Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Заменик министерот за локална самоуправа Павлески во посета на Гевгелија и Богданци

Среда, 04 Декември 2019

Работна посета на двете јужни општини Гевгелија и Богданци беше дел од денешната агенда на заменик министерот за локална самоуправа, Дејан Павлески, каде оствари средби со градоначалниците Саше Поцков и Блаже Шапов. На средбите со градоначалниците се разговараше за тековните проекти поддржани од Владата и Министерството за локална самоуправа во изминатата година преку Програмата за рамномерен регионален развој и програмата за прекугранична соработка.

На средбите се разговараше околу реализацијата на проектот за изградба на фекален колектор со Пречистителна станица за отпадни води во гевгелиското село Моин,изградбата на спортско рекреативниот центар Динќут во Гевгелија, регулацијата на коритото на Сува Река кое е во тек, за ревитализација на патот Богородица – Стојаково, како и за реконструкција на неколку улици во селата Стојаково и Селемли во Општина Богданци.

- „Годинава од Министерството за локална самоуправа, преку програмата за рамномерен регионален развој поддржани се 16 проекти од Југоисточниот плански регион со 48 милиони денари од кои, конкретно за Гевгелија и Богданци од буџетот биле издвоени 55 милиони денари“, рече Павлески.

Павлески потенцираше дека интенција на Владата и Министерството за локална самоуправа останува поттикнувањето на рамномерниот регионален развој и поддржувањето на реални проекти кои обезбедуваат подобри услови и поквалитетен живот на граѓаните.

Заменик министерот Дејан Павлески укажа на новите можности што се отвораат за општините преку неколку проектни линии што ги обезбедува Министерството за локална самоуправа. Притоа, посебно се осврна на најавената децентрализација потсетувајќи на заложбата на ЗЕЛС за зголемена наплата на данокот на имот во сите општини.
- „За таа цел со УСАИД веќе работиме на заеднички проект за јакнење на капацитетот на општините за зголемен прилив на средства од локалните даноци преку преоценка на наплатата на данокот на имот. Исто така, зајакнувањето на финансискиот капацитет на општините ќе се спроведува и преку новите методи за пресметување на ДДВ. Паралелно со ова ќе се настојува да се зголеми и вклученоста на граѓаните за која цел се неопходни промени во статусот на месните заедници“, истакна Дејан Павлески, најавувајќи дека во наредната година може да се очекува децентрализација на дел од надлежностите во земјоделството, културата и социјалната заштита.


Last modified on Среда, 04 Декември 2019 - 20:34

.

.


ПОСЛЕДНИ ВЕСТИ:

Се бара ревизија за изградбата на Градскиот пазар во Гевгелија

Советникот Тихомир Ручкоманов, претставник од ЛДП и коалиционен партнер на СДСМ

Повеќе

Конституиран новиот 10-ти по ред парламентарен состав на РСМ

Со 116 гласови „за“, ниту еден воздржан и ниту еден против, денеска се

Повеќе

Граничниот премин Дојран-Дојрани останува затворен уште 10 дена

Грција ги продолжува своите меѓугранични заштитни мерки од ковид-19.
Денеска,

Повеќе

Августовска разгледница од Дојран

Продолжениот празничен викенд донесе многу гости, посетители, викенд туристи и

Повеќе

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

Една фирма во Гевгелија, 2 од Богданци и 4 во Валандово, искористиле владина

За април 2020 година една фирма од Гевгелија и две фирми од Богданци

Повеќе

Една година од огнената стихија во Гевгелија која пеплоса шест стана

На 30 јули во 11:20 часот на улицата „Ристо Чавдаров“ бр. 25 во Гевгелија лани

Повеќе

Пожарот кај Моин локализиран - изгоре 10 хектари деградирана шума

После седумчасовна интервенција на пожарникарите од ТППЕ Гевгелија помогнати со

Повеќе

Јули завршува со две температурни 40-ки за Гевгелија

Иако деновиве просечната темпреатура во јули се движеше од 35 со неколку 38-ци

Повеќе

Пожар кај Моин во месноста „Срнак“ се' уште активен

Три возила на Територијалната противпожрна единица од Гевгелија со 6 лица

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.