Топ Новости

Протече вода без арсен од новите бунари за гевгеличани

Четврток, 24 Јануари 2019

Видео: Прес на Поцков - Од денеска Гевгелија се снабдува со вода од новите бунари кај Мрзенска ада

 

 

- „Слободно пијте вода од чешмите, затоа што водата е целосно квалитетна и здрава за пиење

Ова го препорача денеска градоначалникот Сашо Поцков до граѓаните на Гевгелија објавувајќи дека од денеска низ новиот цевковод тече вода од новите бунари кај Мрзенска ада, кои со трите последователни анализи покажаа дека нема арсен.

Долгогодишниот проблем со небезбедната вода со отровниот арсен е завршен.

- „На 7 ноември минатата година, како што знаете, го предадовме во употреба новиот Водоснабдителен систем. Притоа, нагласивме дека системот ќе профункционира по завршување на сите неопходни технички испитувања и анализи“, истакна Поцков на денешниот прес со медиумите и додаде:

Во оваа прилика сакам да ја известам јавноста: дека од денес во водоводната мрежа на регионалниот водовод во Гевгелија тече вода за пиење од новиот водоснабдителен систем. Со тоа од денес сите граѓани пијат здрава и квалитетна вода.

Имено, анализите на физичко-хемискиот состав на водата за пиење од овие бунари, направени од Институтот за јавно здравје на Република Македонија покажуваат и потврдуваат дека во водата воопшто нема арсен и дека водата одговара на законските и стручни прописи во однос на испитаните параметри за физичко-хемиска анализа.

Изработените биолошки анализи на водата за пиење од новите бунари, а последната е направена на 21 јануари годинава, го потврдуваат високиот степен на здравствена безбедност на водата“, нагласи Поцков на отворениот прес за јавноста.



Фото галерија од извршените Анализи на биолошки и физичко-хемиски квалитет на водата од новиот водоснабдителен систем за Гевгелија извршени во декември 2018 и 21 јануар 2019 година 


 


Градоначалникот Поцков истакна дека определбите на Општината за здрава вода за гевгеличани останува: 

- „Уште еднаш ќе нагласам – дека не се откажуваме од водата во бунарите кај Моин, за што во тек се испитувањата на најповолната постапка за деарсенизација“.

Тој ги предочи најновите технички предности што ги поседува новиот водоснабдителен систем, кој располага со три бунари, во областа „Мрзенска Ада“, со пумпни станици со вградени пумпи и дополнителна хидромеханичка опрема. Во нивна непосредна близина е изградена хлорна станица за гасно хлорирање, која ќе се користи за управување и мониторинг со целиот систем за водоснабдување. Хлорираната вода од изворите преку новоизведениот потисен цевковод, во должина од околу 1500 метри, се складира во новиот Резервоар, од каде што преку доводниот цевковод, во должина од околу 2200 метри, истекува во постоечката градска водоводна мрежа.

Целокупното мониторирање и управување со системот е автоматизирано, и го вршат обучени лица од комуналното претпријатие, кои посетуваа посебна обука.

Поцков не го криеше задоволството од можноста да им ја упати посакуваната порака на своите сограѓани дека слободно можат да пијат вода од нивните чешми дома зошто водата од новиот водоводен систем е без арсен, квалитетна и здрава за пиење.

 

Last modified on Четврток, 24 Јануари 2019 - 12:42

.

.


ПОСЛЕДНИ ВЕСТИ:

Кристијан Јованов е среќниот фаќач на крстот во Миравци

Денеска претпладне на браната Калица кај Миравци се одржа чинот на осветување

Повеќе

Академик Георги Старделов ја доби Светската награда за хуманизам

На академик Георги Старделов, првиот од Македонија, вчера во Охрид му беше

Повеќе

Над 30 лица ќе запливаат на Водици во Гевгелија

Традиционалната манифестација на осветување на водите и пуштање на светиот крст

Повеќе

Власта го забрани со закон присилното извршување кај социјално загрозените

УСВОЕНИ ИЗМЕНИ НА ЗАКОНОТ ЗА ИЗВРШУВАЊЕ кои целосно ги изземаат од извршување

Повеќе

Богданчанец измамил такси компании од Кавадарци и заработил пријави во Полиција

Богданчанецот Г.К. бил пријавен во ОВР Кавадарци во два наврати за измама на

Повеќе

Јануарска градежна офанзива на општина Гевгелија тешка 373.742 евра

Во првата декада од јануари, со почетокот на календарската и новата фискална

Повеќе

Поради измама лишен од слобода И.П. од Гевгелија

Вчера, среда (15.01.2020 год.) во 18.45 часот во Гевгелија бил лишен од слобода

Повеќе

Прес: СДСМ го враќа достоинството на здравствените работници

- „Одговорноста е одлика на Социјалдемократскиот сојуз како партија која го

Повеќе

Владата во Русија се распушта - спрема ли Путин новa политичка моќ за себе

Премиерот на Русија, Дмитриј Медведев поднесе оставка и ја распушти владата

Повеќе

Комесарот на ЕУ за проширување во посета на Македонија

Претседателот на Владата на Република Северна Македонија Оливер Спасовски

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.