Топ Новости
Навалица на рибари во Дојран - Вторник, 18 Февруари 2020 11:27

Пуштени во употреба новите бунари кај Вардар

Среда, 07 Ноември 2018

Чиста вода за пиење без арсен е новиот подарок за гевгеличани по повод 74 годишнината од ослободувањето на Гевгелија и денот на општина Гевгелија 7 Ноември

 

 

 

Капиталниот проект на општина Гевгелија за обезбедување нови количини на чиста вода за водоснабдување на Гевгелија, познати како новите бунари кај Вардар кај месноста Мрзенци, вреден 1.710.620 евра во изведба на бугарската фирма „Хидрострој“ по две години интензивна работа, денеска беше свечено пуштен во употреба.

Чинот беше препознаен како решение на најгорливиот проблем на гевгеличани, а тоа е чистата вода за пиење со која што ќе бидат снабдени 76% од граѓаните на општина Гевгелија и дел од општина Богданци.

По тој повод денеска во Гевгелија присуствуваше и Министерот за транспорт и врски - Горан Сугарески, кое министерство беше директно инволвирано во проектот.

- „Имајќи предвид дека најгорливиот проблем за гевгеличани беше токму водата за пиење, со изградба на овој систем очекуваме да се надмине деценискиот проблем“ истакна Сугарески пред гевгеличани.

Ако општината е богата, ќе има задоволни граѓани. Со таа цел Министерот Сугарески најави 70 милиони евра инвестиционен фонд за изградба на патишта улици низ општините и руралните средини и ги покани општините да учествуваат со свои проекти за искористување на овие средства.

Сугарески им честиташе на сите кои учествуваа во изведбата на проектот и посака: „Нека е со среќа. Аирлија да е!“.



 

Градоначалникот Сашо Поцков го започна своето обраќање пред гевгеличани известувајки ги дека ова е еден од најзначајните капитални проекти за општина Гевгелија. Истиот треба да обезбеди водоснабдување за 17.500 жители од општина Гевгелија и 2000 жители од населените места Селемлија и Стојаково, кои се на подрачје на општина Богданци.

Новите три бунари кај Вардар се комплексен систем со свој резервоар за вода, хлорна станица за гасно хлорирање, 1500 метри цевковод со дијаметар од 450 милиметри. Трите новоизградени бунари кај Вардар ќе работат со целокупна автоматизациона постапка што ќе ја изведуваат вработените на „Комуналец“, јавното локално комунално претпријатие кое ќе стопанисува со истите.

Градоначалникот Сашо Поцков најави дека новата чиста вода ќе потече до граѓаните до крајот на ноември (на инвестиционата табла стои дата 22.11.2018), период кој ќе биде искористен за обука на вработените, чистење на цевките и пробна работа.

Градоначалникот Поцков најави дека со ова завршува најгорливиот проблемот на гевгеличани со арсенот и обезбедување на стандардите на Светската здравствена организација. Поцков најави дека не се откажува од проектот за деарсенификација на водата од бунарското подрачје кај Моин, зафат кој го најави за следната инвестициона година на општина Гевгелија.

Проектот вреден 1,7 милиони евра во кој партиципираше Европската унија со 195 илјади евра, стартуваше со реализација на 17.11.2016 година.

Свеченото пуштање во употреба со сечење на црвена лента го извршија Министерот за Транспорт и врски во Владата на РМ Горан Сугарески, градоначалникот на општина Гевгелија Сашо Поцков, претседателот на Советот на општина Гевгелија Ташко Дојчинов и поранешниот градоначалник на општина Гевгелија кои ги стартуваше проектните активности во 2016 година, Иван Франгов.



 

Last modified on Среда, 07 Ноември 2018 - 15:17

.

.


ПОСЛЕДНИ ВЕСТИ:

Пет часовен прекин на електрична енергија во Гевгелија

ЕВН информира дека утре 29.02.2020 (сабота) со почеток од 05 часот наутро се до

Повеќе

Одложена училишната екскурзија за Италија на учениците од СОУ „Ј.Јосифовски“-

Следејќи ги препораките на Владата, Министерството за здравство и Институтот за

Повеќе

Ветровита Гевгелија со брзина на ветер од 50 км/час

Денешното тивко и напати облачно време попладнево продолжи со ветерни налети

Повеќе

Притвор за осомничен за силување на малолетничка во Гевгелија

Основното јавно обвинителство Гевгелија до судијата на претходна постапка при

Повеќе

Рехабилитација на патот Нов Дојран-Стар Дојран-Граничен премин Дојран

Осумтотини илјади евра за рехабилитација на патиштата и улиците во општина

Повеќе

Исплатени субвенциите за обработлива површина до еден хектар

Агенцијата за финансиска поддршка во земјоделството и руралниот развој на

Повеќе

Зајакната контролата на аеродромите и на граничните премини

Македонските епидемиолози велат дека ќе бидат потребни големо екипирање и

Повеќе

Нов дворед и тротоар до Градскиот пазар во Гевгелија

Со почетокот на уредувањето на тротоарите од двете страни на улицата „Миле

Повеќе

Се крчкаат кандидационите партиски листи за Парламентарните избори 2020

Заклучно до 12 март, на 30 дена од одржуавњето на закажаните вонредни

Повеќе

Задушница - гевгеличани во сеќавање на упокоените ги посетија вечните

Гевгелиските гробишта денеска беа преполни од посетители и роднини кои палеа

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.