУ „Климент Охридски“ во Миравци првооделенците беа пречекани со традиционалните приредби за добредојде што им ги организираа постарите ученици.
За разлика од нив, во основните училишта во Гевгелија беа известени преку социјалните мрежи дека училишниот процес ќе започне на 3-ти септември во пресрет на активните барања на наставниците членови на Синдикатот да се одржи предупредувачки штрајк со барање за зголемување на платите во образоването.

Мелкуте ученици кои не го прочитале известувањето и малкуте родители кои дојдоа денеска со своите деца-ученици во кругот на школските дворови претставниците на Синдикатот на СОНК ги известија дека со настава официјално започнуваат утре.

Утре школското ѕвоно за прв пат ќе ги повика во училница околу 170-те првачиња од ООУ „Крсте Мисирков“, ООУ „Владо Кантарџиев“ и во подрачните училишта во населените места во состав на општинските основни училишта. Добредојде ќе им посакат со пригодна претстава, песни, игри, рецитации ученици од 3-те и 4-те одделенија. Честитки за првиот школски ден и пријатен престој во училиштето и многу стекнати нови знаења и другарчиња најавено е дека ќе им посака и градоначалникот на Општина Гевгелија, во 9:00 часот во ООУ „Крсте Мисирков“ и во 10:00 часот во ООУ „Владо Кантарџиев“.

Утринава на првиот училишен ден пристигнаа и сите ученици запишани во новата учебна година 2019/2020 во СОУ „Јосиф Јосифовски“, дури и тие кои имаат запишано прва година. Од страна на претставници на Синдикатот известени беа дека официјален почеток на наставниот процес започнува од утре 3-ти септември.
Во средното општинско училиште за прв пат годинава наставата ќе се одвива во една смена, за сите запишани ученици од сите смерови и возрасни години, благодарение на навреме завршената изградбата и уредувањето на новите 21 училници кои се дел од комплексот на градби на Средношколскиот училишен центар.


Last modified on Понеделник, 02 Септември 2019 - 17:02

.

.


ПОСЛЕДНИ ВЕСТИ:

Шест добитници на 7-мо Ноемвриски награди за 2019, Александар Попов постхумно

Една награда за животно дело, две Златни плакети и три Сребрени плаќети е

Повеќе

МВР: Сузбиена организирана криминална група во криумчарење мигранти

Жители на Богородица, Ново Конско, Јосифово, Богданци, Селемлија, Марвинци

Повеќе

Фирми, граѓани, судии, адвокати од Гевгелија на црната листа на УЈП

На најновата листа на должници кон Управата за јавни пригоди, објавена на ВЕБ

Повеќе

Информативниот туристички центар во Гевгелија ќе стане и наплатен пункт за

По десет години тапкање во место и затворени врати на туристичкиот информативен

Повеќе

Богданчанец во пијана состојба, речеси до смрт претепал пријател

Основното Јавно обвинителство во Велес донело наредба за поведување на кривична

Повеќе

Тајфун ја опустоши Јапонија - 40 настрадани, 20 реки се излеале за само 2 дена

Бројот на настрадани од тајфунот Хагиби во Јапонија нарасна на 40, додека

Повеќе

Нова група јасли во Детската градинка во Миравци

Во полн ек се подготовките за реновирање, адаптација и опремување на просторот

Повеќе

Честит 11 октомври!

Денот на народното востание на македонскиот народ 11 октомври денеска се

Повеќе

Одбележувања на Детската недела во Гевгелија

Со свечен прием на 170 првачињата од основните училишта во Општината во

Повеќе

Владата одлучи: За 10 проценти поголеми плати во образованието од април

Владата вчера на седница ја разгледа и усвои информацијата за покачување на

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.