Нацрт Буџетот за 2019 и програмите за работа пред Советот на општина Гевгелија

Вторник, 04 Декември 2018

Највисокиот финансиски документ на Општина Гевгелија, Буџетот за 2019 година во нацрт верзија ќе биде разгледан на седница на Советот на општината, во средата 5-ти декември

 

 

Највисокиот финансиски документ на Општина Гевгелија, Буџетот за 2019 година во нацрт верзија ќе биде разгледан на седница на Советот на општината, во средата 5-ти декември.
Содржините и ставките на Буџетот, кои се искажани и во посебни буџетски програми, 10 на број по одобрувањето од страна на советниците ќе бидат ставени на јавна расправа. На истата може со свои предлози да учествуваат и граѓаните, граѓански организации, асоцијации и други правни субјекти со свои предлози за усмерување на локалните комунални и капитални активности на општината за подобрување на општите услови за живот во заедницата.

По сумирањето на сите предлози, доколку се истите издржани би требало да се најдат во предлог верзијата на Буџетот на Општината за 2019 година која ќе оди во втора фаза на конечно одобрување пред советниците на општина Гевгелија.

Од програмите кои се составен дел на Буџетот, станува збор за Нацрт-програми за:
- уредување на градежното земјиште во општина Гевгелија за 2019 година,
- за изградба, реконструкција, рехабилитација, одржување и заштита на општинските улици и патишта,
- за работа во областа на располагањето со градежното земјиште во сопственост на Република Македонија на подрачјето на општина Гевгелија,
- за изработка на урбанистички планови,
- за финансирање, одржување и заштита на објекти од културно наследство,
- за активностите на општина Гевгелија во областа на Локалниот економски развој (ЛЕР) и прекуграничната соработка,
- за активностите на општина Гевгелија во областа на Фондацијата за локален развој и развој на информатичките технологии,
- за комуникација и транспарентност и
- Нацрт-Програма за одржување на јавното осветлување во општина Гевгелија за 2019 година.

Последниот Буџет на општината за 2018 година имаше приходна проекција од 15,7 милиони евра (или 965,5 милиони денари). Истиот претрпи измени на 18-та седница на Советот одржана во ноември годинава, кога советницте изгласаа намалување на буџетскиот плафон за 265,8 милиони денари и одобрување на годинашниот буџет на 707.351.685 денари (што е корекција за 27,3%).

Колкав буџетски зафат се предлага за 2019 година ќе одлучат членовите на Советот на општина Гевгелија на утрешната 20-та редовна седница, закажана во 11 часот.

Освен одлука за локалната буџетска каса и придружните 10 програми за работа, советниците утре ќе расправаат и за финансовите планови за работа на општинските основни училишта и средношколскиот училишен центар, за изработка на Локална урбанистичка планска документација.

Последните пет точки од дневниот ред содржан од вкупно 27 точки се однесуваат за ЈПКД „Комуналец' - разгледување на третиот квартален извештај за работа и уште четири одлуки за утврдување на потребата од воспоставување на границите на заштитна зона околу извориштата за водоснабдување со кои стопанисува „Комуналец“. Тоа се извориштата за водоснабдување на селата Миравци, Давидово и Милетково, потоа околу извориштата за водоснабдување на с.Прдејци-општина Гевгелија, околу водозафатните објекти - извори Лунгур и Лешки и експлоатационен бунар Негорци за водоснабдување на с.Негорци и границите на заштитните зони околу водозафатен објект - бунар за снабдување на с.Смоквица - општина Гевгелија.

 

Last modified on Вторник, 04 Декември 2018 - 03:39

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.