Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Сите оставки на гевгелиските советници

Понеделник, 30 Септември 2019

Составот на Советот на општината како локално самоуправно тело составено од членови на изборни листи од организатори на изборни кампањи, според изборните резултати и освоени места на кандидатските листи, во текот на својот мандат доживува промени.

Први на удар на ревидирањето на советничкиот состав се реакциите од Државната комисија за спречување на корупција и судир на интереси, според Законот за спречување на корупција и судир на интереси. Овде доаѓа до израз Глава петта „Спречување корупција во вршење јавни овластувања“ и особено одредбите од член 44 од Законот кој се однесува на „забрана на вршење на други дејности“ на избрани и именувани лица во државни, или локални институции или органи на управување.

Така, се сеќаваме на оставката на советникот Тони Аврамов (СДСМ) од местото член на Совет на општина Гевгелија, за да ја задржи функцијата каде беше именуван - директор на градската бибиотека „Гоце Делчев“ во Гевгелија, поради неспоивоста именуван функционер да врши улога и на советник кој одлучува за работењето на библиотеката која е под надлежност на локалната самоуправа. Аврамов се откажа од советничкото место, за да го задржи директорското место.

Втор случај е д-р Петар Кангов, советник во локалниот Совет од редовите на ВМРО-ДПМНЕ, кој како функционер именуван од Министерството за здравство на позицијата директор на ЈЗУ „Психијатриска Болница“ од Негоорци, се откажа од советничкото место во локалниот совет во служба на професијата, психијатријата, таму каде што е најпотребен на пациентите.

Трет случај е оставката на Борче Нечевски од советничката позиција, повторно од редовите на ВМРО-ДПМНЕ, која беше неспоива со именувањето на директорската функција во СОУ „Јосиф Јосифовски“ каде беше назначен од Градоначалникот на Општина Гевгелија, а за своето работење одговоараше пред основачот на образовата институција, а тоа е Советот на Општината. Неспоивоста на функцијата советник избран на локални избори на изборната листа на ВМРО-ДПМНЕ со именуваната функција директор, го принуди, по реакција на ДКСК да одбере да се задржи на професионалната функција, а да го напушти местото советник во локалниот гевгелиски Совет.

Четврта барана оставка за разрешница на судирот на интереси констатиран од страна на Државната комисија за спречување корупција и судир на интереси се однесува на Драги Хаџи-Николов, претседател на Советот на општина во минатиот состав. Тој во исто време додека беше претседател на Советот на Општина Гевгелија ја обавуваше и функцијата директор на градска библиотека во Гевгелија, што е неспоиво, бидејќи Советот на општината како основач на оваа библиотечна институција одлучува за нејзината работа, (што значи и Драги одлучуваше за самиот себе). Несоодветно и недоволно оправдување е дека тој можел да се иззема од гласањето по материјалите на Библиотеката кои се на одобрување пред Советот, кога со својата функција е во позиција да влијае на другите членови на Советот за нивно одобрување. Хаџи-Николов по укажувањето на ДКСК одлучи различно од останатите: ја задржа функцијат претседател на Советот на (избран од мнозинството на ВМРО-ДПМНЕ), а се откажа од директорското место во градската Библиотека. Работниот ангажман го продолжи на старото работно место - професор по уметност во СОУ „Јосиф Јосифовски“ Гевгелија.

Новите оставки следуваа во најновиот состав на општинскиот Совет: На 28.12.2018 Советот на општина Гевгелија констатира престанок на мандат на Митко Алчинов (СДСМ) и Снежана Савиќ-Ташевски (Коалиционен партнер на СДСМ од Српската партија). Тие заминаа од советничките места во општинскиот Совет поради професионален ангажман кој е неспоив со извршувањето јавни работи.

На ред е седмата промена на советничките места во гевгелискиот Совет од функционирањето на локалната самоуправа по најавената оставка на актуелниот претседател на Советот Ташко Дојчинов. Тој доаѓа од редовите на СДСМ и доколку денеска Советот ја констатира неговата оставка местото советник во гевгелискиот Совет треба да биде пополнето со следниот кандидат од советничката листа на СДСМ и коалиционите партнери. Следен на листата е Ристо Ѓуров, како 13-ти по ред.

Но, Ристо Ѓуров е веќе и именувано лице - директор на Водостопанското претпријатие, Подрачна единица Гевгелија, а воедо обавува и управна функција во друго јавно претпријатие во општината, како член и заменик претседател во Управниот одбор на ЈПКД „Комуналец“ Гевгелија. Според член 44 од Законот за спречување корупција и судир на интереси Ѓуров не е во можност да биде функционер на државно претпријатие, член на управен орган на локално јавно претпријатие и сега да стане и член на Совет на општината. Тоа по овој закон е веднаш исклучиво (Сл. Весник бр.12. од 2019 година). Ако Ристо се откаже од директорската и управната функција ќе може да биде предложен од Советот на општината да го пополни испразнетото место за член во Гегевгелискиот Совет. Ако тоа не го сторил до сега, Советот треба да ја констатира позицијата за пополнување на советничкото место од страна на следниот кандидат, 14-ти по ред, а тоа е Петар Јанчев, од листата на СДСМ и коалиционите партнери.

Констатирањето на престанокот на мандатот на Дојчинов, верификацијата на мандатот на „нов“ член во Советот на општината и решението за избор на нов претседател на Советот на општина Гевгелија се на дневен ред на денешната 31 редовна седница на Советот на општината. Со седницата, според деловникот, ќе претседава најстариот (највозрасен) член од сегашниот состав на Советот.


Last modified on Понеделник, 30 Септември 2019 - 15:05

.

.


ПОСЛЕДНИ ВЕСТИ:

Првачињата на училиште, останатите он лајн настава од дома

Учениците од септември веројатно ќе останат дома, ова го најави министерот за

Повеќе

Маж од Миравци при рибарење се удавил во Вардар

Од полицискиот дневен билтен на МВР се известува дека вчера во водите на Вардар

Повеќе

Граничен премин „Евзони“ кај ГП „Богородица“ вечерва се затвара во 22 часот

Министерството за внатрешни работи ги известува граѓаните дека до граничната

Повеќе

ООУ „Владо Кантарџиев“- Гевгелија со инвестиција за уредување на дворниот

Министерството за здравство за следната недела ги најавува протоколите за

Повеќе

Прогласена кризна состојба на јужната и северната граница на РСМ

Владата на Република Северна Македонија на одржаната редовна 79-та седница,

Повеќе

Османи: Започнаа преговори Заев-Ахмети за заедничка коалиција

Портпаролот на Демократската унија за интеграција Бујар Османи во интервју за

Повеќе

ГП „Евзони“ од утре целосно се затвара од 23 до 07 часот наутро

Портпаролот на грчката Влада Стелиос Пецас, денеска на брифинг со новинарите

Повеќе

Се бара ревизија за изградбата на Градскиот пазар во Гевгелија

Советникот Тихомир Ручкоманов, претставник од ЛДП и коалиционен партнер на СДСМ

Повеќе

Конституиран новиот 10-ти по ред парламентарен состав на РСМ

Со 116 гласови „за“, ниту еден воздржан и ниту еден против, денеска се

Повеќе

Граничниот премин Дојран-Дојрани останува затворен уште 10 дена

Грција ги продолжува своите меѓугранични заштитни мерки од ковид-19.
Денеска,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.