Заев: Европа е во Гевгелија, затоа треба да одговориме со ЗА на европските пријателства

Недела, 23 Септември 2018

Трибина „ЗА европска Македонија“ со коалицијата „Излези ЗА“ одржана вечерва во центарот на Гевгелија

 

 

- „Шо да ви лафам јас на вас гевгеличајне уф Гевгелија за Европа. Европа уф Гевгелија е и на таки и наваки. Европа е уф Вас“ се обрати на гевгелиски дијалект Премиерот Зоран Заев на вечерашната трибина одржана во центарот на Гевгелија.

За својот избор на обраќање објасни:
- „Почнав со гевгелиски дијалект зошто нашите ценети лингвисти велат дека богатството на јазикот е во многуте диијалекти. Овој наш богат јазик, македонскиот сега ќе биде признат јазик во Европската Унија и официјален јазик во таа асоцијација. Тоа го има во член 2 од Договорот од Преспа каде е признат македонскиот идентитет и македонскиот јазик, а со членството во Европската Унија ќе стане официјален јазик како и секој јазик од другите земји членки на Унијата“, објасни Заев за вредностите на јазикот, идентитетот, договорот и европската иднина на Македонија со претстојниот референдум.

- „Овде во Гевгелија поминува железничката трансферзала од Атина до Париз. Гевгелија ја има одамна Европа во себе. А сега и европскиот воз за членство на кој после 27 години чекање треба да се качиме на него“ ги потсети Заев гевгеличани дека од секогаш биле дел од светот и светските патишта.

Премиерот Заев и лидер на СДСМ, предводник на коалицијата „Излези ЗА“ вечерва ги потсети гевгеличани на огромните пријателства кои се создадени со поканата во НАТО и договорот со Преспа.
- „ Сите соседи ни станаа пријатели. Министрите за надворешни работи на Грција и Бугарија се бореа во Европскиот Совет за нашата покана за членство. Од 8:30 до 21 часот се бореа за нас во ЕС. Деновиве бројни државници од ЕУ ни' испорачуваат поздрави на поддршка за референдумот. Дојдоа да ни изразат поддршка и Тереза Меј, и Меркел, и Курц, и Генералниот секретар на НАТО, и Макрон испрати видео порака. Кога толку држави дошле да ја посетат Македонија, а до пред неколку месеци дали знаеја каде е на картата да ја покажат. Конечно заслужуваме на ова пријателство да одговориме со прифатено партнерство во Европското семејство и НАТО. Ние ја имаме честа да бидеме 30-та членка на НАТО алијансата. Тоа значи сигурност и траен мир на овие простори. Ве молам да не изгубиме ниту еден ден повеќе во чекање, а не 27 години“, рече Заев пред граѓаните на Гевгелија.

- „Ми доверивте вие граѓаните мандат да ја водам државата до декември 2020 година. Со ваква опозиција може да добијам уште еден мандат. Ама, каде да ја водам Македонија? Во калта. Затоа треба да гласаме за влез во ЕУ и НАТО. Референдумот е последниот воз за Европа, односно возот што ќе ја донесе Европа овде. Нема друга алтернатива. Нема план Б. Ова е прашање дали ќе бидеме дел од светот, или сами во светот. Постарите генерации знаат како се живеело со пазар од 22 милиони народ. Сега отвараме пазар со 500 милиони народ“, ги нагласи Заев економските предности од отварањето на пазарите за соработка со земјите од Европската Унија.

И поентата:
- „Јас, Зоран Заев од село Муртино, Струмичко, газев по црвени теписи послани и во Брисел, и во Лондон, и во Берлин, и во Вашингтон, ама црвениот тепих не беше послан за мене, човекот од Муртино, туку за Македонија. Затоа треба да возвратиме на ова пријателство и во недела на 30 септември да гласаме ЗА. Ајде граѓани, приклучете се да ја испишеме европската историја на Македониаја“ беа завршните зборови на Заев проследени со громогласен аплауз од граѓаните на Гевгелија кои ги разбраа и поздравија пораките на Премиерот.

 

На трибината во Гевгелија свои обраќања имаа и пратеничката во Собранието на РМ,  Јулиана Николова (од ЛДП)  и претставник од невладиниот сектор од Гевгелија, Ристо Атанасовски.



 

 

Last modified on Недела, 23 Септември 2018 - 21:20

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.