Елаборатот за штетите од невремето во подготовка

Вторник, 07 Август 2018

Владата треба да ги обештети земјоделците и правните субјекти по усвојувањето на елаборатот од страна на Советот на општината и второстепената комисија за елементарни непогоди

 

Невремето што го зафати подрачјето на општина Гевгелија на 23 јули годинава предизвика штети кај 314 физички иматели на посеви и правни субјекти. Толку пријави во утврдениот рок од три дена после невремето беа доставени до општинските канцеларии во Гевгелија, Негорци и Миравци.

Најмногу пријави за штети од невремето со врнежи од град се поднесени во канцеларијата во Негорци - 160, што потврдува дека во овој дел штетите се најголеми. Во канцеларијата во Гевгелија се поднесени 126 пријави, главно од земјоделците во Ново Конско и Мрзенци, а во Миравци 16.

Веќе е извршен увид во сите населени места зафатени од невремето од страна на петточлената стручна екипа што ја сочинува Општинската комисија за проценка на штети од елементарни непогоди.

- „Увид е извршен на секоја пријава, од секој поединечен подносител, за секоја парцела и посев посебно со заедничка одлука на сите петмина членови на комисијата за процентот на оштетувањето на посевите. Посетени се селата Негорци, Горничет, Серменин, Смоквица, Милетково, Мрзенци како и градот Гевгелија. Остануваат за увид уште 5 куќи во Негорци кои пријавиле на штета во градежниот дел. Потоа започнуваме со вредносната проценка на претрпената штета и изготвување на Елаборатот за штети“ - известуваат од Комисијата.

Според сликата од теренскиот увид на штетите врз посевите слободна проценка на Комисијата е дека сама три субјекта имаат штета до 100%, поголемиот дел од посевите, особено во Негорчко поле се со претрпени штети од 70 до 90% , а во помал број се штетите во појасот околу Негорци каде речиси беше најака градобијната сила на невремето, со проценета штета од 30 до 40%.

Останува до 15 август Комисијата да го подготви текстуалниот дел од Елаборатот за проценка на штетите од невремето со град од 23 јули, да ја утврди поединечната вредност на штети за секој пријавител и вкупната вредност на штетата според очекуваниот род од посевите, по цени дадени од Министерството за земјоделство на РМ.

На 30 дена од претрпеното невреме, значи до 22 август годинава, Советот на Општина Гевгелија треба да се изјасни дали го прифаќа елаборатот за проценка на штети и истиот доколку го прифати да го достави на одобрување до Втростепената Владина Комисија за обештетување од елементарни непогоди. Степенот, или процентот на обештетувањето од вкупно утврдената вредност на претрпената штета ќе зависи од Одлуката што ќе ја донесе Владата на Република Македонија.

.

.


ПОСЛЕДНИ ВЕСТИ:

Бесплатен одмор за работниците со ниски примања

Јавниот повик за организиран одмор на работници чии месечни примања во

Повеќе

Водата во Дојранското езеро безбедна за капење

- „Најновите испитувања на водата од Дојранското Езеро покажаа дека е во

Повеќе

Убав сончев празничен ден

Гевгеличани и околните места денеска ги осветли убав сончев ден, а и неработен,

Повеќе

Денес е Задушница - ден за спомен на починатите

Православните христијани, денес и во сабота ја празнуваат Задушница, а следниот

Повеќе

Меркел до Заев: Бундестагот ќе одобри старт на преговорите со ЕУ во септември

На денешната средба на Премиерот Зоран Заев со Германската канцеларка Ангела

Повеќе

Општина Дојран во посета на збратимената општина Медулин

Веќе седум години како општина Дојран е збратимена со општина Медулин од

Повеќе

Селото Марвинци ќе добие нов асфалт

Селото Марвинци, деновиве ќе добие нов асфалт.

Од општина Валандово

Повеќе

Почна исплатата на зголемената социјална помош

Согласно правата предвидени со новата социјална реформа од денеска започна

Повеќе

Уапсен е државниот секретар во МИОА осомничен за земање мито

Корупциски скандал со Европските фондови во државата. Поради земање провизија

Повеќе

Почнува летниот распуст за учениците

Денеска е последниот училишен ден од школската година, со што почнува летниот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.