Топ Новости
Исчезнатиот Илија Минов погребан денеска - Четврток, 02 Септември 2021 14:07

Угриновски: Им симнувам капа на Владата за успешноста со справување на коронавирусот

Петок, 10 Април 2020

Неврохирургот д-р Јовица Угриновски во “Отворено студио” на 24ТВ даде свој осврт на светската закана Ковид-19 и оценка за мерките во нашата земја: “Ова го предвидов многу години пред да се случи, не знаев кога ќе се случи. За жал, ова требаше да му се случи на светот како последна опомена за она што и го правиме на планетата Земја. Морам да кажам дека здравствено-политичките власти досега успешно се справуваат со кризата. Јас не сум ниту епидемиолог, ниту инфектолог, ниту матичен лекар, ама им симнувам капа за она што досега го направија” – оцени Угриновски.

Во поглед на оправданоста на преземените мерки, д-р Угриновски со порака до граѓаните: “Единствениот начин кога имате непријател којшто не го познавате и му го знаете само името коешто вие сте му го дале, не знаете како се однесува и што прави, односно единствениот начин да се контролира пандемијата е да се прекинат социјалните контакти, да се прекине ланецот на што е можно повеќе места за инфекцијата да остане локално. Многу е лесно да се каже затвори го градот, ама зад тоа има многу други импликации. Моја порака до граѓаните е да се почитуваат мерките затоа што 7-8 луѓе го донесоа вирусот во државата, од почетокот вирусот беше импортиран од 7-8 луѓе кои потоа го запалија пожарот и отворија кластери” – порача Угриновски.

Во продолжение, д-р Угриновски пласираше една своја теорија врз основа на глобалната слика на најпогодените земји во светот од Ковид-19: „Поранешните социјалистички и комунистички држави подобро се справуваат со епидемијата, за разлика од таканаречените западни држави. Клекнаа на коленици една Италија, една Шпанија и една Америка која себеси се нарекува суперсила. Знаете ли зошто тоа е така? Заради тоа што пристапот им беше капиталистички. На пример, Кина, Куба, Македонија, Хрватска и некои други држави имаат различен пристап, односно здравјето на популацијата им е на прво место, за разлика од капиталистичките земји на кои профитот им е на прво место, а здравјето на второ. Колку за пример, во ек на епидемија во Шпанија 50 000 гледачи го гледаа мечот Аталанта-Валенсија, а во Италија скијачките центри работеа со полна пареа, кај нив профитот е на прво место“ – заклучи Угриновски.

Угриновски се осврна и на вредностите во животот: Јас не сум чул дека некој отишол во продавница да купи најнов модел на ајпод, или некоја друга брендирана облека. Свативме дека за живот ни се доволни и нештата што веќе ги имаме и храна која ја подготвуваме дома. Луѓето научија во животот дека имаат семејство што е со нив во оваа состојба. Нема одење по ресторани, се готви дома.

- „Луѓето увидоа дека трчајќи по пари заборавиле да живеат. Што му вредат сега еден милион долари ако нема кај да ги троши - нема ресторани, нема утакмици, нема патувања. Еден милион не можеш да истрошиш за еден живот и за другите после тебе, па зошто тогаш трката за два, три милиони“ - ја објаснуваше својата теза за вредностите во животот неврохирургот Угриновски.

На прашањето „Што очекувате после вонредната состојба?“ проф. Угриновски уверено одговори: „Па верувам дека ќе следува еден период на разводи, и еден период на новородени бебиња таму некаде во ноември и декември (како нуспроизвод на изолацијата).

Зошто? Сметате ли дека семејното насилство и кај нас е во подем за време на изолацијата и седењето дома (како примерите во Франција каде семејното насилство пораснало за 30% повеќе од вообиаено).

„Оваа изолација е издржлива таму каде има хармонични семејни односи. Таму каде се глуми хармонија мора нештата да излезат на виделина. Не можете вие два спротивставени антиподи да држите заедно 24 часа, а да не се роди ситуација. Е тие брачни партнери конечно ќе сватат дека не се еден за друг и ќе побрзат да побарат развод веднаш после завршувањето на вонредната состојба“ оцени Угриновски.

Тој испорача три совети до граѓаните:

1. Да ги следат и спроведуват мерките на Владата, Министерството за здравство, Светската здравствена организација за спречување на ширењето на вирусот корона;

2. Да се замислат надлежните дали е поважно да се дадат 100.000 евра за еден концерт, отколку за здравстворо од кое сега сите зависиме,

3. И, до сите граѓани порака - Свестете се!


Last modified on Петок, 10 Април 2020 - 05:25

.

.


ПОСЛЕДНИ ВЕСТИ:

Септемвриско лето - натпросечно топло време

Долго топло лето во Гевгелија и на југот со продолжена капачка сезона во водите

Повеќе

Изгаснат пожарот кај населбата Карач, Ст.Дојран

Пожар над туристичката населба Карач во Стар Дојран беше забележан вчера во

Повеќе

ПОПИС 2021- досега попишани 502.000 граѓани

Заклучно до 20 часот вечерва се реализира осмиот пописен ден во државата и во

Повеќе

ОИК Гевгелија: Доставени се 5 кандидатури за градоначалник и 6 советнички листи

До синоќа на полноќ кога законски истекува рокот за поднесување на кандидатури

Повеќе

Богданчанец пронајден мртов во својот дом

Во петокот, на 10.09.2021 во 14:30 часот во Полициска станица Гевгелија било

Повеќе

Министерот Филипче поднесе оставка

Министерот за здравство Венко Филипче штотуку соопшти дека од морални причини

Повеќе

93-годишна дојранчанка е тешко повредена откако со автомобил излетала од патот

Синоќа 9 септември во 20.40 часот во СВР Охрид, пријавено е дека на

Повеќе

Прогласена тридневна жалост во цела држава за настраданите во Тетово

На денешната вонредна владина седница прогласена е тридневна жалост на

Повеќе

Пожар во тетовската ковид болница, има и жртви

Вечерва, околу 21 часот избувна пожар во модуларната ковид болница во Тетово.

Повеќе

Честит Ден на независноста - 8 Септември!

Пред три децении на денешен ден, над 95 проценти од граѓаните на Македонија на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.