Екипа за контрола на сообраќајот на подрачјето од општина Гевгелија вчера извршија акциска контрола на возачите долж меѓународниот автопат „Пријателство“ кој поминува низ територијлниот атар на Гевгелија.

Така, вчера 11.02.2021, полициски службеници од Полициска станица Гевгелија на автопат А-1, делница од клучка Гевгелија до клучка Марвинци, спровеле акциска контрола над возачи кои управуваат возила со брзина поголема од дозволената. Во текот на акцијата биле констатирани 11 прекршоци.

Истиот ден, на подрачјето на Полициска станица Струмица била спроведена акциска контрола над сите учесници во сообраќајот. При контролата биле откриени 18 прекршоци, од кои 17 за управување возило со брзина поголема од дозволената и 1 прекршок за нерегистрирано возило. Сите констатирани прекршоци биле соодветно санкционирани.

Од МВР известуваат дека зачестените акциски контроли кои започнаа уште минатата година, а продолжуваат и годинава, во сите општини низ државата, придонесоа за воведување сообраќаен ред низ патиштата во државата, на што се должи и намалениот број на сообраќајни незгоди (за 19%) и намалениот број на сообраќајни жртви во изминатата 2020 наспроти 2019 година.

На возачите им преостанува да ги почитуваат сообраќајните правила и прописи дури и кога возат во сопственото градско опкружување, за да ги избегнат пропишаните казни. Граѓаните и во местото каде живеат заслужуваат да бидат безбедни на своите патишта и улици.