Топ Новости

Шест добитници на 7-мо Ноемвриски награди за 2019, Александар Попов постхумно одликуван со награда за животно дело

Среда, 16 Октомври 2019

Една награда за животно дело, две Златни плакети и три Сребрени плаќети е најголемиот награден обем на традиционалната награда што ја доделува општина Гевгелија за 2019 година.

Александар Попов, неодамна починатиот музичар, наставник, диригент и оснивач на КУД „Распеани Гевгеличани“ ја добива честа да стане постхумен носител на Општинската награда за животно дело, за значајни постигнувања од областа на музичката уметност, културата, воспитанието и образованието, придонес во развојот на културата на младите, за афирмација на општината преку учество на голем број манифестации и фестивали на кои има освоено бројни награди и признанија, за афирмација на македонското музичко творештво и негово збогатување со свои авторски песни. Ова се вели во одлуката на Комисијата за утврдување предлози за доделување општински награди „7-ми Ноември“ која наградата за животно дело постхумно му ја посветува на Александар Т. Попов од Гевгелија. Наградата се доделува во форма на Златна Плакета и вредносен износ од 125.520,- денари.

Со Златни плакети на општинската награда „7-ми Ноември“ се заќитуват добитниците:
1. професорите Љубица и Ѓорѓи Улишеви - Златна плакета број 1 - (за значајни постигнувања од областа на културата, како истакнати музички педагози и основоположници на организираниот музички живот во Гевгелија, организирање на голем број концерти од областа на класичната музика);
2. Здружението на граѓани „ТЕРА“- Златна плакета број 2 - (за афирмација на општината преку реализација на манифестацијата „Смоквијада“, зачувувањето на традицијата на поднебјето и придонес во зачувувањето на културните вредности);
Носителите на златните општински одличја, заедно со Плакетата добиваат и паричен износ од 75.312,- денари, секој добитник поединечно.

Сребрени плакети „7-ми Ноември“ се доделуваат на три ансамбли од областа на културата:
1. Ансамбл „Бојмија“ - Сребрена плакета број 1 - за значајни постигнувања од областа на културата, за негување и зачувување на македонското културно наследство преку своите уникатни носии, за развој на културниот живот во општината и организирање на голем број манифестации);
2. КУД „Танец“ од Миравци - Сребрена плакета број 2 - за значајни постигнувања од областа на културата, за негување и зачувување на македонското културно наследство преку своите уникатни носии, за развој на културниот живот во општината и организирање на голем број манифестации);
3. Театарска група „Дон Кихот“ од Гевгелија - Сребрена плакета број 3 - (за значајни постигнувања од областа на театарската уметност, за особен придонес во развојот на театарскиот живот во Гевгелија, за афирмација на Гевгелија на државно и меѓународно ниво преку добиени награди и признанија во категоријата најдобра театарска претстава и најдобар актер).
Носителите на сребрените општински одличја, освен Плакета добиваат и паричен износ од 37.656,- денари, сите тројца добитници (ансамбли) посебно.


Комисијата за утврдување предлози за доделување општински награди „7-ми Ноември“ својата одлука ја донесе по пат на регуларна конкурсна постапка на која можеа да се доставуваат предлози за достигнувања на наши сограѓани и организации кои творат во Гевгелија, на предлог повторно на граѓани и поединци од Општината. До Комисијата пристигнаа 14 апликации, од страна на Комисијата беа предложени седум на одобрување до локалниот општински Совет. Денеска, на одржаната 32 редовна седница, Советот на Општина Гевгелија усвои шест носители на награди за највисокото општинско признание „7-ми Ноември“.
Највисоките општински награди „7-ми Ноември“ ќе бидат врачени на добитниците на истиот датум како што гласи наградата, Денот на ослободувањето на Гевгелија.


Last modified on Среда, 16 Октомври 2019 - 14:48

.

.


ПОСЛЕДНИ ВЕСТИ:

Пендаровски одлучи – Нова вонредна состојба до 14 јуни

Претседателот Пендаровски по денешниот состанок на Советот за безбедност во

Повеќе

Приведен 22 годишен богданчанец за кријумчарење мигранти

Превезувал нелегално 13 мигранти од Бангладеш со комби, но поради неприлагодена

Повеќе

Тролски фарми од Македонија и Филипините ја туркаа дезинформацијата за

Еден од најголемите издавачи на дезинформации за коронавирус на Фејсбук е

Повеќе

Ќе има ли нова вонредна состојба?

Нови 52 заболени од Ковид-19 за изминатите 24 часа, непочитување на мерките за

Повеќе

Бетонирана улицата „Деко Ковачев“ во Гевгелија

Уличниот крак од улицата „Деко Ковачев“- Гевгелија, во должина од околу 300

Повеќе

Почувствуван земјотрес во југот од Македонија

Тектонско придвижување на земјиното тло вечерва во 22:55 часот почувствуваа

Повеќе

Во чест на Спасовден - заштитникот на Гевгелија

Денеска е Св. Спас - заштитник и спасител на луѓето, заштитник на Гевгелија.

Повеќе

Од денеска се отвараат рестораните и кафетериите за посетителите

Од 28 мај после речиси двеиполмесечен прекин на дејноста поради корона кризата,

Повеќе

Намалени комуналните такси за даночните обврзници од Општина Гевгелија

Советот на Општина Гевгелија на денеска одржаната 45-та редовна седница донесе

Повеќе

Пензионерите од Гевгелија ги отворија своите работни простории

Здружението на пензионери од Гевгелија кое брои 4.198 свои членови со почетокот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.