Владата исплати 60,7 милиони денари финансиска помош на општина Гевгелија

Среда, 05 Декември 2018

Поцков: Средства во износ од 60.700.000 денари Владата на РМ одобри за потребите на општина Гевгелија за исплата на старите наследени долгови од претходната гарнитура на локалната власт

 

 

Средства во износ од 60.700.000 денари Владата на РМ одобри за потребите на општина Гевгелија за исплата на старите наследени долгови од претходната гарнитура на локалната власт.

Со овие средства основните буџетски приходи на Општината наместо планираните 215.000.000 денари за 2019 година ќе изнесуваат 275.678.227 денари или 48,04% од вкупниот буџет за 2019 година планиран на вкупен износ од 9,3 милиони евра.

- „Средствата се пристигнати, легнати на општинската сметка и истите имаме обврска да ги потрошиме за исплата кон нашите наследени фирми-доверители, заклучно со 30.06.2019 година. Општинскиот наследен долг со сите исплати реализирани во текот на 2018 година изнесува 118 милиони денари, а ние имаме обврска со доделените средства од Владата да исплатиме 51% од долгот, што значи 60,7 милиони денари“, објасни на 20-та седница на Советот на општина Гевгелија градоначалникот Сашо Поцков при расправата по нацрт буџетот на општината за 2019 година.

Тој истакна дека начинот на исплата нема да значи прв дојден прв услужен, односно дека нема да се случи на некоја фирма да и' се плати целиот долг, а на некоја ништо, туку ќе се објави повик за пристап на фирмите кон овие средства со намера тие да понудат дисконт од својата побарувана сума. Со понудите за побаруваната сума за исплата и одобрените дисконти, градоначалникот посочи пред советниците дека главниот збор за исплата кон доверителите пак ќе го имаат тие на седница на Совет, кога ќе имаат можност да се изјаснат за листата на распределба на средствата спрема доверителите.

На почетокот од превземањето на градоначалничката функција Поцков даде изјава пред медиумите дека наследил Општина со долгови од четири милиони евра, а секој ден обврските по доспеани рати се поголеми со најава да се зголемат на шест милиони евра.

- „Општина Гевгелија ја превзедов на 25 октомври 2017 со долг колку два годишни основни буџети, рече Поцков пред медиумите на прес одржан на 13.11.2017 година.

Доделените средства за општина Гевгелија се дел од заложбите на Владата на РМ искажани и уште во март годинава, а потоа следуваа и одлуки и законски заложби за стабилизирање на општиние, дека со кредит од 120 милиони денари ќе се враќаат наследените долгови на општините во државата, но само 51% од вкупните доспеани долгови.  Средствата за ваквата раздолжувачка намена се обезбедеби со кредитно задолжување на државата и ќе треба да се враќаат во период од 10-20 години.

Last modified on Среда, 05 Декември 2018 - 23:51

.

.


ПОСЛЕДНИ ВЕСТИ:

Инфраструктурно улично подобрување во Прдејци

По дводневна акција денеска заврши бетонирањето на уличен крак во населеното

Повеќе

Дезинфекција на јавните површини во Гевгелија

По налог на Општинскиот штаб за заштита и спасување денеска започна да се

Повеќе

Донација од 40.000 евра од Групацијата „Новоматик“ за Општа Болница Гевгелија

Еден месец по официјалната најава на својата одлука да донираат 200.000 евра

Повеќе

Јавното обвинителство отвори предмет против митрополитот Агатангел

Основното јавно обвинителство Велес отвори предмет по допрен глас по објавите

Повеќе

Трета акција за уништување на комарците во Гевгелија и ЈИ регион

По извршени две последователни лаврицидни прскања против комарци на места

Повеќе

Започна ревитализацијата на патот Богородица-Стојаково

Градежната оператива на „ЖИКОЛ“ ДООЕЛ Струмица од денеска е на терен со

Повеќе

Владата донесе забрана за одење на гробишта викендов на цела територија

Во петок е задушница, а во недела Духов ден. Во пресрет на овие народни

Повеќе

МВР против МВР на „Боемска“ – СВР и ЕБР ги чекаат снимките од камерите

Пазарната полиција не можеше да влезе во угостителскиот објект на улица

Повеќе

Во изолација 60 полицајци на служба во Гевгелија

Околу шеесетина полицајци кои ја чуваат јужната граница на Македонија поради

Повеќе

Шести ден протести во САД кои зафатија 25 држави

Смртта на George Floyd од рацете на полицијата во Минеаполис предизвика широки

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.