Под влијание на МНОГУ студена воздушна маса која се спушта од Арктикот, но и поради разведрувањето кое се очекува насекаде низ државава во текот на претстојната ноќ, температурите на воздухот ќе бележат тенденција на понатамошно НАГЛО опаѓање и до утре изутрина насекаде ќе бидат негативни, односно истите ќе се спуштаат во интервалот од -11 до -3 степени.

Првиот снег годинава падна на 21 ноември во Маврово, а следниот ден во Реканскиот крај, Нижополе и на Пелистер. Денеска под снег осамнаа Попова Шапка и Маврово и повисоките делови од истокот на Македонија.

Во Гевгелија до утре изутрина минималната температура на воздухот се очекува да се спушти до околу -4 степени. Максималните температури утре се' уште ќе бидат ниски и ќе се искачуваат во интервалот од 2 до 6 степени, со умерен ветер од северен правец со максимален удар на движечка сила од 7,1 метри во секунда (послaб од денешниот ветер кој достигна 10,2 м/сек со северозападен правец). Во моментот ветерот е со брзина од 22 км/час и постепено ќе се намалува до 9 км/час во утринските часови, а осетно ќе ослабне во текот на денот (вторник) до 2 км/час во 16-20 часот.

Од среда па натака под влијание на јужно воздушно струење, температурите на воздухот ќе бидат во пораст а времето ќе биде променливо облачно со температура до 11 степен и ветре од само 1 км/час. Во петокот се очекуваат максимални 15, а во саботата 17 степени над нулата.
Подгответе се за вечерашниве минусни температури, кои во остатокот од неделата ќе преминат во позитива.