Oдбележан Меѓународниот ден на борбата против трговија со луѓе
Топ Новости >

Oдбележан Меѓународниот ден на борбата против трговија со луѓе

  • Понеделник, Јул 30 2018

 

Општина Гевгелија во соработка со НВО секторот се вклучи во борбата против трговија со луѓе, која со мигрантската криза при која Гевгелија се најде на транзитната рута, ризиците за таков вид криминал беа потенцијално присутни и на овие простори.

Меѓународниот свет одамна алармира за оваа опасност, препознаена како ново комерцијално ропство, со која се загрозуваат основните човекови права, слободата, слободата на движење, експлоатацијата, па дури и исчезнувањето без трага. Трговијата со луѓе е вториот најголем извор на профит за организиран криминал по дрогата.
Голем дел од мигрантите кои во бранот на Блискоисточната и африканска бегалска криза се најдоа во водите на Средоземното море на пат кон Европа, податоците на Обединетите Нации велат дека завршувале и во оваа форма на организиран криминал со човечката слобода.

По повод 30 јули, Меѓународниот ден на борбата против илегалната трговија со луѓе, Комисијата за борба против трговијата со луѓе при општина Гевгелија, го посети Прифатниот транзитен центар „Винојуг“ лоциран во близина на македонско-грчката граница и овде се запозна со работата на овој Центар. Членовите на Комисијата разговараа со некои од присутните мигранти, се запознаа со условите за престој, нивниот пат и изминато патешествие, соочените ризици во потрагата по ново пристојно место за живот, избркани од воените немири во нивните земји. При средбата се донираше вода, сокови, прехрамбени продукти и средства за хигиена од страна на делегацијата локални општински претставници.

- „На овој ден треба да се потсетиме на сите жртви на трговијата на луѓе и да ги анимираме државната и локалната власт да вложат додатни напори за спречување на оваа илегална трговија која ги крши сите основни човекови права. Гевгелија многу силно ја почувствува светската мигрантска криза, кога над 18.000 непридружувани деца ја поминаа нашата граница и со тоа директно станаа потенцијални жртви на трговијата со луѓе. Оваа комисија која својата работа ја започна оваа година во наредниот период ќе се обиде преку едукации, предавања и вклучувања на сите релевантни институции да предупредува на опасноста од било каква трговија со луѓе на територијата на општина Гевгелија“ истакна на средбата Мирјана Костадинова, Претседателката на Комисијата.

Ташко Дојчинов, претседателот на Советот на општина Гевгелија објасни дека соработката на Советот со оваа комисија е на високо ниво.

- „Како Совет определивме буџетски средства за нејзината работа, што ја покажува нашата загриженост околу илегалната трговија со луѓе, и нашата намера, како Совет, преку работата на комисијата, да работиме заедно на спречување на појава на ваквата илегална активност во општина Гевгелија“, ја објасни посветеноста на локалната самоуправа и локалната заедница кон мигрантите и олеснувањето на нивниот транзитен пат низ нашата земја, без опасности по својата слобода и живот, претседателот на општинскиот Совет, Ташко Дојчинов.

Локалните претставници денеска го одбележаа 30 јули, Светскиот ден за борба против трговија со луѓе, со цел да се сврти вниманието на големиот број жртви на трговија на луѓе, кои се соочуваат со сексуална експлоатација, принудна работа, ропство, трговија со органи.

Светскиот ден првпат е одбележан во 2013 година, по усвојувањето на резолуцијата на Генералното собрание на Обединетите нации за борба против трговија со луѓе.

Според податоците на Интернационалната Организација за мигранти, од вкупно 7.000 жртви регистрирани минатата година, 85 отсто биле жртви на меѓународна трговија со луѓе, а околу 13 отсто од вкупниот број на жртвите на трговија со луѓе се деца на возраст од околу 11 години.


ПОСЛЕДНИ ВЕСТИ:

Се асфалтира улицата „Едвард Кардељ“ во Нов Дојран

Летото е период на засилена градежна активност за подобрување на инфраструктурата во Општина Дојран

Повеќе

Младите активни во евроинтеграцијата на Македонија

Во Струмица утре  - Работилница за врсничка едукација за Европската Унија и улогата на младите 

Повеќе

Владата со промотивна и информативна кампања за референдумот

Кампањата ќе се води согласно стандардите за јавни коминукации од интерес на јавноста и тоа релевантност, објективно и информативно комуницирање, непартиски комуникации, како и пропорционалност и

Повеќе

Бесим Деари привремено ќе раководи со БЈБ

Владата го разреши дирекорот на Бирото за јавна безбедност и на негово место привремено го постави досегашниот заменик директор 

Повеќе

Одбележан уменскиот панаѓур „Св. Пантелејмон“

Традиционално и годинава во организација на Месната заедница од село Ума, се одржа уменскиот панаѓур „Свети Пантелејмон“ во чест на верскиот штитеник по кој е насловена и тамошната црква

Повеќе

Летната опуштеност ги раздвижи крадците

За една недела извршени девет кражби во Гевгелија

Повеќе

Разрешувањето на директорот на БЈБ пред Влада во вторник

Владата во вторник ќе решава за разрешувањето на Лазе Велковски, а дали ќе има и постапка за кривична одговорност за злоупотреба на службена должност и овластувања засега нема најави од МВР

Повеќе

Мерка дисциплинска постапка за воспитувачката во гевгелиска градинка

За случајот се заинтересира и народниот правобранител кој побара да се преземат сите мерки за расветлување на истиот, но и да има одговорност за направениот инцидент

Повеќе

Елаборатот за штетите од невремето во подготовка

Владата треба да ги обештети земјоделците и правните субјекти по усвојувањето на елаборатот од страна на Советот на општината и второстепената комисија за елементарни непогоди

Повеќе

Гевгелија ги чествува двата Илиндена

Честит празник! Да ни е вечен Илинден!

Повеќе

 
 

 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.