Намален трошковник за Општината па и за градоначалникот на Гевгелија за 2018

Четврток, 01 Ноември 2018

Ребалансен рез од 27,3% на буџетот на општина Гевгелија за 2018

 

 

Намалување на буџетските проекции за 265.845.381 денар за 2018 година изгласа Советот на општината. Со тоа од планираните 973,3 милиони денари на рсполагање на Општината за реализација на програмите остануваат 707,4 милиони денари. Ова значи скратување на буџетските проекции за 27,3% што е резултат на намалените буџетски остварувања во изминатото деветмесечје.

Градоначалникот Поцков ребалансот го правдаше со цел усогласување на програмите од надлежност на општината со очекуваните приходи кои треба да се реализираат до крајот на годината. Иако, голем дел од очекувањата тој посочи на буџетската интервенција од страна на Владата на РМ за раздолжување на наталожените и наследени долгови кои ги имаат поголемиот дел од општините во државата, сепак додаде:
- „За вистинските резултати од годината ќе зборувам во февруари следната година кога ќе ја имаме завршната сметка на буџетот, за кога очекувам дека ќе имаме исплата на владините наменски средства за раздолжување на општините, а тие ќе значат отплата на започнатите проекти, што се најголем дел од наследените долгови“, рече Поцков.
- „За разлика од мојот претходник, кога јас менаџирам со општината и градам, тогаш ги плаќам изведувачите. Тоа не беше случај со работењето на минатиот градоначалник. Тој градел и не плаќал. Ние како локална самоуправа ги наследивме долговите, еве и ги отплатуваме и планираме да ги отплаќаме и кредитните задолжувања кои со грејс периодот ќе настапат на сила за некоја година“, рече Поцков пред советниците во одбрана на ребалансот.

Најголеми кратења во расходните проекции се предвидени кај „капиталните расходи за градежни зафати“ во износ од 253,9 милиони денари. Од предвидените 561,9 милиони денаари намалени се на 306 милиони денари за таа намена. Останатите корекции се во ставките „Стоки и услуги“ каде кратењето изнесува 9,88 милиони денараи и кај „Платите и надоместците“ кои се пократки за 2,9 милиони денари. Кратење има дури и во ставката „Расходи на градоначалникот“ во износ од 400.000 денари. Сепак, ребалансот не значи само кратење. Зголемување има кај капиталните расходи за отплата на кредитните задолжувања за 2,699 милиони денари повеќе.

Оценка на предлагачот на ребалансот е дека е задржана развојната комонента на буџетот со тоа што „Капиталните расходи“ учествуваат со 43,5 % во основниот буџет или 308.004.481 денари, додека пак „тековно оперативните расходи“ завземаат 56,4% од вкупниот буџетски колач за 2018 година, или 399.457.177 денари.

Ребалансот доби зелено светло од мнозинството советници со 10 гласови „за“, 6 „против“ и 1 „воздржан“.

 

Last modified on Четврток, 01 Ноември 2018 - 13:24

.

.


ПОСЛЕДНИ ВЕСТИ:

Првите капачи во Дојран

Сончевите денови од топлиот продолжен викенд со температури до 29 и 30 степен

Повеќе

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.