Twitter

Десетгодишнината од фестивалското-музичко-сценско издание на југот од Македонија „Д-Фестивал 2020“ оваа година ќе се одржи наместо на почетокот на летната туристичка сезона, на 22 август, што за преполнетиот Дојран ќе значи во екот на туристиката посетеност на ова летувалиште.

Уметниците изведувачи се секако атрактивни, но хендикепе што поради корона епидемијата во земјата програмата ќе биде со скратени здание и со капацитет на прием на посетители, од само 30%, така потврдуваат организаторите.

– „Тој ден на главната бина во Дојран ќе настапат популарни домашни музички имиња како „Суперхикс”, „ЛД Пистолеро”, „Бон Праскиза” и уште неколку, а бројот на посетителите ќе биде ограничен на 30 отсто од предвидениот капацитет, велат организаторите.

Поради неможноста јубилејниот роденден да се прослави традиционално, со богата тридневна програма, големото официјално фестивалско издание е презакажано за 2021 година во периодот од 2 до 4 јули кога меѓу артистите, кои досега се потврдени, ќе биде и Кеј-Вај Мани, синот на Боб Марли.

– „Сите кои имаат набавено билети за фестивалот до 30 јули ќе можат да присуствуваат на двете фестивалски изданија, годинашното едновневно и на големото роденденско издание догодина на кое ќе се придружат уште многу специјални гости, уметници и креативци“, велат од организацијата на „Д-фестивал“.

Организаторите објавија и посебен протокол за движење и мерки за заштита на фестивалскиот прием на посетители и гости изведувачи, како и програмата за одложеното роденденско издание за 2021. Целиот паркинг ќе биде една голема шаховска табла, поделена на квадрати со адекватна протоколарна квадратура и означен број во секој од нив. Пропишано растојание од 1,5 метри, носење маска и дезинфекција на рацете.
Билет за еднодневната забава на 22 август чини 400,- денари.
Билетите за тридневното издание 2021 од 2-4 јули чини 800 дена за три дена фестивалска забава без кампување и 850 дена за три дневно следење на програмата на фестивалот со кампување.