Топ Новости
Навалица на рибари во Дојран - Вторник, 18 Февруари 2020 11:27

Поцков: Гевгелија е веќе на прав пат

Вторник, 08 Октомври 2019

Со проектите што ги спроведува општина Гевгелија на терен како во областа на комуналиите, изградбата на улиците, иградба на паркинг простори, реновирањето на градинките, капиталните проекти кои ги завршивме минатата година а продолживме со доградба на проектно пропуштеното, Гевгелија е „На прав пат, на вистинскиот пат“, заклучи синоќа градоначалникот на општината Сашо Поцков.

Тој пред своите гевгеличани на граѓанската трибина организирана од СДСМ и коалиционите партнери во Народниот театар во Гевгелија започна со образлагањето на постигнувањата од моментот на превземањето на градоначалничката функција кога општинската каса ја наследил со долг од 140.000.000 денари, од кои само една фирма имала побарување за наплата од 60.000.000 денари што било закана за блокада. Наместо задолжувања на Општината како што работеше претходникот Франгов, ние ги отплаќаме наследените долгови и инвестираме во комуналните потреби на општината, посочи Поцков.

- „Во моментот се изведуваат пет градежни пректи: патот Негорци-Серменин во должина од 1.003 метри; патот од гробиштата во Давидово до манастирот Св. Илија; со 500.000 евра грант од ИПА програмата за меѓугранична соработка се санира коритото на Сува река, кое е често закана за поплави на јужниот дел од градот; се изведуваат работите за изградба на улици и водовод во населбата Караорман; се изведува атмосферска канализација на улица „Индустриска“, а за некој ден треба да стартуваат работите за изградба на патот до санитарната депонија кај Конско.
Со грант од 2,5 милиони евра што го добива ЈПКД „Комуналец“ ќе се приклучат населбите Негорци и Мрзенци на новиот резервоар за вода со предуслов за приклучок на вода кон ТИРЗ зоната. Оваа зона треба да донесе 23 нови инвестиции кои ќе ангажираат работна сила од над 4.000 лица. Во моментот во Агенцијата за вработување има регистрирано 582 лица кои се редовни баратели на работа, што значи дека ТИРЗ зоната кај Прдејци/Негорци ќе прерасне во регионален економско-стопански потенцијал на Општината.

Со ови предуслови за стопански растеж на Гевгелија, со фактот што изминативе месеци има засилени градежни активности во 11 населени места во општината, со формирање на Месните заедници во селата кои сами ги изнесуваат потребите за своите населени места, со реновирањето на градинките, со отварањето јасли во детската градинка во Негорци лани, а во ноември годинава и во градинката во Миравци градоначалникот Поцков со сигурност ги праша сограѓаните: „На прав пат ли е Гевгелија?“ И потврдно одговори со одобрувањето од граѓаните: „Да. На прав пат. На вистинскиот пат на развојот!“

Last modified on Вторник, 08 Октомври 2019 - 20:14

.

.


ПОСЛЕДНИ ВЕСТИ:

Оставка на директорот на Средното училиште во Гевгелија

Директор на СОУ „Јосиф Јосифовски“ од Гевгелија, Цветан Неловски денеска

Повеќе

Меѓународна Мировна награда за Заев и Ципрас

За својата дипломатска умешност во спорот околу името Македонија, бившите

Повеќе

Забрана за сообраќај на патот Струмица - Валандово

Поради сообраќајна несреќа која се задеси околу 10 часот утринава, патниот

Повеќе

24 часовен штрајк во Грција го запре граничниот промет

Синдикатот на вработените во јавниот сектор во Грција (АДЕДИ) од утрово започна

Повеќе

Навалица на рибари во Дојран

Чамци, рибари, трски за риболов, тоа е континуирана слика сезонава на брегот и

Повеќе

Лишени од слобода тројца посетители на „Бел рај“ кај Миравци

Тројца средновечни граѓани на возраст од 38 до 40 години синоќа на 15 минути

Повеќе

Собранието се распушти

Со 108 гласови „ЗА“ и ниту еден против или воздржан денеска во 17:00 часот

Повеќе

Изгласан законот за Јавно обвинителство

Со 80 гласови „ЗА“ од 116 присутни од кои само шестмина беа „против“ денеска во

Повеќе

Макрон ја отвори вратата за преговори на ЕУ со Македонија и Албанија

Францускиот претседател Емануел Макрон денеска изјави дека ако резултатите од

Повеќе

Собранието ја Разреши министерката Мизрахи – изгласани и измени на Изборниот

Собранието доцна синоќа со 62 гласа „за“ и 26 гласа „против“ ја разреши

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.