Со грант од ЕУ ќе се реновира одморалиштето на Смрдлива вода

  • Вторник, Јул 03 2018

 

Со грант од проектот за локална и регионална конкурентност од 11,1 милиони денари и сопствено учество на Општина Гевгелија од 1,2 милиони денари обезбедени се финансиски средства за реновирање на одморалиштетот на Смрдлива вода во сопственост на Општината.
Ваква Одлука за одобрување на финансиски придонес од Буџетот на општина Гевгелија за проектот за реновирање и адаптација на сместувачки објект во сопственост на општина Гевгелија на локалитетот Смрдлива вода" е донесена на последната 14-та редовна седница на Советот на општината, одржана во петок минатата недела . Имено, со овој проект општина Гевгелија учествуваше на јавниот повик за регионална конкурентност и туризам, кој ја мина првата фаза, а за чија реализација, покрај грантот што очекува да и биде доделен, општината треба да обезбеди 10% сопствено учество.
Целиот проект е со вредност од 12.358.580,- денари, а Советот даде согласност за буџетско учество во реализација на проектот од 10% од вредноста на истиот.

Со предложениот подпроект “Реновирање и адаптација на сместувачки објект во сопственост на општина Гевгелија на локалитетот Смрдлива Вода” се предвидува целосна реконструкција, внатрешно уредување и адаптација на објектот Одморалиште на Смрдлива Вода во сопственост на општина Гевгелија. Сместувачкиот капацитет ќе претставува можност за збогатување на понудата за сместување на посетителите, со оглед на тоа што засега во ова туристичко место постои и работи само еден помал објект за сместување и исхрана за гости – туристи.

 

Објектот е со висина од приземје и кат и располага со сместувачки капацитет од 4 апартмани и две соби на кат и една просторија која е во функција за персоналот на приземјето. Поради оштетувањата кои настанале со текот на времето се предвидува комплетна санација на објектот.

Во проектните изведби планирано е да се изврши:
- Комплетна замена на кров и кровен покривач;
- Реконсрукција на фасада и поставување на фасадна термоизолација;
- Замена на столарија;
- Замена на поден покривач во објектот;
- Обработка на ѕидни и плафонски површини со гипс картонски облоги;
- Комплетна замена на електро инсталација;
- Комплетна санација и замена на водоводна и фекална инсталација;
- Постоечката септичка јама ќе биде заменета со поставување на мини пречистителна станица.

Проектот за локална и регионална конкурентност (ПЛРК) е грант од 18 милиони евра добиен преку Инструментот за претпристапна помош II на Европската Унија и Владин придонес од 3,2 милиони евра и е администриран од Светската Банка. Истиот ги акцентира потребите од управување со животната средина и социјалните аспекти, поради што и санацијата на овој објект на Кожув за сместување и заживување на туризмот на овој локалитет доби своја потврда од донаторите.

По одобрувањето на согласноста и потпишувањето на договорот за грант, Општината ќе може да распише тендерска постапка за избор за најповолен изведувач, и да започне санацијата и реновирањето на одморалиштето на Кожуф.

 


ПОСЛЕДНИ ВЕСТИ:

Дојран на 38-от меѓународен саем за туризам во Белград

Општина Дојран и тамошните угостители годинава  од 21 до 24 февруари се

Повеќе

Два инциденти во Затворот Шутка

Притворените екс министри Миле Јанакиевски и Спиро Ристовски денеска во

Повеќе

Груевски ја ставил партијата во функција на настаните од 27 април

ОЈО: Осомничениот Н.Г. како тогашен претседател на политичка партија преку

Повеќе

Манчевски: Да се повлечат блиските на функционерите и од власта и од опозицијата

Ургентно решение за надминување на проблемот со непотизам при вработувањата е

Повеќе

ОЈО ги сомничи Груевски и Вељановски за Крвавиот четврток

Вељаноски и Груевски - осомничени за терористичко загрозување на уставниот

Повеќе

„Антикоцкање“ бара дислокација на казината и обложувалниците

Владата ќе го разгледува барањето на граѓанското движење за дислокација на

Повеќе

Со 60,6 милиони денари Општина Гевгелија ќе ги раздолжува наследените долгови

Буџетска дотација од Владата на Македонија за раздолжување на наследените

Повеќе

Граѓанскиот сектор со буџетска поддршка за 2019

Шеснаесет граѓански организации ќе добијат буџетска дотација во вредност од

Повеќе

Продолжуваат изведбените работи на патот Гевгелија-Негорци

Механизацијата на изведувачот „Жикол“ е на терен за гребење на асфалтот од

Повеќе

Бензинот поскапува, дизелот не

Регулаторна одлучи - од ноќеска поскапува бензинот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.