Топ Новости

Поставен камен темелник на Хидро Системот „Конско“ во Гевгелија

  • Сабота, Јул 21 2018

Премиерот Зоран Заев, министерот за земјоделство Николовски и фирмата изведувач од Турција денеска на свечен начин поставија камен темелник за почеток на изградбата на браната „Конско“ кај Гевгелија

 

Премиерот Зоран Заев, министерот за земјоделство Николовски и фирмата изведувач од Турција денеска на свечен начин поставија камен темелник за почеток на изградбата на браната „Конско“ кај Гевгелија.

Република Македонија преку Владата и надлежните министерства вложува во нови капитални инвестиции и проекти кои што директно придонесуваат за подобрување на квалитетот на живот на граѓаните. Премиерот Заев и министерот Николовски го означија почетокот на изградбата на браната Хидро Систем Конско, најголемиот инфраструктурен зафат во овој регион во последните 50 години.

– „Секогаш ми претставува посебно задоволство кога Република Македонија преку Владата вложува во нови капитални инвестиции и објекти кои директно придонесуваат за подобрување на квалитетот на животот на граѓаните, но задоволството е уште поголемо кога се најавува реализација на дамнешна желба и потреба на граѓаните од овој крај која е стара речиси 40 години“ – рече Заев.

Тој рече дека изградбата на хидросистемот Конско за граѓаните на општина Гевгелија ќе значи реализација на нивната долгогодишна потреба и желба за навремено снабдување со чиста и здрава вода за пиење, вода за наводнување која ќе дојде до нивите и плодните земјоделски површини, до плантажите и фармите, но и вода за спас на Дојранското Езеро.

Изградбата на овој хидросистем претставува најкрупен инфраструктурен зафат во овој регион во изминатите 50 години и инвестиција која ќе има мултифункционална улога.



Министерот Николовски рече дека станува збор за една од најголемите капитални инвестиции во земјоделството последните 10 години којашто е од исклучително значење за граѓаните од гевгелискиот регион, но и на сите граѓани на Македонија и ќе придонесува за енергетска стабилност, зголемување на земјоделското производство и безбедност на храна на национално ниво.

- „Со хидросистемот Конско ќе се обезбеди наводнување на 8.000 хектари од постојните 12.000 плодно земјиште во овој регион, а тоа е пет пати повеќе од сега реално достапните за наводнување 1.500 хектари плодни посеви во гевгелиско. Вкупната инвестиција на овој капитален зафат од програмата за рурален развој на Министерството за земјоделство изнесува над 2,4 милијарди денари“, истакна министерот за земјоделство Љупчо Николовски пред присутните.



Инвеститор на проектот е Република Македонија преку Министерството за земјоделство, а изведувач е турска компанија „Серка Тааххут Иншат“ А. Ш. која е во рамките на Адали Холдинг.

Изградбата на Брана „Конско“ во Гевгелија е првиот проект на „Серка Таххат Иншат“ во Република Македонија, иако со своите градежни дејности ги има раширено на 4 континенти во 13 земји низ светот.

Претставник на фирмата изведувач од Турција истакна дека дека ова е нивна прва изградба на објект во Македонија, откако нашата земја пред неколку дена доби покана за членство во НАТО и ЕУ со што рече дека се надева дека и понатаму ќе се задржат во овој регион и дека ќе работат на реализација на други проекти во нашава земја.

- „Ова е прва инвестиција на нашата компанија во Македонија, а се надевам дека ќе продолжиме не само како изведувачи туку и како инвеститори во другите сектори од економијата, како што е туристичката дејност со која исто така се занимава нашата компанија“, истакна Шефки Адал, претседател на Управниот одбор на компанијата изведувач „Серка Тааххут Иншат“ А. Ш. од Турција.

На денешниот настан, заедно со инвеститорите, изведувачите, претставниците на локалната власт од Гевгелија, локалното населенио од Конско и подпланинските села на Кожуф планина, гевгелиско, присуствуваа и градоначалниците од околните општини. Овој проект е од исклучително значење за граѓаните од гевгелискиот регион, но и за сите граѓани на Македонија, како старт на еден капитален продор на Македонската Влада.

Браната конско во најинтензивниот период на проектот ќе ангажира 250 вработени и број на градежна опрема до 100 единици. Истата според проектот ќе биде каменонасипна брана со асфалтно јадро, со висина од 80 метри, зафатнина на резервоарот од 21 милиони метри кубни. Реализацијана на проектот се очекува да донесе значаен придонес за македонската економија.



 


ПОСЛЕДНИ ВЕСТИ:

Актерот Дац му подри метла на Заев

Инспириран од резултатите од првиот изборен круг и воздржаноста на некои од

Повеќе

Пендаровски води со 4.596 гласови

 

На петтите претседателски избори одржани во неделата, на 21 април,

Повеќе

Гевгелија го надмина законскиот цензус на излезност

 

Со излезност од 58,24% до 18:30 часот, според првичните податоци на ДИК,

Повеќе

Гевгелија до 13 часот со поголема излезност од државниот статистички пресек

 

Вкупниот гласачки капацитет на општина Гевгелија е ставен во функција

Повеќе

Претседателски избори 2019 - ден на гласање

 

 

Петтите по ред Претседателски избори во Македонија денеска се

Повеќе

Пендаровски во Гевгелија: На 21 април не одлучуваме за име, туку за политики

 

- „Гласајте за бројот три. Со него во 2014 бевме морални победници, сега на

Повеќе

Средба на Заев и Анѓушев со бизнисмени од Гевгелија

 

Компаниите да ги искористат мерките за унапредување на соработката со

Повеќе

Премиерот Заев и вицепремиерот Анѓушев во обиколка на системот за

 

 

- „Надминат е сериозниот проблем за водоснабдување од 2012 година и

Повеќе

Донаторска акција „Нахрани 10.000“ во Гевгелија

 

 

Националната хуманитарната акција „Нахрани 10.000“ за собирање храна,

Повеќе

Општина Дојран со добри дела за децата

Ангов: „Секогаш сме тука за доброто на децата. Тие се и ќе останат врвен

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.