Денешниот неделен ден (09.02.2020 г.) во ООУ „Крсте Мисирков“ Гевгелија се одржа општински натпревар по Географија со ученици од сите четири основни училишта во општината.

Првото место со 99 освоени бодови од вкупно 100 освои Софија Милосавлевиќ под менторство на наставникот Венци Попов од ООУ „Ристо Шуклев“ Негорци.
Второто и третото место им припадна на ученици од ООУ „Вадо Кантарџиев“ од Гевгелија, и тоа: втор е Ѓорги Новаковски со освоени 97 бодови, а Трет е Јован Оџаков со освоени 95 бодови - ментор Снежана Аџиева од ООУ „Владо Кантарџиев“ Гевгелија.
Од вкупно 32 ученика од VI-то до IX-то одделение кои учествуваа на општинскиот натпревар по Географија 12 од нив кои освоија над 80 бодови се пласираа за учество на регионален натпревар по географија на кој ќе учествуваат и ученици од Општинските основни училишта од околината. Регионален координатор за учество на денешните победници и 12-те ученици пласирани за регионалниот натпревар по географија е наставничката Снежана Аџиева.

Дека нашите ученици знаат географија доказ е тестот кој е изработен од Мекедонското географско друштво со чија соработка и координација се организираат општинските, регионалните и државните натпревари по географија за учениците како за основното, така и за ученици од средното образование. Викендов такви натпревари на општинско ниво се одржаа во Тетовскиот, Скопскиот и Радовишкиот регион.

Организаторот на денешниот општински натпревар во Гевгелија на сите им испорача честитки, за освоените места на учениците што ќе продолжат да се натпреваруваат, за залагањето на менторите за успешни остварувања на учениците, со желби за реализирани знаења и на повисоките натпреварувања, зошто со успех на регионалниот се обезбедува пласман за учество на републичкиот натпревар по географија.