Топ Новости

Бучковски за софиски „Дневник“: Немаме заедничка историја ако таа е само ваша!

Четврток, 19 Ноември 2020

Поранешниот премиер на Македонија Владо Бучковски за бугарскиот весник „Дневник“ изјавува дека не ја признава заедничката историја со Бугарија ако тие ја припишуваат како само да е нивна. Во интервјуто за софискиот весник вели:

- „Заедничката историја на Бугарија и Северна Македонија не може да биде само бугарска историја. Ако нешто е заедничко, тоа не може да биде само ваше. Во исто време, тензиите во последните неколку недели се резултат на грешки на обете страни, а ветото за разговорите со ЕУ ќе биде удар за обете страни. Предолго тапкаме на едно место во нашите односи и се разнишува убедувањето дека Бугарија и Северна Македонија не можат да се вратат во времето кога заради пропагандата кај нас и кај вас толку многу се одалечивме, а всушност сме толку блиски.

Ова во интервју за бугарски „Дневник“ го изјави поранешниот македонски премиер Владо Бучковски, кој, како што наведува порталот, заедно со Љупчо Георгиевски, е познат по своите иницијативи за подобрување на односите меѓу Северна Македонија и Бугарија. Бугарскиот весник интервјуто со Бучковски го наслови со: „Некој се обидува да гради Берлински ѕид меѓу нас“

Како што се објаснува, интервјуто било направено во последниот ден на кој амбасадорите на земјите од ЕУ мораше официјално да дадат согласност за почеток на преговорите со Северна Македонија. На прашањето дали е оптимист Бучковски вели дека во оваа атмосфера не може да се биде оптимист.

- „Но, се надевам дека во последната недела имаше серија задкулисни разговори водени од германското претседателство со цел да се договориме за формулацијата во рамките на преговорите и во последен момент да се формулираат некои од барањата во декларацијата на бугарскиот парламент (што претходеше на Рамковната позиција на бугарската влада) и на тој начин да се создаде простор за вин-вин ситуација“, изјави Бучковски.

- „Иако се чини како тешка мисија, се надевам дека ако има малку разбирање во Софија да не се направи кардинална грешка, ова ќе биде историска шанса Бугарија повторно да се третира како сојузник и најдобар пријател, а не како кочница за пристапот на Северна Македонија кон ЕУ“, истакна Бучковски.

Во врска со решавање на отворените билатерални прашања, тој смета дека треба да се даде време на стручната комисија. „Преговорите ќе траат 6, 8, 10 години. Довербата ќе треба да се врати“, изјави Бучковски.

„Во Договорот за пријателство се наведува дека ќе има меѓусебно почитување. Ми недостасува тоа. Како некој да сака да нема меѓусебно почитување, туку заемно понижување. Бугарија има многу можности, доколку Северна Македонија не оди напред во таканареченото препрочитување на историјата, да го искористи правото на вето“, изјави Бучковски. Тој додаде дека доколку тоа (ветото) се направи сега, а комисијата договори состаноци – еден во декември, пет следната година – мисијата е невозможна.

„Говорот на омраза ќе доминира, ќе има притисок и мислам дека не е можно да се работи во такви услови. А, ако преговорите започнат, ако работата на комисијата продолжи, верувајте дека најскептичните во Бугарија ќе видат дека има драматично придвижување напред“, изјави Бучковски.

Тој вели дека очигледно постојат сили кои немаат корист Бугарија и Северна Македонија да се силен блок на Западен Балкан, туку да има невралгични точки кои се повторуваат.

„Гледате што се случува на Косово, приказната во Република Српска во Босна и Херцеговина е недовршена. Знаете, во октомври минатата година, кога не добивме датум за почеток на преговори со ЕУ, беа распишани избори. Мислам дека непотребно се доведе во прашање тоа што е направено во последните три години“, истакна Бучковски.

„Ако се тргне со добра волја, а тоа беше намерата во договорот, да се создаде рамка и да дадеме можност да продолжиме да ја градиме довербата, која што е нарушена во последните 2 недели“, изјави Бучковски во интервју за бугарски Дневник.

 

Last modified on Четврток, 19 Ноември 2020 - 12:24

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.