Утре со почеток во 12 часот во просториите на малата сала од Народниот театар во Гевгелија ќе се одржи Јавна презентација со отварање на Јавна анкета за Деталниот урбанистички план за дел од блок 7 (поточно 7.5), а е на територијалниот простор на град Гевгелија.

ДУП-от опфаќа простор со површина од 6.09 xектари. Истиот, во планскиот опфат се простира:
- од јужната страна се движи по осовина на булевар Гевгелија,
- од источната страна се движи по осовина на сервисна улица,
- од северната страна се движи по осовина на улица „Деко Ковачев“,
- од западната страна се движи по осовина на улица „Западна 1“.

На презентацијата се покануваат граѓаните кои имаат станбени или деловни објекти на овој плански простор, како и правните заинтересирани субјекти, да се запознаат со содржините на планскиот документ и да се изјаснат преку јавната анкета која ќе биде отворена по презентацијата на ДУП-от за дел од блок 7 (7.5).
На презентацијата ќе се изведе стручно презентирање на планот од страна на фирмата планер со содржините на градежен и планиран опфат на 7.5.

По изведбата на презентацијата започнува 15 дневниот рок за изведување на јавна анкета во која заинтересираните граѓани и правни лица од конкретното подрачје опфатено со планот можат да доставуваат писмени забелешки, предлози и мислења. Анкетните листови граѓаните можат да ги подигнат во одделението за урбанизам, градежништво, архитектура и заштита на животната средина при општина Гевгелија, или преку информацискиот систем е-урбанизам.
Пополнетиот анкетен лист со вашите предлози и сугестии, или мисења за содржината на планскиот опфат на ДУП се доставуваат до секторот за урбанизам при општина Гевгелија, секој работен ден од 08 до 16 часот. Рокот за поднесување на анкетните листови со предлог-мислењата од граѓаните и фирмите истекува на 25.09.2019 година.