Топ Новости

Обвинителство „на миг“ и резултатите на ДИК

Сабота, 18 Јули 2020

Често пати самиот себе се прашувам што треба да се случи во оваа земја, за брза и одлучна реакција на Јавното обвинителство. Понекогаш замислувам реакција каква што уште може да се види во филмовите, но кога за миг ќе се вратам во реалноста, повторено останувам со истото прашање: Кога, навистина, ќе ни се случи да имаме ефективна и адекватна реакција на Обвинителство?
Малку недистигаше да имаме обвинителска реакција по завршувањето на вонредните парламентарни избори, односно по објавата на некои чудни бројки на сајтот на Државната изборна комисија.
Дали сознанието дека и по три дена сајтот не е во функција и дека на него беа објавени „фалсификувани“ изборни резултати е премалку за Обвинителствто? Дали сознанието дека некој, на своја рака, го сменил софтверот на системот на ДИК не е основа за поведување (пре)истрага? Дали сознанието дека Бирото за јавни набавки (БЈН) дало негативен одговор на барањето на ДИК за набавка на софтвер за веб сајтот со непосредни преговори и без објавување на оглас, не е доволно некои луѓе да беа спроведени во Обвинителството на распит? Дали непосушноста на одговорно лица во ДИК, односно нивното самоволие да си постапат онака како што сакаат, не е доволно тие сега да се во затворот во „Шутка“?

Претседателот на Комисија за следење на евентуални нерегуларности поврзани со извршување на кривични дела против изборите и гласањето, Јавниот обвинител Џелал Бајрами, констатира дека „парламентарните избори се одвиваа во мирна атмосфера, без значителен број на изборни нерегуларности“. Ако се следи ставот на Обвинителството може да се констататира дека изборите, (можеби како никогаш порано), минаа во исклучителна фер и мирна атмосфера, но што ќе правиме со резултатите што ги соопшти ДИК?
Дали ќе се правиме слепи при очи и ќе се согласиме дека ДУИ и Алијансата на Албанците се партии и коалиции кои го „освоија“ Карпош, Радовиш, струмичко Ново Село, делови од Кисела Вода, односно места каде што никогаш порано не освоиле повеќе од десетина гласови?
Не, нема дилеми дека нешто не е како што треба, бидејќи целата оваа работа со системот на ДИК и со нивната веб-страница некако „се чувствува“ на далеку. Како граѓанин, но и како гласач сакам да знам зошто, на само една недела пред избори, бил елиминиран системот за управување со изборни процеси – „I Vote demokra“, кога истиот тој систем се користи уште од 2006. година?
Што толку, драстично и драматично се промени па мораше да се бара алтернатива, во непосредна спогодба и на само една недела пред избори?
А дека нешто не е како што треба сметаат и во граѓанската асоција „Мост“ од каде велат дека „нападот врз страницата на ДИК отвора сомнежи за испланирано сценарио за нарушување на довербата“.
Она што мене ме интересира, а повеќе би требало да го интересира јавниот обвинител, е изјавата на претседателот на ДИК, Оливер Дерковски, дека тие биле цел на хакерски напад од надвор! Од каде го знае ова Оливер Дерковски? Некој му го кажал или си знаел од порано?
Каков и да биде одговорот многу е сомнително, оти без да се спроведе истрага, само претседателот на ДИК ја знае причината за нефункционирање на системот и тоа ни го соопштува од една телевизија!
Јас не сум тој кој треба да го истражува овој случај, ама затоа, инсистирам тоа, во мое и во името на стотици илјади гласачи, да го стори Јавното обвинителство. На Обвинителството е да открие зашто милиони Унгарци биле „закачени“ на сајтот на ДИК! Дали Унгарците навистина се толку заинтересирани за изборите кај нас или зад „групната посета“ стои нашиот бегалец во Будимпешта?
Многу прашања, а само едно Обвинителство. И токму од тоа едно се очекува реакција „на миг“!

Автор: Љубиша Станковиќ
Извор: Правосудство


Last modified on Сабота, 18 Јули 2020 - 13:20

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.