Топ Новости
Исчезнатиот Илија Минов погребан денеска - Четврток, 02 Септември 2021 14:07

Ретроспектива на 2020

Петок, 04 Декември 2020

Новинарката Мери Јордановска направи ретроспектива на пандемската 2020 споредувајќи ја со минатата 2019 и однесувањето на луѓето. Како се изместија приоритетите со короната - изолацијата стана пижама комоција:

2019: Фотка од фустан на попуст. Цена? Цена? Ценааа? Имате ли M?
2020: Фотка од лабораторија за брис за корона. Ценааа? Цена?!!1 Има ли попуст за пакет со серолошки тест?

2019: Ај на пијачка. Седнуваш у кафич.
2020: Ај да пиеме. Уклучуваш камера.

2019: Мамо ќе поминам да ве видам. Одиш.
2020: Мамо, уклучи камера да ве видам. Мамооо, не таму, има едно копче како видео-камера, во левиот агол... ај нема везе, ќе ви поминам под тераса.

2019: Женска ташна: Новчаник, цвикери, несесер со шминка, 15 лабела, тефтер, 28 пенкала, опашка од глушец, остаток од изгризано јаболко, штраф од бормашина.
2020: Женска ташна: Новчаник, несесер со дезифиценс со 70% алкохол, дезифициенс со 90% алкохол, влажни марамици, трослојна хируршка маска плава, трослојна хируршка маска розева, платнена маска црна, двослојна платнена маска шарена, маска КН 95, влажни марамици, лабело од 2019

2019: Што материјал е фустанот?
2020: Што материјал се пижамиве?

2019: Ќе идам до Манго, ај со мене.
2020: Ќе идам до аптека, ај со мене.

2019: Скајп состанок – се фенираш, шминкаш, облакаш сако, вежбаш говор пред огледало и 3 саати бираш позадина.
2020: Зум состанок – стануваш, врз горната пижама облакаш џемпер и седнуваш пред компјутер додека у позадина се гледа правосмукалката и три мачки наредени врз парното.

2019: Купуваш 5 флаши вино, 25 пива, флаша џин и 3 тоници, идат гости.
2020: Купуваш 5 флаши вино, 25 пива, флаша џин и 3 тоници, ќе глеаш филм.

2019: Ај да се видиме. Ај.
2020: Ај да се видиме. Ти здрава ли си ма, нема место у болнициве.

2019: Ајде чао.
2020: Ајде чао, чувај се, те сакам, ако не се видиме пак, да знаеш дека ти си ми редок пријател.

2019: Три другарки сликани без маски. 1025 лајкови, срциња фрштат.
2020: Три другарки сликани без маски. Еден лајк и 100 коментари „нов кластер, неодговорна младина, засрамете се!“

2019: Идам да се видам со другариве. Ок, убаво да си поминеш.
2020: Идам да се видам со другариве. Значи стави КН95, плус пази на Бојан брат му беше у изолација, да не фатиле корона сите таму, ако ме заразиш после неќам да те видам, имај осет малку и не пиј директ пиво од флаша, ама немој ни од чаша, снајди се некако.

2019: Драги пријатели, ви благодарам за честитките за роденденот.
2020: Драги пријатели, ви благодарам на сите кои ми честитaвте, останете живи и здрави, чувајте се, држете дистанца, носете маска и избегнувајте групирања, ве сакам сите па можеби догодина ќе се видиме ако останеме живи.

2019: Фотка од роденден: Собрани 20 души, камен пијани, качени на маса, торта забораваш и да исечеш.
2020: Фотка од роденден: Сликан сам со торта и дуваш свеќа, таа што не догорела од лани.

2019: Гледаш филм.
2020: Гледаш филм и се прашуваш како е снимен во 2020, а никој не носи маска.

2019: Одиш во продавница и пазариш.
2020: Одиш во продавница и пазариш, на раб на нервен слом: Зошто овој ја носи маската под нос? Што ако корпава ја допрел некој со корона? Ќе зеам од мандарините ама подлабоко ќе брцнам, да дофатам некоја што не е допрена. Овој ко да не држи дистанца од 2 метри, сака ли да не убие сите...

2019: Нешто не ми е добро. Ај ма, ништо не ти е.
2020: Нешто не ми е добро. Измери температура? Имаш оксиметар? Пиеш цинк, селен, Д3, витамин Ц? Вкус? Мирис? Рентген направи ли? ЦРП да провериш и Д димери.


ФБ пост на Мери Јордановска

 

Last modified on Петок, 04 Декември 2020 - 18:23

.

.


ПОСЛЕДНИ ВЕСТИ:

Септемвриско лето - натпросечно топло време

Долго топло лето во Гевгелија и на југот со продолжена капачка сезона во водите

Повеќе

Изгаснат пожарот кај населбата Карач, Ст.Дојран

Пожар над туристичката населба Карач во Стар Дојран беше забележан вчера во

Повеќе

ПОПИС 2021- досега попишани 502.000 граѓани

Заклучно до 20 часот вечерва се реализира осмиот пописен ден во државата и во

Повеќе

ОИК Гевгелија: Доставени се 5 кандидатури за градоначалник и 6 советнички листи

До синоќа на полноќ кога законски истекува рокот за поднесување на кандидатури

Повеќе

Богданчанец пронајден мртов во својот дом

Во петокот, на 10.09.2021 во 14:30 часот во Полициска станица Гевгелија било

Повеќе

Министерот Филипче поднесе оставка

Министерот за здравство Венко Филипче штотуку соопшти дека од морални причини

Повеќе

93-годишна дојранчанка е тешко повредена откако со автомобил излетала од патот

Синоќа 9 септември во 20.40 часот во СВР Охрид, пријавено е дека на

Повеќе

Прогласена тридневна жалост во цела држава за настраданите во Тетово

На денешната вонредна владина седница прогласена е тридневна жалост на

Повеќе

Пожар во тетовската ковид болница, има и жртви

Вечерва, околу 21 часот избувна пожар во модуларната ковид болница во Тетово.

Повеќе

Честит Ден на независноста - 8 Септември!

Пред три децении на денешен ден, над 95 проценти од граѓаните на Македонија на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.