Пазарен ден во Гевгелија - за прв пат отворен и за текстилна понуда

Четврток, 14 Мај 2020

Корона мерките ги затворија пазарите низ државата со почетокот на епидемијата, а во Гевгелија трет четврток по ред пазарот е отворен како мерка за одржување на локалната понуда на производители на храна, зеленчук и сезонско цвеќе.
Со најавата дека Генералниот Совет за безбедност размислува за олабавување на мерките и најавата за скрининг на вработените од неколку дејности за почеток со работа на истите, во Гевгелија вчера се најави отварање на пазарот на понуда на текстилни производи. Изнесувањето на текстилна роба го вршеа само локални понудувачи, бидејќи беше најавено дека се добредојдени само оние од Гевгелија и околните општини, Валандово, Богданци и Дојран бидејќи тоа се општини без регистриран корона случај.

Кратко соопштение, кратко време да се подготват понудувачите, така што денешната слика на градскиот пазар беше со едвам пет тезги на текстилни понудувачи и летни обувки.
Земјоделските производители со скромна понуда зошто и самите велат скромна е и посетеноста на пазарот деновиве. Цветните тезги исто така во скромно издание со само тројца излагачи-понудувачи.
И џагорот и шегата на пазарџиите ја нема, сите оддалечени еден од друг, тезга преку тезга, со заштитни маски, со истрошена желба со довикување „ајде свежа марула, млади компирчиња, тазе берени мирудии, ајде лукче за низок притисок“ да ги привлечат муштериите да купат од нивното изложено.
Малку тезгаџии, малку пазарџии, малку ентузијазам за само-реклама.
Короно, што им направи на луѓето?

Инаку, мерките за заштита со дезинфицирање на просторот пред почетокот и после пазарниот ден ги изведе стопанисувачот со пазарниот простор ЈПКД „Комуналец“ кој остави време од 7-9 часот за истовар на производите и продуктите за продажба од страна на понудувачите. Пазарот беше отворен до 14 часот, со цел да се остави време за утовар на преостанатото и повторно чистење и дезинфекција на просторот.
Можеби следниот пазарен ден ќе има повеќе текстилни понудувачи со оглед на тоа што и Струмица со сите излечени корона случаи веќе се „пресели“ на картата со општини во Македонија каде веќе нема заболени од вирусот корона.


Last modified on Четврток, 14 Мај 2020 - 19:10

.

.


ПОСЛЕДНИ ВЕСТИ:

Во Дојран посетителите добија бесплатни заштитни маски!

Викенд посетеноста во Дојран достигна размери блиски на летната туристичка

Повеќе

Инфраструктурно улично подобрување во Прдејци

По дводневна акција денеска заврши бетонирањето на уличен крак во населеното

Повеќе

Дезинфекција на јавните површини во Гевгелија

По налог на Општинскиот штаб за заштита и спасување денеска започна да се

Повеќе

Донација од 40.000 евра од Групацијата „Новоматик“ за Општа Болница Гевгелија

Еден месец по официјалната најава на својата одлука да донираат 200.000 евра

Повеќе

Јавното обвинителство отвори предмет против митрополитот Агатангел

Основното јавно обвинителство Велес отвори предмет по допрен глас по објавите

Повеќе

Трета акција за уништување на комарците во Гевгелија и ЈИ регион

По извршени две последователни лаврицидни прскања против комарци на места

Повеќе

Започна ревитализацијата на патот Богородица-Стојаково

Градежната оператива на „ЖИКОЛ“ ДООЕЛ Струмица од денеска е на терен со

Повеќе

Владата донесе забрана за одење на гробишта викендов на цела територија

Во петок е задушница, а во недела Духов ден. Во пресрет на овие народни

Повеќе

МВР против МВР на „Боемска“ – СВР и ЕБР ги чекаат снимките од камерите

Пазарната полиција не можеше да влезе во угостителскиот објект на улица

Повеќе

Во изолација 60 полицајци на служба во Гевгелија

Околу шеесетина полицајци кои ја чуваат јужната граница на Македонија поради

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.