Топ Новости

Цените на ЈПКД „Комуналец“ повторно на увид пред Советот

  • Вторник, Јул 10 2018

 

Гевгелискиот Совет на општина на новозакажаната 15 седница за петокот 13 јули, повторно ќе расправа за цените на услугите на Јавното локално комунално претпријатие „Комуналец“ од Гевгелија.

Од 10-те предложени точки од Дневниот ред на седницата, три се однесуваат на ценовните оптеретувања на граѓаните за услугите на „Комуналец“ (градски пазар, депонија, намалување на цената за пречистување на отпадни води) и измени во годишниот план на вработувања во ЈПКД за 2018 година.

По донесувањето на одлука за цените на услугите на локалното комунално претпријатие во декември минатата година, ова е трет обид за корекција на истите и добивање согласност од Советот на општината, кој по Статутот на ЈПКД е оснивач на локалното комунално претпријатие во Гевгелија.

По две недели од одбивањето на предлог решенијата за дополнување на одлуките за цените на ЈПКД „Комуналец“ за користење на вода за пиење, канализација и одведување на отпадни води и пречистување на отпадни води, гевгелиското комунално претпријатие повторно „на отчет“ пред членовите на Советот. Но, сепак паѓа в очи немањето предлог за корекции на клучните параметри кои ја градат сметката за вода што ја добива секој потрошувач, домаќинство, или фирма.

По брзата реакција на „Комуналец“ повторно да се најде пред советниците и по шестмесечно одбивање на нивните годишни и квартални извештаи да издејствува една позитивна одлука и одобрување од Советот со понуда на нови одлуки и материјали, пред јавноста остануваат отворените прашања за негативниот ревизорски извештај за работата на „Комуналец“ во 2017, неточните податоци доставени до Регулаторна комисија за градење на цените за услугите на „Комуналец“ и немањето одговор „Кој ќе ја понесе одговорноста за несовесното и недомаќинско работење“.

Во контекс на ова и барањето на советникот Тихомир Ручкоманов до „Комуналец“ за достава на податоци за трошоците за плати и надоместоци на плати на вработените за 2017 и првите месеци до мај 2018 година и одговорот од Комуналец дека во посоечениот период се исплатени вкупно 15.270 работни часови прекувремена работа, од кои 4.688 за време на празник. За исплата на овие прекувремени часови работа „Комуналец“ од касата потрошил близу 2 милиони денари, или поточно 1.936.946,- денари. Овој дописен материјал со податоците е испратен до сите 18 советници на Општинскиот Совет на 27 јуни 2018 година, но еве не предизвикал реакции да биде ставен на дневен ред ниту на 14-та, а дознаваме ниту на предложениот дневен ред за претсојната 15-та редовна седница на Советот на општина Гевгелија.

Што кријат дневниците за прекувремена работа исплатени за 2017 и до месец мај за 2018 година, засега не можеме да дознаеме, бидејќи директорот не открива кој, или кои тоа се највредни во „Комуналец“, или кои луѓе се оправдано, или неоправдано вонредно исплатени од касата на „Комуналец“. Дали багеристот на возилото кое се сонча на ливада, а според податоците потрошил 4,5 тони нафта годишно, е на списокот за прекувремена исплата, дали бившата директорка вонредно патувала за празници под превезот службено, кои сектори се оптеретени со прекувремена работа, тоа не открива одговорот упатен од ЈПКД до советникот Ручкоманов.

Во прилог на расчистување на сите контраверзии во врска со работењето на „Комуналец“ кој досега од овој состав на Советот на општината не доби одобрување на ниту еден извештај за своето работење, ниту кварталите 3 и 4 од 2017, ниту годишната сметка за 2017, ниту кварталниот финансиски извештај за јануари-март 2018, значи, ако нешто „смрди на несовесно работење“ треба да се расчисти, да се расправа и детектира одговорноста. Во прилог на тоа ги споделуваме писмените дописи од Ручкоманов и „Комуналец“ доставени до советниците на гевгелискиот Совет со цел да им посочиме дека и тие самите според статутот на локалната самоуправа може да предлагаат дополнителни точки на дневен ред, во интерес на вистината и расчистување на „маглата“ околу финансиското работење на „Комуналец“.

ФОТО: Преписката помеѓу советникот Ручкоманов и ЈПКД „Комуналец“ за исплатени прекувремени работни часови во локалното комунално претпријатие


ПОСЛЕДНИ ВЕСТИ:

„ЗА европска Македонија“ во Богданци

Премиерот Заев во Богданци: Вашингтон и целиот свет оддаваат признание на

Повеќе

Велосипедско дефиле

Гевгелија преплавена од велосипеди по повод 22 септември - Меѓународниот „Ден 

Повеќе

22 септември - Меѓународен ден без автомобили

Со велосипедско дефиле Гевгелија денеска ќе го одбележи 22 Септември -

Повеќе

Сабота 8 часови без струја Гевгелија и Богданци

Нов осумчасовен прекин во снабдувањето со електрична енергија поради неопходни

Повеќе

Средба на Премиерот Заев со Потпретседателот на САД, Мајк Пенс

Македонскиот Премиер Зран Заев денеска оствари средба со Потпретседателот на

Повеќе

Соопштение од Општинска изборна комисија Гевгелија

Промена на гласачките места во Гевгелија, Миравци, Негорци и Габрово

Повеќе

ЕВН најавува 8 часовен прекин на струја во Гевгелија

Утре петок 21 септември во терминот од 7:30 до 15:30 часот дистрибутерот на

Повеќе

Мицкоски: Ако референдумот биде успешен и мнозинството е „за“, ќе го почитуваме

Став на лидерот на ВМРО-ДПМНЕ по однос на референдумското изјаснување на

Повеќе

Низ ГП „Богородица“ летово поминале 1,5 милион туристи

Половина милион македонски туристи претставуваат 1/3 од вкупниот летен патнички

Повеќе

Гевгелиски „Комуналец“ со полугодишна позитива

Зголемената цена на водата и комуналните услуги и нотарските платни налози ја

Повеќе

 
 

 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.