Гевгелија со контра аргументи пред Уставен Суд за одлуката за референдум

Петок, 30 Ноември 2018

Општина Гевгелија побара од Уставниот Суд да го повлече решението за поништување на одлуката за референдумот против рудници на Кожуф

 

 

По добивањето на писменато Решение од Уставниот Суд на РМ со кое се поништува Одлуката на општина Гевгелија за распишување на референдум за рудниците поради ненадлежност, Општина Гевгелија со писмен допис се обрати до истиот Суд со следното БАРАЊЕ:

ДА се отфрли иницијативата на Уставниот суд за оценување на уставноста и законитоста на одлуката за референдум и да го повлече Решението У.бр.78/2018.

Во образложението на барањето на Општината до Судот стои наведено:

На седницата одржана на ден 31.10.2018 година Уставниот суд решавајќи по Иницијативата поднесена од правното лице РЕЗЕРВОАР МИНЕРАЛС ДООЕЛ Скопје донесе Решение У.бр.78/2018 со кое поведува постапка за оценување на уставноста и законитоста на Одлуката за распишување на референдум на локално ниво, бр.09-626/1, донесена од Советот на Општина Гевгелија на 15 март 2017 година.
Општина Гевгелија, како учесник во постапката пред Уставниот суд, согласно член 13 и член 19 од Деловникот на Уставниот суд, до Судот достави одговор на решението за поведување на постапката во кое се нведува:

1. Согласно член 108 од Уставот на Република Македонија, Уставниот суд на Република Македонија е орган на Републиката кој ја штити уставноста и законитоста. Согласно член 110 алинеја 1 и 2 од Уставот на Република Македонија, Уставниот суд на Република Македонија одлучува за согласноста на законите со Уставот и за согласноста на другите прописи и на колективните договори со Уставот и со законите.

2. Во гореспоменатото Решение, Судот оценил дека со оспорените одлуки Советот на општина Гевгелија постапил спротивно на законите и распишал референдум на локално ниво за прашање што не е во негова надлежност, односно за прашање за кое тој не е овластен со закон да одлучува и поради тоа пред Судот се поставува прашањето за уставноста и законитоста на оспорените одлуки.

3. Меѓутоа, Судот во својата оцена пропуштил да ја разгледа правната природа на споменатите одлуки на Советот на општина Гевгелија.
Имено, согласно член 110 од Уставот на Република Македонија, Уставниот суд меѓу другото одлучува за согласноста на законите со Уставот, за согласноста на другите прописи и на колективните договори со Уставот и законите. Одовде се наметнува прашањето дали оспорените Oдлуки воопшто претставуваат прописи, односно акти кои се подобни за уставно-судска оцена.

По својата природа прописот претставува акт кој содржи општи норми на однесување, уредува односи на субјектите во правото на општ начин и утврдува права и обврски на неопределен круг на субјекти во правото, додека Одлуките кои ги оспорува
Иницијаторот се конкректни акти кои не содржат општи норми на однесување и воопшто не уредуваат односи на општ начин.
Според својата форма, Одлуките на Советот спаѓаат во категоријата правни акти кои имаат поединечен карактер, односно со нив се уредува еден единствен случај- одржување референдум на локално ниво- со што нејзината примена се исцрпува еднократно.

4. Според сето горе наведено сметаме дека Уставниот суд треба да констатира дека оспорените одлуки се поединечни правни акти, а не општи прописи во смисла на член 110 од Уставот на Република Македонија, да се огласи за ненадлежен за Иницијативата за оценување на уставноста и законитоста на оспорените одлуки и согласно член 28 алинеја 1 од Деловникот на Уставниот суд да ја отфрли иницијативата и да го повлече Решението У.бр.78/2018.

 

Last modified on Петок, 30 Ноември 2018 - 21:12

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.