Топ Новости

Не е вистина дека тетовчани го избркале Заев

Петок, 10 Јули 2020

Пишува: Ардит Рамадани

Рецензираната вест најпрво се објави на порталот “Pa censurë (Без цензура)” а потоа ја објавија и голем број на медиуми, кои во јавноста претежно се познати како мегафон на една одредена политичка партија. Во оваа вест има генерализирање на изјавата на еден поединец и на овој начин, преку сензационалистички наслови, се манипулира со јавноста.

Тема на оваа вест е посетата на експремиерот Заев на зеленото пазарче во Тетово. Авторот на веста доаѓа до заклучок дека граѓаните Албанци „ја напуштиле коалицијата СДСМ-БЕСА“ и дека овој „последниот“ го „избркале“ од градот Тетово.

„Албанците го напуштаат Заев, посебно тие од Тетово, токму во моментот кога и анкетите со неговиот политички ривал ВМРО-ДПМНЕ се во негова полза“, пишува во рецензираната вест.

За да го докаже ова, авторот на веста во насловот им ветува на читателите едно видео, но кога ќе се кликне на линкот и се отвара видеото, јасно се гледа дека тоа не соодветствува со тоа што новинарот на порталот го напишал во текстот.

Во видеото се гледа еден граѓанин кој се соочува со лидерот на СДСМ, и му вели дека нема да гласа за него затоа што е разочаран, како и одговорот што Заев му го дава на разочараниот граѓанин. Сепак, не е коректно една изјава на еден граѓанин да се земе како основа за да се тврди за кого (нема) да гласаат граѓаните на Тетово на денот на изборите.

Освен тоа, начинот на кој е напишана оваа вест, освен што ги збунува и манипулира читателите, за ништо и не ги информира, а истовремено не се почитувани ни основните принципи предвидени во Етичкиот Кодекс на новинарите.

На крај, авторот го завршува текстот со една сосема нова информација, во која тој пишува за нешто кажано од граѓаните на Тетово, меѓутоа не појаснува кој, кога и кој е изворот на информацијата: „Некои од нив мислат дека имаме доволно партии кај Албанците и овој пат немаме зошто да се определиме за една македонска партија“, вака завршува рецензираната вест.

Стара пракса и техника на манипулирање од страна на новинарите е употребата на анонимни извори. Во моментот кога новинарот му вели на читателот „некои од нив“, се создава збунетост која не помага во информирањето на читателите, односно за основната задача на еден новинар.

Во видеото во ниту еден дел не се слуша некој да го кажува тоа што го тврди новинарот во написот, односно дека има доволно партии кај албанците и овој пат немаат причина зошто да се определат за една македонска партија.

Во Етичкиот Кодекс на новинарите стои: „Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти”.

Овој текст е доказ како еден манипулативен напис може да се сподели од неколку медиуми и на тој начин да се изманипулираат поголем број читатели.

______________________________________________________________________

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.


Last modified on Петок, 10 Јули 2020 - 17:07

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.