Се бара локација за стационар за бездомни кучиња

Недела, 04 Ноември 2018

Општина Гевгелија, е една од општините во Југоистокот, заедно со Струмица каде ќе се гради стационар за кучиња скитници

 

 

Општина Гевгелија, е една од општините во Југоистокот, заедно со Струмица каде ќе се гради стационар за кучиња скитници.

Проектнит зафат кој за двете општини чини околу 20 милиони денари ќе биде во најголем дел финансиски поддржан од Швајцарската Влада и УНДП. Уделот на општина Гевгелија во целиот проект е 2,7 милиони денари, но за навремен старт потребно е да биде избрана поволна локација за непречено функционирање на стационарот.

Во функција на забрзување на динамиката на работите, за утре, 5 ноември, Комисијата за урбанизам, комунални дејности и заштита на животната средина при Советот на општина Гевгелија ја закажа својата 15-та седница на која треба да стане збор и за избор на соодветна локација.

Се работи за територијален зафат од 2.000 метри квадратни каде ќе бидат изградени 40 боксови за кучиња. Овде ќе се носат заловените животни, ќе добијат ветеринарски преглед и третман, а потоа ќе бидат понудени на згрижување.
Првично определениот простор во месноста Прдејци не ги задоволува условите од здравствен аспект. Се наоѓа покрај течението на реката Вардар, а токму водата и присуството на мушички кои можат со убод да пренесат болести од заловените кучиња, уште пред да го добијат здравствениот третман, е фактор на ризик по здравјето како на останатите кучиња, така и на населението.

Во прашање е заразната болест која била евидентирана во 30-40% од заловените кучиња во првото полугодие од годината на реонот Гевгелија, Богданци, Дојран. Се работи за болеста Leishmania која што се пренесува од заразено куче преку каснување на песочна мушичка, а потоа преку убод на човек. Докторите објаснуваат дека Македонија е ендемско подрачје за лајшманијаза. Евидентирано е дека во последните седум години заболеле 70 луѓе, а двајца починале. Навременото лекување може да спречи големи последици по здравјето и животот на заболените.

Наместо лекување, подобро е да се превенира, па затоа надлежните од општината утре ќе расправаат за избор на нова локација за стационар за кучиња, која не треба да биде во близина на вода, или во подрачје на дабова шума каде се присутни мушички, потенцијални преносители на кучешката Leishmania. Брзиот одговор за локација, ќе значи и брза реализација на проектот за изградба на стационар за кучиња и потенцијалните носители на оваа болест да се тргнат од урбаната зона за да не ја шират болеста.

На седницата на комисијата ќе биде присутен и градоначалникот на општина Гевгелија, Сашо Поцков.

 

Last modified on Недела, 04 Ноември 2018 - 23:06

.

.


ПОСЛЕДНИ ВЕСТИ:

Првите капачи во Дојран

Сончевите денови од топлиот продолжен викенд со температури до 29 и 30 степен

Повеќе

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.