Во акцијата „Нахрани 10.000“ собрани 12 тони храна

  • Петок, Сеп 14 2018

 

 

Десетте градови низ Македонија кои се вклучија во акцијата „Сите сити“ ја надминаа квотата на собрани донации со храна, обезбедувајќи 12 тони храна наменета за социјално загрозени категории лица и семејства, а само во Гевгелија нахранети се 25 социјални случаи.

Националниот проект „Нахрани 10.000“ кој минатата недела се организираше и со отворен штанд во центарот на Гевгелија  и пред просториите на Општинската организација на Црвениот крст, успеа да стартува, но со слаба ефективност на реализираното во општински рамки.

Деветчасовниот отворен штанд беше изненадување за гевгеличани, кои во голем дел ја поздравија акцијата, ама во мал дел ја посетија. И тие кои го посетија штандот, изненадени од акцијата велат дека им е жал што дошле не спремни на ваков настан, па побрзале да купат нешто од посочените видови храна за донација од најблиските маркети. Во Гевгелија собрана е донирана храна која се распредели на 25 социјално загрозени лица. Ова не беше зацртаната бројка од мотото на акцијата „Сите сити“ ниту масовноста со називот „Нахрани 10.000“.

- „Наредниот месец одзивот во акцијата ќе биде уште поголем, се разбира, доколку во неа со донации на храна се вклучат и стопанските организации, пред се', преработувачките фабрики“, велат во општинската организација на Црвениот крст.

Знаејќи дека хуманоста не е слаба страна на гевгеличани, останува организаторите да поработат на промоција и афирмација на акцијата, па наместо чекање во канцеларијата на Црвениот крст, или пред штанд да се погрижат да ги анимираат потенцијалните донатори кои самите ги посочиле, од редот на фирмите кои подготвуваат земјоделски и овошни преработки, во конзервирана, трајна состојба.

Гевгелиските претставници на Црвениот крст најавуваат дека националната акција ќе продолжи со најавен термин за реализација и наредниот месец, на 16 октомври, кога се очекува да се соберат 60 тони спакувана и конзервирана храна наспроти 12 тони кои беа собрани во 10-те градови од одржаната акција на 6-ти септември годинава.

Според статистички податоци, во Македонија на годишно ниво се фрлаат 12.000 тони храна со која што можат да се обезбедат по три оброка дневно за да бидат сити 26.000 граѓани. Овој тренд на фрлање храна, наместо организирано собирање и достава на лица на кои им е потребна за живот, ја рангираат нашата земја на седмото или осмото место во светот по фрлање на вишок храна.

 


ПОСЛЕДНИ ВЕСТИ:

Дојран на 38-от меѓународен саем за туризам во Белград

Општина Дојран и тамошните угостители годинава  од 21 до 24 февруари се

Повеќе

Два инциденти во Затворот Шутка

Притворените екс министри Миле Јанакиевски и Спиро Ристовски денеска во

Повеќе

Груевски ја ставил партијата во функција на настаните од 27 април

ОЈО: Осомничениот Н.Г. како тогашен претседател на политичка партија преку

Повеќе

Манчевски: Да се повлечат блиските на функционерите и од власта и од опозицијата

Ургентно решение за надминување на проблемот со непотизам при вработувањата е

Повеќе

ОЈО ги сомничи Груевски и Вељановски за Крвавиот четврток

Вељаноски и Груевски - осомничени за терористичко загрозување на уставниот

Повеќе

„Антикоцкање“ бара дислокација на казината и обложувалниците

Владата ќе го разгледува барањето на граѓанското движење за дислокација на

Повеќе

Со 60,6 милиони денари Општина Гевгелија ќе ги раздолжува наследените долгови

Буџетска дотација од Владата на Македонија за раздолжување на наследените

Повеќе

Граѓанскиот сектор со буџетска поддршка за 2019

Шеснаесет граѓански организации ќе добијат буџетска дотација во вредност од

Повеќе

Продолжуваат изведбените работи на патот Гевгелија-Негорци

Механизацијата на изведувачот „Жикол“ е на терен за гребење на асфалтот од

Повеќе

Бензинот поскапува, дизелот не

Регулаторна одлучи - од ноќеска поскапува бензинот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.