Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Гевгелиските градинки ги ослободија родителите од плаќање партиципација за престој на децата во установата

Четврток, 21 Мај 2020

Управниот одбор на ЈОУДГ „Детска радост“- Гевгелија на денешната седница одлучи родителите, чии деца престојуваат во градинките, да бидат ослободени од плаќање на партиципација за престој на децата во градинките за месеците април и мај, за време на вонредната состојба.
Тоа се однесува за сите 800 родители - корисници на услугите на гевгелиските детски градинки, како за трите постојни објекти во Гевгелија, така и клоновите во Негорци, Миравци и Богородица, за месеците април и мај. Родителите ќе заштедат по 2.980 за секое запишано дете во Установата.

- „Со ваквата одлука сметаме дека ќе придонесеме во општинската акција за ублажување на последиците од Корона вирусот. Имено, од плаќање на месечна партиципација за престој на децата во градинките, во износ од 1.490 денари месечно, ќе бидат ослободени 800 родители, чии деца беа запишани и беа згрижени во градинката за месец март. Тоа значи дека за април и мај нема да плаќаат никаква партиципација. Тоа не е и единствената мерка што нашата Детска установа ја презеде за ублажување од последиците. Имено, за месец март, кога децата во градинките престојуваа само до 10 март, нивните родители платија само 521 денар, колку што изнесуваа материјалните трошоци“, изјави директорката на ЈОУДГ „Детска радост“-Гевгелија, Елизабета Стојменовска.

Во изминативе денови, додека трае корона епидемијата, децата се згрижени во своите семејни-домаќинства, а деновиве се врши интензивен скрининг со корона-тестови на сите вработени во детските установи во државата, по препорака на Комисијата за заразни болести која ја следи корона состојбата во државата. Во Гевгелија, во соработка со Центарот за јавно здравје извршени се тестирања на сите 110 вработени во шесте постојни објекти на Јавната општинска установа за згрижување на деца „Детска радост“ од Гевгелија. Резултатите од тестирањата се' уште се очекуваат.
Напоредно, со најавата за потреба да се скринира здравствената состојба на вработените, се најави и можен старт со работа на детските градинки, па во пресрет на отварање на вратите на овие установи за згрижување на најмалите од нашата заедница, раководството на установата обезбеди извршување на детална дезинфекција на сите објекти, дворни површини, играчки, работен простор, душечиња и постелнина за пладневен одмор на најмалите, потоа дезинсекција и дератизација против глодари.

Стартот уште не е најавен, но сите работни сили се ангажирани за активирање на нормалниот работен престој за згрижување и рано учење со програмските понуди во детските градинки во Општината.


Last modified on Четврток, 21 Мај 2020 - 19:37

.

.


ПОСЛЕДНИ ВЕСТИ:

Августовска разгледница од Дојран

Продолжениот празничен викенд донесе многу гости, посетители, викенд туристи и

Повеќе

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

Една фирма во Гевгелија, 2 од Богданци и 4 во Валандово, искористиле владина

За април 2020 година една фирма од Гевгелија и две фирми од Богданци

Повеќе

Една година од огнената стихија во Гевгелија која пеплоса шест стана

На 30 јули во 11:20 часот на улицата „Ристо Чавдаров“ бр. 25 во Гевгелија лани

Повеќе

Пожарот кај Моин локализиран - изгоре 10 хектари деградирана шума

После седумчасовна интервенција на пожарникарите од ТППЕ Гевгелија помогнати со

Повеќе

Јули завршува со две температурни 40-ки за Гевгелија

Иако деновиве просечната темпреатура во јули се движеше од 35 со неколку 38-ци

Повеќе

Пожар кај Моин во месноста „Срнак“ се' уште активен

Три возила на Територијалната противпожрна единица од Гевгелија со 6 лица

Повеќе

Воз удрил во автомобил кај с.Давидово

Денеска (27.07.2020 г.) пред мугрите во 04:45 часот, се случила сообраќајна

Повеќе

Во Струмица попави, во Валандово штети, во Гевгелија краткотраен пороен дожд

Вчерашното облачно време во Гевгелија донесе краткотраен пороен дожд, но во

Повеќе

Редари од Општина Дојран со акција за промовирање на ковид мерките за заштита


Ваучер туризмот заживеа деновове во Дојан, а за време на викендите бројот на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.